ابي اولد شلوووون بالله

[هذا مزاجي]

لا ياقلبي لاتشربين شي
امشي كثييرررر عادي لو حتى بالبيت
وحطي ماي دافي بالبانيوو واقعدي نص
ساعه وان شاءالله ربي يسهل عليج
وتولدين بالسلامه , واقري سورة الزلزله
كرريها كل شوي وبتشوفين الطلق
تقومين بالسلامه يارب طمنينا اذا ولدتي

 

[كتالونيه]

الله يهوووووووووووووووون عليج

 

[مألوفة]

فديتكم بنات والله كل اللي ردو علي ما قصرتو

حبايبي الله يسهل على كل حامل يا رب

وشكلي ما راح اشرب شي لين اييني طلق اشرب كف مريم وربكم المسهل والله يسهل علينا جميعا وان شاء الله بطمنكم اذا ولدت

 

[كتالونيه]

ااااااااااااب

 

[أم عليوي]

انا مثل الحاله لايعة جبدي ودي اخلص ه الشهر احسه سنه موشهر انا اسبوع الجاي اخر اسبوع بالتاسع وهاذي حملتي الثانيه واللحين قاعده اشم الحلتيته وايد امدحوها قلت خنجربها من امس وهي عند راسي كل شوي اشم واشوف ماصار شي مع ان اغلب اللي جربوا الحلتيته يقولون انهم بسرعة ولدوا واشوف انا من امس ومشي وجماع وماكو فايده ادري طولتها بس يلا الله يسهل ع الجميع ويجعل ولادتنا تساهيل *

 

[om.noof]

انا بعد ابي اولد بس ماباليد حيله غير اصبر بالنسبه للخروع بقولك تجربتي ..يومي بشهري التاسع على احد اولادي رحت وكشفت علي ادكتوره ولقت الرحم مفتوح سانتي واحد وانا بعدي ماخلصت الشهر فنصحتني بالخروع وسمعت لها والحمد لله ولدت على خير ..وولدي اثاني في شهري التاسع خلصت الشهر وبعدني ماولدت ولا انفتح الرحم فقمت استخدمت مره ثانيه الخروع وحده بالليل صلاة الفجر جاني الطلق وبدأ يتسارع والمويه محبوسه فيني واحس ابي الحمام وانتو بكرامه ولافيني شي ووصلت للمستشفى وفجأه انفجرت المويه مني وبقوه وماوصلوني عالسرير الا وراس الجنين بدأ يبين وطلع اجنين بسرعه في الوقت اللي المويه مازالت تطلع فشرق طفلي بهالمويه وقعد في العنايه اسبوع كامل مصومينه عن الرضاعه والله اني ابكي من حزني عليه والحمدله عدت الازمه على خير بفضل الله وكرمه.

طبعا تفاجأو القابلات بسرعة ولادتي ويوم قلت لهم اني اخذت 15 مل من الخروع هزؤني وقالوا برحمة من الله انك تجاوزتي الامر

كان من الممكن يصير عندي انفجار بالرحم او نزيف فقاموا وقعوا لى ورقه مراقبه لاقدر الله يحصل اي نزيف بعد الولاده

بالنسبه للدارسين مااعرف عنه اي شي الله يخارجني واياك على خير ويرزقنا الذريه الصالحه المعافاه بأذنه

 

[وردة الدوحه]

الحل الاوحد والمفيد هو الجمااااع

 

[مألوفة]

بنات انا بالمستشفى ما ياني طلق بس وانتو بكرامة زوعت واااااايد وخفت قلت حق ريلي ودني المستشفى

المهم ييت المستشفى سوولي سونار وافحصتني الدكتورة تقول ماي الياهل خفيف والرحم مفتوح اربعه سنتي ولا فيني طلق بس ما خلوني اطلع المهم خديت غرفة بالمستشفى وحطولي تخطيط حق البيبي المهم خدو مني الدم وقالولي نطري المهم ببشركم بكل شي

 

[مألوفة]

ادعولي بنااات تكفون

 

[om.noof]

يااااارب ييسر لك ولادتك وتقر عينك بسلامتك انتي والبيبي

وادعي لي معك ..

 

[المكسيكيه]

والله مافي على الجماع بنات كنت سانتي ونص مفتوحه يوم رجعت البيت جامعني زوجي رجعت المستشفى مفتوحه 5سانتي ونص

 

[أعشقه]

الدارسين يفتح الرحم ويساعدك ع الولاده امي مجربته
والله شربت يوم يومين الا وولدت وماطولت ماشاء الله يعني طلقها حار بحار جاها الالم ع طول ولدت
ربي يسهل عليك