ابي بديل لمحل بياع الورد

[cOFFEe SmeLL]

سوبر ماركت حبيبتي : شنو هذا أيام زمان ووين مكانه ؟

جوري : المحل اللي تقولين عنه بالفحيحيل مال حلويات ولا شنو ؟ بالضبط؟

واللي قالت المحل اللي يم البنك شنو فيه بالضبط ؟ وتسلمون

 

[أم عبووووود]

ماشالله الموضوع روعه

يالله ناطرين الاماكن الحلوة

الي تسأل عن ايام زمان في واحد بخيطان وواحد بحولي هذا اللي اعرفه

صج طيور الجنه في احيانا شغلات غريبة بس انتي فكري بفكار يديدة

 

[وجدان الغلا]

حبيبتي انا ادلج عليهم كلهم ومن الاغلى للأرخص
الاول طبعا غالي جدا وهو الزهور الشرقيه بحولي يسمونه بياع الورد لأن محل الورد فوقه بس هو اسمه الزهور الشرقيه
والثاني محل لاكشيت للحلويات بالفحاحيل جنب بناسونك
قريب من اجيال

حبيبتي لاكشيت عنده شغلات غريبة واسعاره شلونها زينه موغاليه عفيه فيديني محتارة قربت ولادتي:0bee2e8d89::0bee2e8d89:

 

[أساور]

شنو في محلات بو100 بالفحيحيل؟

 

[نوووور الشمس]

عندج يا حلوة لاكشيت هم حلو

 

[وجدان الغلا]

:krkrkr:وااااي ذبحتوني وين صاير بفحيحيل لاكشيت وعنده شغلات حلوة وشلون اسعارة
ردو علي انا:krkrkr: جديدة بالمنطقة العاشرة وماأدل

 

[ام**العسولين]

بنات في واحد ثاني بحولي عنده تشكيله اقل من بياع الورد بس اسعاره ارخص رحتله من قبل بس سوالف مواليد عنده نتفه
سامعه في محلات بس مو معروفه بس مو بو اميه واسعارهم رخيصه فللي تعرفهم تدلينا لان بياع الورد صاير غالي يبط الجبد :\

 

[^kloOot^]

والله بصراحه ماعتقد فيه لانه حتى لو تلقين نفس بياع الورد اغراضهم

 

[ام-نونو]

مشكوره في بالمباركيه بالسرداب هذه المكان الي اعرفه

 

[UM M&M]

بياع الورد احلا من بو 100
بو 100 شغله بوطقه .. و بياع الورد تلقين شي سنع و يوايه

انا توني رايحتله شاريه حق القرقيعان والله عنده اشياء حلوه

 

[وجدان الكويت]

مثل ماقالولج البنات قصر الهدايا اللي بالفروانية وفي بعد ايام زمان اللي بخيطان هم حلو تلاقين في شغلات حلووة ورخيصة صوب مجمع الدبوس

 

[kuwaiti.joori]

المحل الى تقصده جاكليته
بحولي شارع تونس
اهو ارخص واحد فيهم
نفس شغلات الزهور الشرقيه (بياع الورد)
بس ارخص بواجد

روحي للعماره الى فيها اسفنج البغلي جنبه في بنك برقان
العمارة المقابله لها بالضبط الباب على زاويه بالسرداب

ان شاء الله يكون وصفي واضح

دعواتج لي

 

[kuwaiti.joori]

عشان اقارن لكم بالاسعار

شريت تعليقه من الزهور الشرقيه (بياع الورد) ب 950
اختي شرتها من لاكشيت 650
وبعد مارحت الى بشارع تونس لقيتها 350

بصراحه ضاق خلقي نفس البضاعه والسعر غير... بس الزهور الشرقيه اكبر وتشكيلته اكبر


ان شاء الله اكون افدتكم

اذا لقيت رقمهم راح احطه لعيونكم

 

[kuwaiti.joori]

وجدان الغلا روحي لحولي أرخص لج

لاكشيت صوب مجمع اجيال بالفحاحيل

 

[وسومه الحلوة]

جوري المحل الي تقولين عنه بحولي اهوا نفس الي سمونه سرداب حولي؟

والقى عنده شغلات حلوه للقرقيعان؟

 

[تباريك]

مثل ما قالت وحده من البنات

المجمع اللي فيه المحاميد بالسالميه اللي فيه بيضون اجبال الجوهرة وبرجر كنج

فيه محلات صايره نصها بو 100 ونصها توزيعات مواليد

بصراحه اغراضهم حلوه وما تفرق عن بياع الورد

وايد ناس ايوله ويتعنوله
صايرين تقريبا 4 محلات يم بعض وكلهم عندهم توزيعات وأشياء للمناسبات


وعندج محل بالبلوكات المجمع مال الكلف محل بره اسمه بيت الهدايا
هم عنده سوالف

 

[alatoto]

للرفع

 

[ام غلا اخت سعود]

لاكشيت اغلى من بياع الورد

وفيه لهم فرع بالسالميه بس مادري وين بالضبط

 

[Hambka Q8]

انا ذاك اليوم رايحه المعلم اللي بحولي شارع تونس
شفت محل فوق يبيع سوالف ولاده (الالعاب الصغار)

 

[++The DuchesS++]

المجمع اللي فيه المحاميد ترا اغلى من بياع الورد لاحظت على جم شغله والله
ولاكشيت وين صاير بالضبط ؟؟
ابي شي يكون بالمطنقه العاشره يمي
وناس تقول لاكشيت ارخص وناس تقول اغلى