ابي جدول لتركيا 10ايام بليز خواتي

[نورعيني أنا]

مرحبا خواتي اذاماعليكم امر ابي جدول خمس ايام استنبول وخمس ايام بورصه معاي عيالي صغار ابي اماكن تصلح لي ولهم انا المفروض اني رايحه بعطله الربيع بس الله ماكتب وان شاءالله خيره يارب. الحين ابي منكم خواتي جدول اعتمده بسفرتي ومشكورين مقدماً

 

[قهوة]

هلا بك أختي ..

اسطنبول عندك اليوم الأول منطقة المزارات ..جامع السلطان أحمد وآيا صوفيا ومتحف التوكابي اللي فيه أغراض الرسول صلى الله عليه وسلم ..كلها حول بعض تمشينهم بالأقدام ومتحف التوكابي اللي يسمونه قصر السلاطين يقفل يوم الثلاثاء فقط وباقي الأيام متاح.
اليوم الثاني عنك رحلات البوسفور البحرية تروحين ميناء أمينونو ومن هناك تركبين وبامكانك تستاجرين يخت خاص فيك الساعة بمية ليرة وفيه مراكب عليها قهوة وشاي ومطاعم متجولة في البحر.وعندك الكورنيش خاصة منطقة ترابيا فيها مقاهي مطلة على البوسفور وجو جميل
اليوم الثالث..
تل العرايس منطقة جبلية فيها مطاعم ومقاهي ومطل على اسطنبول ..وبرج غلاطة مكون من تسعة طوابق هذا يطل على اسطنبول وعلى تل العرايس وعلى القسمين الغربي والشرقي .وعلى المتاحف والجوامع يطل على الدنيا كلها وفي الليل عندهم فقرات رقص شرقي فالافضل انك تروحين بالنهار.
اليوم الرابع..
السوق المسقوف هذا سوق تقليدي عمره 700سنه وفيه اكثرمن اربعة الاف محل ..فيه اشياء حلوه وسوفينير ..
وفيه مطاعم وماكينات سحب دولي بس يسكر الساعه 7مساء
اليوم الرابع..
جواهر مول سوق عصري وكل الماركات العالمية فيه كبيييير مره وحلو والناس زحمة عليه.
اليوم الرابع..
الباص السياحي لونه أحمر وكشك التذاكرتبعه بعد لونه أحمر ومدة الرحله ساعتين يفر فيك معالم اسطنبول التذكره الوحده 20يورو
وبعد فيه كتيب سياحي لجميع الأماكن تلاقينه عند المزارات وفيه بجميع اللغات

وبعد عندك تركيا الصغرى مدينة مصغرة يستانسون عليها الصغار ..والملاهي بجواهر مول

 

[ام وحش]

اولا على حسب انتي تحبين المتاحف والاثار والمعالم القديمه او لا اذا تحبينها تخصصين يوم تروحين لهم من الخمس ايام ،،انا ماحب هالاشياء فماأروح ،،،وعندج المجمعات اشكثر وكلها حلوه وفيها العاب اطفال ومطاعم ،،وعندج البازارت هذي سوق بس يبع كل شي حتى البهارات انا دايم اروح لها اخر شي للهدايا واكبرهم جراند بازار ،،،وعندج حديقه اسمها ﺣﺪﻳﻘﺔ ﺣﺪﻳﻘﺔ ﺍﻣﻴﺮﻏﺎﻥ ﻓﻲ ﻣﻨﻄﻘﺔ ﺍﻣﻴﺮﻏﺎﻥ ﺑﻌﺪ ﻣﻨﻄﻘﺔ ﺍﺳﺘﻴﻨﻴﺎ ﺩﺧﻮﻝ ﺍﻟﺤﺪﻳﻘﺔ ﻣﺠﺎﻧﺎ ﻓﻴﻬﺎ ﺑﺤﻴﺮﺓ ﺍﻟﺒﻂ ﻭﻣﻄﻌﻢ ﻭﻣﻘﺎﻫﻲ ﻣﻄﻠﺔ على البسفور والعاب لإطفال مجانيه ،،،،، ااسطنبول فيها اشياء كثيره وحلوه ابحثي بالنت وسجلي الاماكن الي تعجبج ،،،بورصه صغيره تقدرين تروحين لاغلب الاماكن فيها عندج جبل الاولدغ حلو وبارد حييل هالوقت يستاهل الروحه له اذا تحبين الطبيعه وعندج الشجره المعمره عندها مطاعم ومحلات بيع فواكه انا ماعجبتني بصراحه ،،وعندج الحديقه اسمها لونا بارك كبيره وفيها العاب ومطاعم وتقدرين تروحين بحيره ابانت تبعد عن بورصه ساعه تقريبا حلوه ورومانسيه بصراحه بس اخي معاج اغراض عشان تشوين هناك روعه ،،،طبعا المجمعات هناك اكثر ،،،وتروحين وتردين بالسلامه

 

[نورعيني أنا]

يااحياااتي مشكووووورين والله يعطيكم العافيه ع الرد والله يسهل الامور ان شاءلله

 

[دانه الخليج]

يسلموووووووووووو