ابي حل لآكتئاب الشديد

[khawla&tito]

اقري قران

 

[مياسه الحساسه]

حبيبتي بشرينا كيف نفسيتك ان شاء الله احسن؟
ونسيت ما اقولك في ردي اللي قبل ..ان الغدة الدرقيه لها دخل في حالات الضيقه ..وهاذا كلام دكتور
حللي هرمون الغده

 

[سواري الليل]

البنات ماقصروا من ناحية الذكر لانه شي أساسي لكن في موضوع ثاني اللي أهو \\\ أحنا نحط نفسنا بدائرة الأكتئاب يعني طول منتي تفكرين بأنج متضايقه وانج مومرتاحه راح تعيشين نفسج جذي
أمسكي ورقه وقلم وأكتبي شنو اللي مضايقج
وبعدها شوفي شلون ممكن تعالجين هاللي مضايقج
ولاتفكرين انج متضايقه لأ فكري بكل شي حلو حولج وشنو ودج تصيرين يعني الحلم نصف العلاج خلي تفكيرج ايجابي وسعيد
أحيانا الحزن يشدنا ونفكر فيه لازم نتغلب عليه ونفكر بكل شي حلو


الطرق اللي تساعدج
صورج المختاره بالنت مثل التواقيع والصور الشخصيه وصور الفون من خلفيات وغيرها خليها كلها صور سعاده ودلع يعني صورة وحده تضحك صورة وحده تتمكيج او تصبغ اظافرها جذي
هالصور تعغير مخج شوي وتعطيج احساس بأنه بهتم بنفسي وشكلي وانا اولا والناس من بعدي

ثانيا الاغاني اذا كنتي تسمعين او القصد ابتعدي عن كل اغنيه او قصيده حزينه وحتى الافلام وخري عن الحزين اي شي حزين فري عنه

ثالثا لاتخلين عندج وقت فراغ نهائي

سوري طولت عليج بالتفلسف بس أنا قبلج وطبقت هالموضوع ونجحت الحمدالله

 

[شونغ هونغ]

مشكورين حبايبي ع الردود .اليوم نفسيتي احسها اوكيه قاعده انفذ نصايحكم فديتكم

 

[رياح الصحراء]

ندعو الله ان يسهل امرك ياربي

 

[ساس الغلا]

الاستغفار وتقربي من الله