ابي برنامج حق 3 ايام في دبي

[Noor AlQ8]

السلام عليكم


عندي بس 3 ايام بدبي وما معاي اطفال ابي احسن المجمعات واماكن تسوا اروح لها ومطاعم حلوة .. وين احسن مكان اسكن فيه

بليز بنات انا مسئوله عن هالسفره كل شي بوجهي لا تفشلوني :eh_s(2):


وسمعت عن الاوت ليت اللي بدبي منو راحت له .. صج بعيد ؟ ويسوا اخاف اروح له واتعنى ويطلع خرطي

انا ماعرف شي عن دبي خبري فيها يوم كنت بالمتوسطه يعني من زماااااان فقولوا لي كل شي

وابي اماكن سياحية تسوا عشان اخوي ما يعصب يقول ياويلكم اذا كل الروحه سوقه :ggdw: سمعت عن مدينة الثلج وفيه صالة تزلج بس وين ؟ وفيه عندهم مجمعات قريبه عشان اخليهم يتمشون واروح السوق

ايييه وشنو ماركات مو موجوده عندنا هني .. والهدايا شنو احسن شي اجيب

بعد شنو بقا ما سألت عنه

 

[من حلاتي يغارون]

عسى البنات يفيدووج

 

[ام هالدنيا]

شوفي روحي حق دبي مول وامارات مول هذيل اهم شي

 

[رمانة الكويت]

دبي مول .. مجمع ابو الهيل اذا تبين ملافع وعبي .. الامارات مول .. واذا تبين شغلات رخيصة روحي سوق التنين شوي بعيد بس حلو ورخيص .. عندج هم مجمع الغرير حلو .. واذا تبين اسواق شعبيه عندج سوق عكاظ وسوق نايف .. وهم بعد في محلات عند سوق الذهب قريبه عندهم .. روحي سوق الايرانيين واخذي ربيان جامبو مجفف .. وبهارات حلووة ..

هذا اللي اذكرهالحين ...

 

[كافيه نعناعه]

شوفي حبيبتي ,,,, دبي 3 ايام ما تكفي أنا رحت أسبوع وما شبعت منها ,,,,
المهم روحي فيستيفال دبي واااايد حلو وفي فندق ومحل عطور مافي بالكويت أسمه أنفاسك دخون ,, حلو حق الهدايا
وروحي إمارات مول في فندق ودبي مول

هذا فندق كراون بلازا في فيستسفال دبي عجييييب

وهذا من برا وفي سوق كبيييير

صراحه وايد حلو

وفي بعد مينا السلام والقصر بس هذيلا فنادق واااايد رومنسيه

إذا تبين سوق روحي دبي مول والفيستسفال وامارات مول

إذا تبين هدوء وراحه روحي فندق مينا السلام روووعه

هذا مينا السلام

أنا كنت رايحه أتلانتس بس وايد بعيد عن المجمعات يعني 20 دقيقه بالتكسي ,,, الفندق حلو بس زحمه وووااااايد مفاصيخ

وهذا أتلانتس

بس أنا عندي مينا السلام أحلا

وسلااااامتج :eh_s(7):
​

 

[ورده اوراد]

هلا حبيبتي سوق اتولت دبي ما يسوا البنات في المنتدي وصلوا السما ولما رحت والله العظيم ما شريت منا اي شي بس جنطه وقطتها كلها شموخ تحسين ملبوسه وخمام الماركات من سراويل وملابس داخليه كلش كلش مايسوا ومل تلقين الا الفلبن يشترون اغراض الخمام

 

[CRuSH]

شوفي أنا اقولج
دبي مول فيه صالة تزلج تكون بنص المجمع و فيه النافوره الراقصه و يمه بالضبط برج خليفه اذا حابه تشوفينه أطول برج بالعالم و فيه محل حلويات حلو كله حلاو و ككاو و سوالف اسمه candylicious كتبي اسمه بجوجل و شوفي صوره و بنفس المكان اللي فيه هل محل فيه محل يبيع نفيش عجيييب كراميل و جبن هذا اذا كنتي تحبين النفيش ؛) و فيه اكواريوم كبير اول مادشين المجمع كملي سيده تلقينه بويهج و الباجي محلات و ماركات

​

اما بالنسبه للإمارات مول ففي مكان مخصص حق الثلج و التزلج و تلبسين البالطو و البوت و فيه آلات داخل المكان تنثر الثلج و هالسوالف و في فيرجن و سوبر ماركت و بالممر تمشين داخل المجمع تلقين كوشكات كل كشك غير عن الثاني اللي تبيع اكسسوارات و اللي يبيع كفرات و اللي يسوي بلايز على الاسم اللي تبينه و اللي يبيع تحف ... و ماذكره وايد لأني رحتله مره وحده بس حلو

و نيي الحين حق سوق التنين هالسوق استانس عليه لانه فيه كل شي و كبيييييييير هم كتبي اسمه بجوجل و تطلعلج صورته و فيه محلات تليفونات صينيه و العاب و ملابس و اكسسوارات كل شي صيني و حتى اثاث فيه لوول يعني شامل كل شي و اللي يبيعون صينيين بعد بس حلوو و لازم بكل سفره أمره

و سيتي سنتر هم مجمعات و سينما و هالسوالف

و ان شاء الله اكون افدتج و دققت اكثر ؛)​

 

[[ ع ]]

اهم شي بدبي

دبي مول + الامارات مول + الجميرا

ماتملين منهم