ابي خياط مغربي

[ام ناييف]

السلام عليكم

خواتي ابي خياط مغربي يخيط القفطان شغل يدوي ومرتب

مو مهم المنطقه اي مكان المهم يكون شاطر

وشكرا للجميع

 

[نشـــامي]

مشاركة: ابي خياط مغربي

أنا شايفه خياط مغربي بالسالميه جدام أحذيه السرحان والبحصلي الشارع اللي بين السالميه الحوش والسالميه الشارعين العادي بس ماأدري شنو يخيط بالضبط بس اسمه الخياط المغربي

حبيت أفيدج

 

[خبيرة اعشاب]

مشاركة: ابي خياط مغربي

ما في خيايط بالشكل اللي تبينه هني بالكويت ...في بالامارات و البحرين و هذولا الي شفتهم اما هني بالكويت ترى لا تعبين نفسج ما في ...ممكن انطري اذا في معرض او عرض ازباء ممكن يجيبون ...اما شغل يدوي ..
و اقول انتي شوفي مواقع يبيعون بالانترنت ..ممكن تحصلين

 

[ظلال القرآن]

مشاركة: ابي خياط مغربي

عندج المغربي بالفروانيه عجيييييييييييييب

وخياطه حلو ومرتب واسعاره حلوه ومعقوله

وبصراحه انا وخواتي نخيط عنده دايم بالصيف خيطت عنده ثنتين حرير وبالشتا خيطت عنده شيفون بمخمل بس شنو طلعها تحفه

مكانه بالشارع الرئيسي الي يطلعج على شارع الغزالي واسم المحل الدراعه المغربيه

 

[ام ناييف]

مشاركة: ابي خياط مغربي

هلا خواتي مشكورين على الرد
خياط السالمية انا مجربته شغله حلو بس اسعاره نار
سويت عنده دراعه حرير 65 دينار بس خياطه
وسمعت عن وجود ناس ارخص

خياط الفروانية بروح اجربه وان شاء الله اسعاره تكون معقوله

شكرا جزيلا

 

[ألماسه حساسه]

مشاركة: ابي خياط مغربي

هلا حبيبتي

روحي مجمع المثنى في محل مصممه مغربيه عندها جاهز واذا تبين تخيطين على ذوقج تسويه بالمغرب ويوصل بعد شهر تقريبا وتبيع كذلك احزمه مغربيه جاهزه وشغلها وتطريزاتها كلها يدوي........المحل صارله اشهر مفتوح


وسلامتج

 

[kwaiteyah100%]

مشاركة: ابي خياط مغربي

اكو فوق صالون سحر الشباب اللي بشارع المطاعم ( المقص المغربي ).......صاحبته اسمها ام فهد.......يمكن تلقين طلبج عندها.....



يلا باااااااااااااااي

 

[بدرووووووووووه]

مشاركة: ابي خياط مغربي

اختي ظلال القرآن ...

حبيبتي وصفيلي اكثر اشلون اروح للمحل بخاطري من زمان دراعة مغربية ... ومشكورة مقدما

 

[kwaiteyah100%]

مشاركة: ابي خياط مغربي

انا جربت خياط بفياصل اللي بالجابرية.......يخيط مغربي بوقطعة واحدة ب25 دينار.......خياطه مرتب بس هم احس ان المغربيات الخياطات شغلهم احلى ومضبوط لأن الزراير المغربية تتخيط يدوي علشان جذي تصير دراريعهم غالية........


يلاباااااااااااااااي

 

[انا كويتية]

up>>>