ابي حل للترجيع:(

[المزاد]

شلونكم خواتي


بنتي عمرها 5 شهور ومن اول ماانولدت لي هاللحظه واهي بعد كل رضعه ترجع وترجع واايد مو شويه علما باني ارضعها طبيعي
وديتها اول شهرالطبيب قالي عادي دام وزنها يزيد بس الحين الكل يقولي بنتج ضعيفه علما بان وزنها الحين 5 و600 طبيعي ولا ناقص؟؟
منو مرت عليها هالحاله وشنو طلع فيها صج عادي ولايحتاج اوديها الطبيب مره ثانيه وابي دكتور زين تنصحوني فيه

وجزاكم الله الف خير

 

[ميما الاموره]

عزيزتي وزنها قليل
احسن وديها الدكتور
وانشاءالله بتصير احسن​

 

[بقايا شهد]

انا مثل حالتك والله بنتي تسبح حالها بالتطريش
حتى العالم تكره تشيلها تخاف تطرش عليهم وتبهذلهم

 

[kareeb]

حبيبتي هالحاله نفس حاله بنت اخوي كله ترجع وطلع عندها مشكله بالمرئ
بس بعد ما كملت سنه ونص او سنتين صارت احسن
ويمكن حبوبه من متقبله الرضاعه الطبيعيه
جربي معها حليب صناعي ويكون مخصص للترجيع

 

[كنوشة 2009]

يمكن عندها مشكلة بالمريء اخذيها عند الدكتور خالد بوحيمد وايد زين
يعطيها دواء قبل الرضعة وبعد الرضعة بنت اختي كانت جذي واهو عرف لها
والله يشافي بنتج لا تسكتين عليها

 

[حـنـيـن 83]

يمكن عندها مشكله بالمرئ
انا بنتي كانت ترجع وايد بس كنت اعطيها صناعي وبعدين لما رحت للدكتوره قالت عطيها حليب للترجيع ولما ترضعينها خليها مايله وقالت بعد الرضاعه مو تشيلينها سيده لا حطيها بكرسي موجود بمذركير مخصص حق الترجيع ومن اول يوم خف الترجيع *

 

[*ماي الورد*]

عطيها دوا الترجيع موتيليوم 1مل بس قبل الرضعة بساعة

 

[هيبة الطاووس]

نفس حالة بنتي عمرها 3 شهور و10 أيام وديتها لمستشفى الراشد
قبل يومين وقالت عادي الترجيع يمكن المعده عقب الرضعه ما تسكر عدل
كنت أشربها نان وانصدمت قالت هذا حليب خفيف المفروض ما ترجع بس بنتي ناقصه من وزنها
كيلوين قالت المفروص الحين 6 كيلو غيرت لي الحليب اس 26 وان شاء الله تصير زينه

 

[المزاد]

مشكورين خواتي ماقصرتو

وانا جربت اعطيها حليب صناعي للترجيع نفس الشي مافاد معاها وعطيتها دوا الترجيع موتيليوم نفس الشي مافاد معاها

انزين يعني اذا عندها مشكله بالمريء شنو الحل؟؟؟

 

[الينبوعة]

حبيبتي وزن بنتج قليل الصراحة انا ابني البكر كان مثل بنتج الدكتورة وصفتلي من الصيدلية مثل السيرلاك يثخن الحليب حتى ما يراجع اول انا اخلي سيرلاك بس انتي ترضعين طبيعي؟ انا كنت اصطناعي ​

 

[هيبة الطاووس]

تصدقين صدت حالة بنتي اذا بنتج ترفس بريولها هذا السبب تخضض معدتها الحليب يطلع
أمس لأول مره رضعت 6 أرقام آنا أرضعها 4 بس مسكينه من كثر اليوع ونامت على طول حتى ما
طلعت هوا لها على طول نامت ما رجعت بس قعدت وقامت ترفس بدا الترجيع

 

[المزاد]

اي والله بنتي ترافس بريولها وصح كلامج اذا رضعتها ونامت ماترجع الا اذا قعدت.

 

[الرها]

شوفي حبيتي
وحده قبلج كاتبه نفس المشكله
وانا ذكرت فيها مشكلتي مع بنتي
اقسم بالله شئ لالالايطااااق
اشعه سويت لها وتصوبر ع المعده سويت واعشاب وعطيت وحليب وغيررت
ولالالالالالاشئ نفع وللعلم عمرها 10 شهووور الحين ومن ولدتها وهي ترجع
والطبيب قال دام الوزن يزيد عااااااااااااااااااااااااااااااااااااااااااادي
لاكن الخووف اذا كان الوزن كل شهر يقل اكثر من الشهر اللي قبله
وللعلم اني موديتها احسن طبيب عندنا وهو اللي عالجها لما كانت مرريضه
وسلامتج

 

[هيبة الطاووس]

زين شالحل لهالترفس آنا ربطت ريولها وهم ما فاد شسوي شكلي بشتري لها كرسي مذركير
أربطها فيه بس تكسر خاطري شلون تلعب مادري من الغبار أمس انقطع الماي والله لا يوريج هدومها
ذبحتني ريحتها من الترجيع الله يخليهم ان شاء الله

 

[أم راشد المطيري]

بنفس ولد حماتي وطلع عندة ارتجاع بالمرئ

لازم تراجعين طبيب

 

[بـاسي قــوي]

اتوقع بنوتج فيها ارتجاع .. و حبيبتي يمكن انتي تاكلين شي بنتج تتحسس منه لما ترضعينهاا و اذا بتعطينها صناعي عطيهاا ابتاميل كمفرت مرييح للمعده

و لااااااااازم لااااازم ضروووري بعد كل رضعه سواء طبيعي او صناعي تطقين ظهرها عشان تطلع هواا و انشالله بعدها ماراح ترجع

 

[كويتيه مذهله 87]

مثل مشكلته ولدي امس دش الشهر الثالث وبالثااانيه يررررررررررررررجع بس الدكتور قالي طبيعي مدام وزنه يزيد بس المشكله ما ادري الحين اذا قل ولا زاد لان حيل عصقوووول


حبيبتي مبين وزن بنتج شوويه وديها الطبيب انا سويت له سونار شافوه معدته قالوا مافيه شي انتي وديها وان شالله مافيها الا العافيه
بس بكل رضعه خليها تتريع وكل ما قعدت تشووفينها قاعده كل ساعه همن طقطقيييها
واعلمج طريقه الدكتور قالي عنها
انتي اذا ترضعينها طبيعي
رضعيها شويه وشيلها طقطقيها خل تطلع هوا وردي رضيعها وهكذا
واذا صناعي

مثلا تعطينها 4 ارقام بالمميه كل رقم شيليها وطقطقيها لمن تطلع هوا وردي شربيها المميه وبكل رقم طقطقيها بجذي راح يخف شوي الترجيع