ابي حل حق ولدي

[كويتيه ذربه]

:dddds:اذا ممكن ابي اسم اي مدرسة التعليم فيها باللابتوب لان ولدي برابعة ابتدائي ومشكلته ان مايعرف يقرا ويكتب بس هو شاطر بالكمبيوتر
مو مهم اذا غالية بس بي احد مجربها وان ما يردونه سنه اذا ياي من مدرسة حكومه:ggdw:

 

[الصابرة المحتسبة]

للرفع

 

[أم عبووووود]

اسأل الله العلي العظيم ان يوفق عيالي وعيالكم

 

[أسرار الطبيعة]

ليش تضيعين على ولدك سنه ، سوي له دورات تقويه بالكتابه ويتعلم شوي شوي
اهم شي انه يعرف للحروف وبعدين اح يفك الألغاز
ونصيحه لا تخلينه دائما على اللاب توب ، شوفيني انا الكبيرة خطي مميز ورائع حتى للوحات والاعلانات لكن من باشرت
على الطباعه باللاب توب وانا خطي ما اعرف اقراه بالكتابه السريعه ، عيل شلون الصغار!
في معلم عربي اسمه رياض سعود اليوم ان شاء الله راح يبلش اول فصول التقويه على الساعه 5 العصر
مكانه القصور وبعث لي مسج بموعد التقويه لأني أعاني من بناتي مدارس أجنبيه ومعلمينهم ما يهتمون باللغه العربيه كتدريس اساسي ، 67009449 اسمه رياض سعود
عاد كم يأخذ وتكاليفه ما ادري لأني ما رحت له ولا مره ، لكن يمدحون تدريسه أتصلي عليه وشوفي ، بالتوفيق

 

[غيمه صافيه]

أنا أنصحك تاخذين لج فره على المدارس الخاصه وتسألينهم يمكن يسوون له اختبارات قدرات ويحددون مستواه أحسن منك
مع أن حسب اعتقادي أن القراءة والكتابه عندهم شرط ضروري لأن اللي بيدخل الروضه مقابلات وامتحان قدرات ويمكن يقبول الياهل أو ما يقبلونه
والله يوفقه ويفتح بصره وبصيرته

 

[كويتيه ذربه]

مشكورين وايد على الردود
هو بالحضانة كان اوكي وبالروضة كان بمدرسة اجنبية وبعدين وديته حكومة ومن اولى الى ثالثة كان جيد جدا ومافي معهد ماجربته والحين يايبتله مدرس هو حافظ الاحرف بس مايقرا عدل وشاطر بكل المواد بس ازمته العربي