ابي حل ساعدوني :)

[ms.sara]

السلام عليكم
انا بنيه عمري 17 سنة..
من طفولتي كنت بنيه هادية ومؤدبة واصلي وملتزمة
احب امي وابوي واهلي واحترمهم وايد وكنت اخااف على نفسي
سمعتي حلوه عند ناسي وابلاتي وكنت احب الدراسة ومتفوقة
مشلكتي لما استخدمت النت لاول مره من سـنتين صديقات السوء علموني
اسجل بمنتديات وجذي واضيف شباب عندي بالمسن وهالشي خلاني افقد ثقة امي واختي الكبيرة فيني
لانهم كذا مره طاحو علي اتكلم مع شباب بالمسن بس والله العظيم نيتي صافيه ماكنت اكلمهم عبط ولامغازل
وحااولت اشرح لهم هاشي كذا مره محد راضي يفهمني
وادمان النت اثر على مستواي كطالبة بالثانوية وماقمت ادرس وايد نفس قبل واحس اني تكيسلت اكثر
نزل مستواي وامي واختي فقدو ثقتهم فيني والسبب هالنت..,
من سنة تقريبا سجلت باحد المنتديات
وتعرفت على عضو هناك وهو موكويتي من احد دول الخليج وحبيته
وتطورت علاقتي معاه لدرجة وصلت للفون وطرشت له حتى صورتي
بنات بليز لاحد يفهمني غلط هـذي غلطتي والكل يغلط انا بسن مراهقه
حبيته وكان همي اني اسعده وارضيه ومن اتخرج نتزوج وو..احلام ورديه
غاب عني فترة طويلة وكله يقولي مشغول مشغول وتخيلو معاي شفته بالصدفه هني بالكويت
ايييييه هو ولما سألته نكر بس والله العظيم لوما ابوي وقتها كان معاي جان تهاوشت معاه
اكتشفت انه يخون وماعاتبته..مادري شاللي خلاني اسكت
عشان مايهددني بصوري يمكن
كان اول حب بالنسبالي وقتها كنت محتاجه الحب..محتاجه اسمع حجي حلو..><
وتخيلو من بعد فترة طويلة جاي يسألني شلونج ومشتاق لج !!

وبعدين قعدت بيني وبين نفسي وفكرت وقرت اني اترك هالسخافات عني لان محد
راح ينفعني غير شهادتي..بس وثقة امي واختي اللي راحت
مــن يعوضني عنها؟؟ وشلون اخليهم يوثقون فيني مره ثانيه؟؟
كل يوم يعايروني ويغلطون علي وكل ماشافوني فاجه محادثه يراقبون من بعيد لبعيد
قولولي شلون ابعدحب النت وخرابيطه وانا محتاجه حنان؟؟
ادري كلهم جذابين وعلى الاسلوب ومنافقين
ومرو علي شباب وايدين وماوثقت باحد فيهم..
شلون ابعد عن النت خصوصا ان المدارس قربت..><
ساعدوني الله يخليكم

 

[ترانيم القصيم]

الحين وش صار على صورتكـ آللي مع الولد ؟

خلّي سالفة ثقة أهلكـ ,, هذي سهلة و له حــل ,, لكن الحكي الآن عن صورتكـ ( المصيبة الكبيرة )

هذا كلّه بكفّة و الصوّرة آللي أرسلتيــه للولد بكفّـة ثانيـة بلحاله !

 

[ms.sara]

ماسألته عنها.. عنده صور بنات غيري ماوقفت على صورتي اكيد بيمسحها
انا طرشت له بس صورتين

 

[ms.sara]

شسالفه مشاهدات بس وين الردود؟!
اول مره اكتب لكم

 

[جذابه بنت ذيابه]

رد : ابي حل ساعدوني

حبيبتي

اول شي عليج بالصلاه والدعاء ..وانوي انج تتركين سوالف المسن مع الشباب
ودايم اذا بتشبكين خلج قريبه يم اختج وامج وسولفي معاهم عن كويتيات وعن الموضه
وعن البشره والجسم ومن هالسوالف ,,


ودايم قولي لهم انا تغيرت وبتشوفون هالتغير بعيونكم
وتصدقوني وروحي لامج وقوليلها سامحيني ان كاني سويت شي غلط


وهالله هالله بدرااااستج .. اهم شي الشهاده صدقيني


والشباب اكثرهم منافقين وجذابين يعني لا تصدقين احد ..
وحاولي تقطعين هالشي من نفسسسج


والله يهديج ياقلبي

واي شي تبينه راسليني خاص

 

[زهراء الركابي]

رد : ابي حل ساعدوني

لا حول الله
الله يعقلج
عادي كلنا دشينا وضفنا اول مراهقتنا بس بعدين الله هدانه وعقلنا انتي من نفسج ابتعدي حاولي
والله يوفقج ويستر عليج وعلى بنات المسلمن جميعاااااااااااااااااااا قولو امين

 

[m&ms2]

شوفي دام ماياب طاريها ماراح يسوي شي ترا لصبيان يخافون وادا قالج صورج ماصورج هني تخافين
خلاص خليه يولي واقري صوره البقره وادعي ربج يسترج فوق الارض وتحت الارض ويوم العرض
وتوكلي علا الله توبي اهو بيمسحها بنفسه لاتحاتين ولا شي يا قلبي دام تبتي ربج بيساعدج

 

[Miss McDonald]

مسآء الخير ..~
اول شيء الله يثبتج يآرب ..؛
وتبتعدين عن هالسوالف ..~
وحآولي تبعدين عن النت مدهـ ..،؛
وكلمي امج واختج فهميهم انج تغيرتي وخلآص هديتي هالدرب ..~ ؛
وشدي حيلج بدرآستج
موفقه يآرب ..~؛

 

[eng.zainab]

رد : ابي حل ساعدوني

حبيبتي دام انج ندمتي وتبتي فالله سبحانه راح يستر عليج ..الله ستر عليج وانتي عالذنب تتوقعين راح الله يفضحج بعد ما ندمتي وتبتي ؟ لا والله احسني الظن بس بالله وتوسلي فيه وهو انشالله بيحفظج ولاتحاتين سالفة الصوره انشالله بيمسحها ..على قولتج عنده غيرج بنات مابتوقف على صورتج
وبالنسبه لثقة امج واختج..شوفي احسن حل لانج تكسبين ثقتهم انج تروحين لامج واختج وتقولين لهم انا بكلمكم بموضوع .وقوليلهم الكلام الي قلتيه لنا انج ندمانه وبنات السوء اهم الي خربوج وانج متحسفه وحاسه بغلطج وانج محتاجه ثقتهم لانه ثقتهم فيج اهي الي راح تعطيج القوه انج تمشين بالطريج الصح وماتردين تغلطين...صدقيني لمه تروحين لها من نفسج وتدري انج مو مغصوبه رايحه لها وندمانه بإرادتج راح تحس انج جاده وتعرف بصدق نيتج

والله يوفقج انشالله

 

[بـــــــرور~]

الله يثبتج ياا رب والحمدالله صحيتي قبل فوات الأوان ~

اول شي حياااتي إذا تبين تنسين النت وهالسوالف واتوخرين عنهم :~

1. كثري من الدعاء ...
2. أقري قرآن وخصيصا بهالشهر الفضيل...
3. لهي نفسج بالقعده ويا الاهل لا اتروحين غرفتج اتصكين عليج الباب ...
4. إذا كلش كلش حسيتي انه عندج وقت فراغ عندج التلفزيون قعدي عليه ولا الدي في دي وهالقصص الدينيه شكثرها...
5. وعندج بنات خالاتج ولا بنات عمانج قعدي وياهم روحيلهم كلميهم ولا تقطعين بحد وان شاء الله كل شي بيصير أوكي...
6. ولا لهي نفسج بالمطبخ يا قلبي لو ما اتعرفين عادي بس المهم اتلهين نفسج وتتعلميــن...
7. جابلي أهلج وامج واختج اهم شي خليج دايما عندهم عشان يعرفون انج هديتي هالسوالف ولا تتدعسين بعيد عنهم وقوي
صلتج فيهم بالسوالف والكلام الحلوووو ...


وان شاء الله الله يوفقج ووفقج وثبتج يا عمــــــــــري ~

 

[الطاوووسه]

الله يثبتج ياا رب والحمدالله صحيتي قبل فوات الأوان ~

اول شي حياااتي إذا تبين تنسين النت وهالسوالف واتوخرين عنهم :~

1. كثري من الدعاء ...
2. أقري قرآن وخصيصا بهالشهر الفضيل...
3. لهي نفسج بالقعده ويا الاهل لا اتروحين غرفتج اتصكين عليج الباب ...
4. إذا كلش كلش حسيتي انه عندج وقت فراغ عندج التلفزيون قعدي عليه ولا الدي في دي وهالقصص الدينيه شكثرها...
5. وعندج بنات خالاتج ولا بنات عمانج قعدي وياهم روحيلهم كلميهم ولا تقطعين بحد وان شاء الله كل شي بيصير أوكي...
6. ولا لهي نفسج بالمطبخ يا قلبي لو ما اتعرفين عادي بس المهم اتلهين نفسج وتتعلميــن...
7. جابلي أهلج وامج واختج اهم شي خليج دايما عندهم عشان يعرفون انج هديتي هالسوالف ولا تتدعسين بعيد عنهم وقوي
صلتج فيهم بالسوالف والكلام الحلوووو ...


وان شاء الله الله يوفقج ووفقج وثبتج يا عمــــــــــري ~

نفس رايها​

 

[برتوته]

احذيها قاعده مني
اذا انتي تغيرتي من داخلج تغير جذري بان هل سوالف تعتبرينها سوالف سخيفه وماتين صوبها ومو انتي الي تنزلين مستواج حق هل سخافه
بهل حاله راح تتغير افعالج وكلامج وحتي ويهج وجذي اهلج راح يشوفون وحده ثانيه وحزتها راح يردون لج كما كانو بدون لا تقوليلهم انا تغيرت و جنه ماشافو شي عليج
وعليج بالتقرب من ربج والصلاة والاستغفار والله يبعدج عن سوالف النت الي مالها داعي
وكلامج يبين لي انج مشاءالله عليج صاحبه عقل كبير وتعرفين الصح من الغلط وانتي بعمر صغير
الله يحفظج ويبعدج الناس الي مو زينه

 

[أم قـمبر]

شوووفي اختي
خليني اتكلم معاج بصراحه
كلللنه خربطنه بالنت
انا عرفت النت وانا برابعه متوسط
واطلع جذابه لو اقولج ماصار بيني وبين ولا واحد بالدنيا محادثه
ما اقولج حب وخرابيط لاا بس اقولج اياها صارت محادثات بيني وبين ريايييل مو صبيان وكللهم مو كويتين ايام خرابيط
والأغلب اذا مو الكل مو افد احد ما خربط
بس دصقيني من دشيت الثانوية وانا افكاري شي ثااااني
كلل تفكيري بس ابي ادرس ابي اييب نسبه ابي اتخرج بنسبه زينه
وخصوصن يوم دشيت رابعه ثانوي خلاااص صار همي كلله دراسه واساسن مو قمت اشبك الا اذا ابي بحث وله صور وله شي
وصارت السوالف قديمه بس تفاهات اضحك عليها ووبس
خو الحين بعد دشيت الجامعه يعني صج صج صج اعتبرتها سوالف يهااال ونسيتها اصلن
انتي غلطتي حالج حال اي مراهقه
اكبر غلطه سويتها صورتج
مهما كانت الثقه صوورتج لاا
انا استغرب الصراحه شلوون تدزون صوركم
انا اقوولج
هدي بهدوء
لا تقوليلنله بهدك
بس عطيه بلوك دليت
لا تتصلين عليه ولا تردين عليه لو اتصل ولا مسج ولاااا شي
قعطي علاقتج معاه نهاائين بدووون ما يعرف واساسن مو لازم يدري
برووحه بيهدج وبينساج مع الوقت
لو ههدجج بصورة معني ما اعتقد لا تردين عليه ولا يهمج مراح يقدر يسوي معاج شي
شووفي عشان لا يعرف انتي هادته بمزاجج
كلميه قبل ما تهدينه مكالمه عااديه جنه ولا شي صاير سوولفي كثر ما تبين
واليوم الثاني سوي الي قلتلج عنه وفجأة
على الاقل يقول بقلبه يمكن صار فيها شي ( لا سمح الله )
وديري بالج بعد
وسغلي نفج بدراستج
وانتي بعد بتدشين رابعه ثانوية اهم مرحله شدي حيلج فيها صدقيني مع الوقت بتضحكيين على سوالف قديمه مالا داعي
وامج واختج راح يثقوون فيج
انتي تشوفينهم ما يثقون فيج ويراقبونج لأنج لا زلتي تعرفين وااحد واهمه اكيد حاسين
لاكن لو هديتيهه ومشيتي بالطريج الصح ووريتيهم انج مهتمه بدراستج ووبس خلااص راح ينسوون ويثقون فيج اكثر من نفسهم
المهم تكونين اتي واثقه من نفسج وتثبتين حق نفسج انج قادره على انج تخلين هذي التفاهات
وبالتوفيق حبيبتي

 

[كويتيه مذهله 87]

أول شي ابيج تحطين هالشي ابلج ان لا حنان ولا حب بهالزمن من شاب

ليش ماتروحين عند حضن امج وتبوسين راسها وتاخذين منها حنان

17 سنه المفروض اول شي تفكرين بدراستج كل الي تسوينه خرابيط
انتي عندج الحل ان تفكرين بمصلحتج

 

[غرور وايل]

الله يسستر عليج

 

[tolay]

الحل انج تكلمين الصبي وتقوليله ترا انا وحده ندمانه على السوالف اللي اسويها واهيه اكبر غلط انا بتوب والجأ لربي لوسمحت امسج صورتي

وتركي سوالف الخرابيط وشبكي بالمعقول وخلج على المنتدى بس

 

[حزينه 22]

رد : ابي حل ساعدوني

اختي انصحج بالصلاة والاستغفار وانج تشغلين نفسج بحفظ اجزاء من القرأن والله بتحسين بمتعه ونفس الوقت براحه والله يوفقج انشاء الله

 

[ام حممنني]

رد : ابي حل ساعدوني

الله يسترها معاج يارب العالمين

 

[*ريما*]

رد : ابي حل ساعدوني

ياحليلك
عندة صورتك ولا بمهتمة
ماقول الا الله يستر عليك يارب

 

[حبيبي وبس]

كنسلي اشتراكج بالنت وقت الدراسه وبالاجازه رجعيه