ابي ايمع فلوس شلون

[mmloo7a]

هاي بنات

ابي ايمع
150 دينار على 40 شهر
يعني 6000

شلون ؟

مابي اسوي استقطاع بنفس حسابي

ابي اسوي استقطاع حق بنك ثاني
بس المشكلة ياخذون فايده 5 دنانير

في طريقة ثانيه اسوي فيها استقطاع شرط ماقدر اسحب منهم الا بتاريخ فلاني او بعد 40 شهر

يعني جني ماخذه قرض

بنات بليز علموني :eh_s(16):

 

[حظ من عنده انا]

دشي قطيه

او
اشتري لج حصاله حديد تلقينها بالبحاره

مالها مفتاح ولا شي

يعني مالج امل تاخذين منها شي

وفيه احجام

وحطي فيها فلووسج

وبعد جم شهر افتحيها بسجيين او اي شي

 

[منيرة خالد]

ادخلي جمعيه واستلميها اخر وحده ، وكل عشر اشهر استلمي ١٥٠٠ دينار ، وحطيهم وديعه باي بنك

مري البنوك وشوفي انواع الاستثمارات اللي عندهم بيفيدونج

 

[مزيوونة]

اب اب

 

[جروح ودموع]

احسن شي لج انج تدشين جمعيه

 

[nrgsyyya]

منو عندها جمعيه بهالمبلغ

 

[فجوري الجوري89]

سويت كل شي عشان اجمع ماااااقدرت
استقطاع ما نفعني
وانا بنت مو متزوجه ولا عندي مسئوليات
معاشي يطير عالفاضي

الشي الوحيد اللي ضبطني الجمعيه
دشي جمعيه تاخذين فيها 2000
واذا استلمتي ال2000 ابدي جمعيه وراها بتكون سهله باذن الله

 

[بسانت]

لاتروحين السوق وانتي ماتصرفين ☺ بس صعب ماتروحين السوق
مأكول الا الجمعيه بس هم صعب تلقين ناس ثقه يدشون جمعيه كذا مره ☺
نفس مشكلتي مسرفه بضمير ��
مرضت مره وقعدت ٦شهور مارحت السوق جمعت ٣ الاف لا وهذا وانا اطرش خواتي للسوق وادفع التزامتي الشهريه

 

[هيبة ملك]

جد لاتروحين السوق هو أبو الاسراف

حطي هالمبلغ عند أمج بحصاله مالها مفتاح

أو فتحي حساب وحطي هالمبلغ وقطي البطاقة

 

[أ.س.م.ا.ء]

فتحي حساب توفير بنفس البنك الي انتي فيه بس لا تطلعين بطاقة حق الحساب
او اذا عطوج البطاقة كسريها
وبجذي اذا بغيتي تسحبين لاااااااازم تروحين للبنك

اللاه يوفقج ويسهل امورج

 

[صدفه نسيتك]

ادخلي قطيه واخذيها اخر وحده

 

[ٱستۆطنت خٱفقهْ]

حبيبتي هذي مشكلتنا احنا الحريم

=(

انا الحل الوحيد اللي نفع معاي فتحت حساب الخيير

وكل شهر استقطااع

وبطاقة الخير خاشتها عند امي بتجوريها

احتجت عقب مده وامي مارضت هههههههههههه

المهم سلفتني وقالت تردينهم لي وفعلا رديتهم لها

الله يطوول بعمرهاا

كنت محللتها تاخذ المبلغ اللي تبي اذا احتاجت

المهم كانت تاخذ اللي تحتاجه وتالي ترده للحساب > تروح البنك وتسوي ايداع


الحمدلله نظمت حياتي وخشيت للدنيا وظروفها وبنفس الوقت ماخليت امي تحتاج لاحد



����

 

[الغلاااااا]

نصييييحه لاتدشين جمعيه هالاسام محد يضمن احد

سوي استقطاع لحساب ثاني بنفس البنك مالج وانتيه بس لاتدشين عالنت تحولين عشان ماتشوفين جم وصل المبلغ
او احذي تورق او قرض بس لازم فوايد

 

[TINA]

اي والله صح احسن شي الجمعيات لا فوائد و فيها التزام الله يوفقك

 

[الباسمه]

اذا انتي عالتمويل فتحي بطاقه الخير اهي مثل الفيزا واستقطعي شهريا بدون رسوم
والبطاقه خشيها او كسريها

وصدقيني لو يصير عندج بس الف راح تستخسرين تصرفينه على اي شي وبيكون عندج دافع انه يكون الفين واثنين وثلاثه
بالتوفييييق

 

[Lourdez]

بنات شنو فايدة بطاقة الخير ؟ عندي اياهاةو مو عارفة شلون استخدمها عشان اخش فيها ؟ يصير بعد فترة اطلع الفلوس منها؟

 

[manoooram]

فكرة منيرة خالد حلوة وفوق هذا دخليهم بحساب ما تقدرين تسحبين منه
بحيث كرت البنك يكون مو عندج

 

[روزالكويت]

دشي جمعيات وناسه انا صارلي سنين علي الجمعيات وماشيه سيده هههههه