ابي حل وجذري وسسسسسريع

[دكتورة التطنيش]

السلام عليكم والرحمة
أتمنى بنوتات تلا قولي حل لمشكلتي التي لوعت جبدي تصورو حاضرين عرس حد من بنات العايلة
وشفو الصدمات
1-اول ماشافونا لاسلام ولا كلام وكانن شيفات نفسهن شوية مو شوية وااايد (رغم انه صار لنا سنين مو متشاوفين)
2-يو يطلعونا من الطاولة ورحو شوفو أي طاولة خلو هالضيفة تقعد وليش نحن شو....؟؟؟؟ (اهنية الصدمة الي شلت ركبنا وحلوقنا)ولا تقوللنا ليش ماطلعتو من العرس لأن دورت امي اريد اخبرها ماحصلتها والعرس خلص من وقت ونفس الوقت دار راسي من الصدمة
3-بعد انتهاء العرس في البيت اكتشفت ان بنات من العايلة يسولفن عنا وانه نحن نكرهم وماخذين موقف(يعني مبررات موقفهن السخيف ويدافعن عنهن وكأن نحن مالنا كرامة والله من القهر ما نمت طول الليل ليش ماصارخت ...
(وليش؟؟وليش؟؟؟؟؟؟؟؟وليش)وكثرت بداخلي انا واخواتي مع العلم انه حرمنا نحضر عروسهم وبعد مايستحون يعاتبون ليش ماحضرو.....والله حاله
الحين بنات قوللي شلون ابرد خاطري فلي يدافع عنهن ؟؟؟ولا ينقلن كلام وسوالف؟؟؟الله يدخلها الجنة الي ترد

 

[> Miss M6ereiah <]

حبيبتي طنشي شتبين بالمشاكل هذيل مرضى الله يعينهم على ما بلاهم

 

[KOKO_284I]

طنشي
حبوبه

 

[Tulips]

دام اتعرفون انه هذي سواتهم من زمان مفروض مو حاضرين العرس ..

طنشي حبيبتي

 

[حكاية شهرزاد]

جهزي كلام خله اي احد فتان يوصله لهم .. يقولهم ..

اولا جينالكم نحشمكم عشان صله الرحم .. ولا ترى انتوا واصلين لي بلاعيمنا ..

ياللي مافيكم خير يالعقارة ,, شفتونا بداركم وقعدتوا تتفلسفون من يبيكم انتوا .. روحواااا فجوا دورا ربعكم وترى لا ندانيكم ولا نشتهي نشوف ويهكم ..

 

[*الغاليه*]

سلمي امرج لرب العالمين وحرام بهالشهر الكريم تجرحين صيامج بالحجي عنهم

وطنشي وريحي راااسج

​

 

[منو انت]

نكج دكتوره التطنيش مفروض تسوين فيه

 

[عالمي انا غير]

طنشي ناس ماعندها لاذمة وضمير شتبين فيهن وبعدين واضح يبون يلعبون عليج لعبة الحقران انتي بعد حقريهم وطنشي والحقران يقطع المصران

 

[قلب ملكه ~]

,



up

 

[دكتورة التطنيش]

اولا.... اشكركم احلى بنوتات واخوات بهالدنيا...
صدقوني بنات اني دكتورة بالتطنيش بس حتى حتا التطنيش تعب مني والصمت مل مني ويعلم الله اني حتى لما البنات الفتانات
يسولفو عنهن اسكت واقوم واستغفر حتا لا ينقلون كلام وعلى فكرة الفتانات فضحن نفسهن بالصدفة انهن ينقلن سوالف من عندهن بس طنشتهم والله بودي اكون ملسسسسسسسسسسسسونة صرت احسد الملاسين بس ماعرف واخير فعلا رمضان كريم واعرف انه حرام قطع الأرحام بس خلاص اكثرعن السلام حتا لوبعد عشر سنوات وايد عليهم وكفى الله المؤمنين شر القتال
ناس تشوفهم بعد سنوات هذا تعاملهم ؟؟؟؟؟ وبالنهاية الله يغفر لنا ولكم

 

[أم توتو]

الناس صارت جذيه الله يهديهم كلن يقول يالله نفسي حتى السلام مايسلم الواحد احسن شي يطنش

 

[FeShinGoOo]

كلش ولا التكبر انا مادري هالاوادم على شنو شايفه روحها ؟؟

يبا نهايتنااا قبر وقطعه قماش ويصبون فوقنا التراب والرمل ..!! وبياكلنا الدوووووود ..!!

الله هالدنيا ماتسوى والتكبر مو من اخلاق ولا من شيم رسولنا عليه واله افضل الصلاة والسلام

وحتى رب العالمين يقول في كتابه (( اليس في جهنم مثوى للمتكبرين )) صدق الله العظيم ..

والله لو الوحده تلبس الماس من فرق راسها لي ابهام ريلها ورب الكعبه عند رب العالمين ولاشي ولو تفكرون فيها ولاشي كلها مظاهر وزينه دنياااا ..

اللهم باعد حب الدنيا من قلبي ومن قلب كل مؤمن

حبيبتي انتو الي سويتوه اهو الصح انكم وصلتو رحمكم ووجبتوهم

واذا اهم مايعرفون الاصول وماحطولكم اعتبار ولا حشيمه انتو خذيتو اجر يوم وصلتوهم والحين لاتخربين هالاجر وتتندمين انج رحتي لا بالعكس فوضي امرج لله واحتسبي الاجر وطنشي ترى حبهم وكرههم ماراح يزيدج ولا راح ينقصج ولاراح ينفعج ولايضرج

في امور اهم بالدنيا من هالسوالف التافهه ماعليج منهم والله يوفقج يارب

 

[جوري 2007]

توجهي لربج وادعي باللي تبينه وفرغي اللي بصدرج وربج اهوةاللي بيعينج ويبرد عليج

 

[Vdieta]

طنش تعش تنتعش

ليشش تتعبين عمرج وتنقهررين

 

[الزين 85]

طنشيهم طنشيهم طنشيهم وبس

ولا شفتيهم اضحكي واستانسي وانبسطي على الأخر وشوفي علامات وجيههههم شلون بتصير بتحرقينهم حراق

وبسسسسسسسسسسسسسسسسسسسسس