ابي خبراتكم في حفله صغنونه بسويها حق الوالد ......

[طماشه]

حبوبة جم عمر الوالد الله يعطيه طولة العمر ؟؟؟ لان كل عمر و له جو

هلا حبوبه مادري والله بس يمكن 50 او 55 بهالمحاري

 

[انا كويتية]

كويتي قديم اسهل شي.... لبسي عيالج وعيالكم كلهم الأولاد دشاديش وغتر تشريمبة والبنات الصغار دراريع اكيد عندكم مالوت القريعان واتفقو الحريم كلكم دراريع ولبسي انتي ثوب تووور اسود سادة خفيف مال اول ساااادة... وفي في سوق السلاح مواعين قش مثل الزبيل بس صغااار او مطابق صغيرة حطي فيها حلو القهوة مثل الغريبة والرهش والزلابيا وهذيل ييبيهم من حلويات الوطن بالأوقاف او الكواكب قبلها بيوم علشان ماتتشتتين يوم العزيمة..... البوفيه اذا ماراح تحطين سخانات حطيه بغناج صين مال اول اللي يصير نقشته أبيض بأحمر او ازرق الأكل طبعا كويتي مطبق سمج مموش ربيان او لحم مجبوس .... والباجي فناتق كيفج.....بدال الشمع على الطاولة حطي الفوانيس الكويتية اللي نسميها زهيوي مادري ليش وحطي داخلها الشمع.... الحلو بعد الأكل بلاليط وعصيدة وباقي الحلو كيفج....الألعاب عندج العاب وايد قديمة مثل محيبس واسئلة مثل الفزورة بأوراق عن الكويت قديما ومحليا واسئلة عن ابوج شخصيا مثل وين اشتغل اول ماتعين جم كان معاشه متى انولد كم مرة سافر شنو يحب اكلات وشنو حركاته العصبية وشنو كلمته المعتادة ..... شنو اسم اصدقاءه وغيرها وطبعا الأسئلة تسألينها الحاضرين اللي اهم عياله واحفاده وانسباه الموجودين...... واذا تذكرت شي برجع لج

 

[سيدة الكويت]

طماشه اذا ابوج 50 توه شباب يعنى ما تصلح له سوالف يوم البحار وجذى...............بس شوفى اكثر شئ حلو للحفلات الوسائل بالغرفه للترحيب والشعر وبعد المسابقات شوفى حطى طاولات مدوره وكراسى وناسه بالحوش واذا عندج مسجل قولى الشعر بصوتج بس عسا ما تخنقه العبره ابوج صج شى حلو ومؤثر ربى يخليه لكم وتستانسون وعزيمينى هههههههه

 

[طماشه]

مشكوووووووووووووووره كويتيه على الافكاار الحلوه ان شاء الله بطبق شئ منها


سيده الكويت اي ابوي شباب بس استايله قديم ايحب الاشياء القديمه
ومشكووووووووره حبيبتي على الافكاار