ابي ترجع ثقة امي وخواتي فيني

[لــــورآ]

السلام عليكم ورحمة الله وبركاته
بنات انا ضايق خلقي من اللي حصل لي امس
كنت بمرحلة طيش وحاطه كيك وسوالف ومسخره وضفت واحد وياي بالواتسب يابنات
بس الله يابنات مابيني وبينه شي كنت توني عارفته المهم ان امي وخواتي درو
بنات انا ماحب اعيش حياة الذل الله يرضالي عليكم
ابي ثقه امي ترجع فيني
انا ماهمني نفسي كثر ماهمتني امي
والله ان امي كاسره خاطري حييل وانا مخلصه النيه اني بتوب بنات فيدوني

 

[منيره آل ثاني]

امسحي رقمه جدام امج وخواتج
وقوليلهم انج تبتي ومابتعيدينها مره ثانيه
وكوني عند كلمتج
مشكلتج حلها بسيط باذن الله

 

[ظبية بوظبي]

الحمدلله صادوش قبل لا تتعمقين في هالامور وتتورطين
او تصير في دمش
روحي عند امش وفهميها ان الي سويتيه مجرد هبل ولا حاطه اي اعتبار للي سويتيه
و وعديها انش ما تدخلين في مثل هالسوالف ثاني مره
اصلا الحين مع هالتيلفونات والبرامج صروا الناس يستسهلون هالامور الله
يبعد عننا شرها

 

[FoFa stylish]

مسحي الرقم
و قولي لامج ماراح اعيدها و هي ايام بتنسى او تتناسى و ترجع الثقه شوي شوي يبيله صبر

 

[الجــادي]

الله يهديج ويهدي بنات المسلمين

 

[لــــورآ]

مشكورين على الرد بس يابنات ابيكم تعرفون ان انا من نفسي تبت والله واهم شي عندي اهلي مايتضايقون مني ، بنات والله الثقه شي صعب اذا انهد

 

[لــــورآ]

الله يهديج ويهدي بنات المسلمين

امين يارب جزاج الله خير

 

[لــــورآ]

مسحي الرقم
و قولي لامج ماراح اعيدها و هي ايام بتنسى او تتناسى و ترجع الثقه شوي شوي يبيله صبر

مسحته والله وصكيته بلوك بعد ، انشالله الله يسمع منج

 

[لــــورآ]

الحمدلله صادوش قبل لا تتعمقين في هالامور وتتورطين
او تصير في دمش
روحي عند امش وفهميها ان الي سويتيه مجرد هبل ولا حاطه اي اعتبار للي سويتيه
و وعديها انش ما تدخلين في مثل هالسوالف ثاني مره
اصلا الحين مع هالتيلفونات والبرامج صروا الناس يستسهلون هالامور الله
يبعد عننا شرها

اي والله رب ضارتن نافعن ربي ستر
جزاج الله خير حبيبيتي ماتقصرين

 

[لــــورآ]

امسحي رقمه جدام امج وخواتج
وقوليلهم انج تبتي ومابتعيدينها مره ثانيه
وكوني عند كلمتج
مشكلتج حلها بسيط باذن الله

انشالله يارب مشكوره ياقلبي

 

[قيروان الزمان]

السلام عليكم ورحمة الله وبركاته
الحمدلله إنها يات على جذي والله يثبتج يارب ويبعد عنج طريق الحرام ويحفظج لأهلج
توبي إلى الله توبة صادقة والله يحب التوابين ياقلبي
ودامج تبتي توبة صادقة وفعلا ما عدتي لهالسالفة خلاص تطمني وريحي قلبج
وبإذن الله بيردون مثل قبل وأحسن لو يبيلها تصبرين شوي ما عليه يالغالية كل شيء بأجره

 

[هدوء العالم]

الحمدالله جات على جذي

والله يهدي البنات والشباب

و أقعدي مع امج وقولي لها الإنسان مو معصوم من الغلط والحمدالله أعلنت من نفسي التوبة لله لأني عرفت
انه عند تعرف الشاب على الشابة يكون الشيطان الثالث

وقومي حبي رأس أمج وراح ترضى إن شاءالله عليج
وخواتج بعد إن شاءالله تقربي من خواتج وراح تكونون اكثر من الخوات والصديقات
وراح يرضون عليج

 

[الـكـايـدة]

يا حبيبتي لا تلومين نفسج وتشيلين هموم انتي بعدج صغيره
عندج ألف طريقة وطريقة تثبتين لأهلج انج تغيرتي
انتي ما كفرتي كلنا نغلط و ناخذ دروس من أغلاطنا !!
غيري رقمج لو تقدرين بيني لأهلج انج صاينه نفسج وصاينتهم
مو بيوم وليلة تثبتين لهم هذا الشي اهم من نفسهم مع الوقت راح يلاحظون
انج فعلا تغيرتي ...
عسى الله يهدي قلبج و يستر عليج

 

[M!SS.LOBY]

الله يهديج

 

[ورقة ناعمة]

مع الايام بترجع الثقه شوي شوي

 

[Tom ♥ Jerry]

.

وعليكم السلآم و رحمة الله و بركآتة..

حبيبتي روحي حق آمج طيحي على راسها و بوسيها
و حتى خوآتج تأسفي منهم و اعتذري
اهمه مآ زعلوآ منج الا عشان خايفين عليج
لو مآ تهمينهم جان مآ سوو كل هاللوية..

 

[دكتواره]

مو بس تمسحين رقمه عطيه بلوك؟

 

[فتاة الكوخ]

الله يثبتك حبيبتي

 

[حلآ الدنيآ]

كثير اللي يغلطون بس نادر اللي يعترف بالغلط
كلمي امج وبيني لها انج غلطتي ومتحسفهه ع اللي صار ..~
وندمانه وتايبه لوجه الله اولا وانج ماتبين غير ان الله يسامحج ويرضى عنج
..
وان شاء الله بتسامحج وقلب الام طييب

 

[عاشقه رويشد]

الله يهديج يارب ويبعد عنج عيال الحرام