ابي حل لآكتئاب الشديد

[شونغ هونغ]

سلآم عليُكم كيفكًم :eh_s(17):
انا مصابه باكتئاب شديد لدرجه اني افكر بلانتحاأأأر عشان افتكـ بس خايفه من ربي واغلب الاوقات ادعــــــــي ان ربي ياخذ روحي لآن حياتي كلهـــــــــــــــــــأأأأ شقى وانا صبرت بمايكفي :rgewrg:
بنات ابي حبوب تريحني وتخفف الكأبهـ انا ماعندي احد يوديني دكتور نفسي اصلا محد فاضي لي
الله يرحمني من هالعذاب :eh_s(11):ساعدوني باسم حبوب تنفع لكابه ..

 

[مياسه الحساسه]

وعليكم السلام ياعروسه:eh_s(17):
ليه ياحياتي مكتئبه ؟ الدنيا فيها خير وفيها ناس يحبوك
وانتي المفروض هالفتره تكوني سعيده لان زواجك قريب ... وتكوني مشغوله ببشرتك وشعرك ودبشك
تعوذي من الشيطان حبيبتي .. واذكري الله
الشيطان ما يحب يشوف بني ادم سعيد ...لازم ينغص عليه فرحته
طيب حبيبتي ليه مكتئبه ؟
يمكن لو قلتيلي وش الي مخليك بهالنفسيه ممكن نساعدك
ربي يشرح صدرك يااارب ويسعدك :eh_s(7):

 

[Q 8 Y A t]

شوفي


اعطيج حل بس ابشرط












انج اتسوينه

توعديني وعد ؟؟







شوفي دوري في قوقل دعاء الهم والحزن
ودعاء الكرب


واقريهم



ثانيا

تحطين ايدج على قلبج
وتقرين اية الكرسي سبع مرات




وبعدها طمنينا عنج


ناطرتج الحين


يالله ياقلبي انطرج

 

[Q 8 Y A t]

لا تاخذين حبوب ولا شي يا قلبي


اذا انتي مقصرة بلاصلاة
صلي

اقلها يا حياتي قومي توضي وصلي ركعة الوتر وادعي فيها



ترى كلناااا يحوشنا اكتئاب بس ماتوصل فينا اننا نروح لنفساني او ناكل حبوب

الحبوب ممكن تخليج مدمنة مخدرات افتكي


سوي اللي قلت لج عليه وناطرتج

 

[الأميرة جوري]

مرت فيني حاله اكتئاب بس شغلت القران علي طول بالبيت واقرا قران وراحه مابعدها راحه اذكري الله علي طووول لان شيطان يوسوس لج لا تخلين له منفذ

 

[أعشقه]

توني بقولك لك عن موضوع الزواج الا شفت الاخوات قالوها قبلي
ليه تقولين ابي انتحر ومدري ايش وانتي ماشاء الله حصل لك شي ماحصل لغيرك
هذا انتي راح تبتدين حياه جديده وبتتزوجين وربي ان شاء الله يرزقك با العيااال
وسعي صدرك ولا تخلين الشيطان يتمكن منك
شوفي انا الشيطان والافكار لاعب فيني لعب وللحين احاول احاربه وافك نفسي منه
قمت اسمع الرقيه الشرعيه .. واحافظ ع صلاتي والحمد لله
ودايم اشتكي من الضيقه والكتمه وكثير افكر واجلس اوسوس اني بموت ..
بس بعدين قلت لمتى هالوضع مع اني للحين تعبانه
لاتخلين نفسك مثلي لين يتمكن منك
الله يوسع عليك ويوفقك

 

[بنت اجا وسلمى]

مااوصيج بالاستغفار والقراءة والرقيه
خصوصا انج ع وجه زواج يمكن عين
او الشيطان مايحب يشوف البني ادم مستانس
انا اذا صارلي شيء حلو احس بضيقة
كله من الشيطان حبيبتي ​

 

[غداً القاك]

ياقلبي عليك بذكر الله وطاعته واضبي على الاستغفار والذكر والقرآن وبتشوفين السعاده الحقيقيه
وطبيعي زواجك قرب بتحسين كذا مع الايام بتتغير حياتك وبتكون فتره وعدت
ربي يشرح صدرك وييسر امرك

 

[أحلى البشر]

هذا يسمونه اكتئاب وتوتر قبل العرس سألي اي وحده تزوجت بتقولج مريت بهالحاله وتختلف من بنت لبنت على حسب نفسيتها وظروفها وديري بالج من سوالف الحبوب النفسيه ترى ضررها اكبر من نفعها ولجئي لله واقري قرآن واذا انتي ظالمه وحده استسمحي منها وتحللي وربي يووفقج ويسعدج

 

[Dar-AlJuman]

الله يتمم لك زواجك بخير ، البنات ماقصروا بس حبيت اضيف شغله بسيطه روحي سوي تحليل دم لو طلع عندج نقص بفيتامين b12 خل الطبيب يصرف لج اياه هذا الفيتامين له علاقه بالشعور بالتوازن ودشي قوقل شوفي الأغذيه اللي تزيل الهم والاكتآب ، والله يوفقج:eh_s(7):

 

[حديث الروح]

الرحمن يمسح على قلبج

واقرأي دائماً ( يانار كوني برداً وسلاماً) وخلي لسانج رطب بذكر الله وين ماتروحين وصلي وابكي في دعائج ترى راح ترتاحين على طول

الله لايترك عباده المؤمنين واللي يدعوه مايرده ( ادعوني استجب لكم )
لابأس بمراجعة المستوصف وشرح الحالة للطبيب هناك حبوب خفيفة مهدئة وليس فيها ادمان تخفف التوتر وكل طبيب يعرفها مايلزم اخصائي
ودايما اعرفي ان عندج وعندنا رب رحيم واندمجي مع الناس ولا تتفرغين لروحج حتى تخف عنج الحالة وفضفضي مع اخت .. صديقة وخذي النصيحة والله يزيل عنج اسباب الهم.

 

[شونغ هونغ]

مشكورين على الردود الحلوه بس انا ابي شي يهدي اعصابي ويريحني .انا الحمدالله اصلي واقراء قران بس مدري وش فيني احس بشعور يعذبني

 

[تحت ظلك]

تعرفين التلبينه النبويه؟
أبحثي عن طريقتها بقوقل وأستمري عليها شهرين ,, ترتاح أعصابج
وذاكرها الرسول عليه افضل الصلاة والسلام بحديث.

 

[اشلون يعني &]

لانج بعيدة عن ربج تحسيين بالاكتئاب
يما ناس اقل منج بالصحة بالعلم بالفلوس بالحالة الاجتماعية بس سعداء

لانه تفكيرهم بالله ويطرون انه لهم نقطة بداية ولهم نقطه نهايه بالحياة علشان جرية تفكيرهم شنو الشيء الي يقربنا بالله
وتفكيرهم بالجنة مو بالدنيا
انتي تفكيرج عن أمور دنيوية وهذا الي متعبج


قوله تعالى [ وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا ]

 

[غيرررر]

عليك بالرقيه الشرعيه واستخدمي السدر وملح مقري فيه كاستحمام يوميا وتدهني بزيت زيتون مقري فيه

 

[وفاء ولين]

ماعليتس شر حبيبتي
اسمعي الاكتئاب يبدأ خفيف بعدين يتطور ويتحول لشديد ولمزمن ولخطير ولا احد يستهين بالاكتئاب بسم الله عليكم تراه مرض مايقل خطوره عن الامراض الاخرى وان شاء الله انك بالبدليه ممكن ظغط عائلي او ظرف الخ والحبوب تراها مسكنه مو تعالج نهائيا
اذا انتي تحسين بس بضيقه وشعور بالرغبه بالموت انصحك بالقرأن اقرائيه من قلب من قلب من قلب وركزي
رددي دائم اللهم اجعل القران ربيع عمري ونور قلبي وجلاء حزني وذهاب همي رددي هذا الدعاء دائم وربي يشفيتس وجميع المسلمين يارب *

 

[#أنسام#]

القرآن الكريم ..

افضل حل


الله يشرح صدرك حبيبتي

 

[لمى الهاجري]

شوفي اذا فيج عين ضروري تروحين العطار وتشترن ملح خشن وسدر مطحون وتسبحين كل يوم فيهم بعد صلاة العصر او قبل المغرب ضروري كل يوم يريح نفسيتج ويبعد العين ورشي الغرفى بملح خشن ودهني جسمج بزيت زيتون مقري عليه

 

[mnor]

لاإله إلا أنت سبحانك إني كنت من الظالمين

هذا دعاء يونس عليه السلام وهو في بطن الحوت وكان في الهم والغم

قال تعالى:" فنجيناه من الغم وكذلك ننجي المؤمنين"

اكسبي الوقت اللي تمرين فيه وادعي الله واستغفري ورددي دعاء الهم "اللهم إني أعوذ بك من الهم والحزن والعجز والكسل والجبن واالبخل ومن غلبة الدين وقهر الرجال

والله يشرح صدرج وييسر أمرج

 

[وردة الدوحه]

الاستغفار وقراءة سورة البقره والمواضبه ع الصلاه

هذا علاجج وعلاجي وعلاج العالمين