((ابي انقل بنتي من مدرسه خاصه الى حكوميه يصير ))دخلو امانه و ساعدوني

[قوس المطر]

​

السلام عليكم ....

انا بنتي بمدرسه خاصة بأولى ابتدائي اهيه الحمد الله شاطره و ماشيه بالمواد العربيه بس المشكله بمواد الانجليزي احس صعب حيل كل اسبوع املاء 10 كلمات او اكثر مع انها كانت بالحضانه و الروضه عندهم

المشكله مو من المحادثه و اللغة لانها الحمد تعرف انجليزي ممتازه بس المشكلة بكمية الكلمات الاملاء و الواجبات الكثيييييييره يوميا و الامتحانات الاسبوعيه كل اسبوء املاء و امتحان عربي و كل اسبوع املاء انجليزي 10 كلمات ووووووو


المهم ما اطول عليكم بس السؤال اقدر انقل بنتي من مدرستها الى مدرسه حكوميه اللحين و لا الكورس الثاني و انطر للسنه الدراسيه تخلص و الله حيل محتارة و خصوصا انه بنتي ذكيه و شاطره بس حيل صعب و الواجبات وايد و الامتحاتان اسبوعيه احس انها كرهت الدراسه من الواجبات الكثيره

الله يخليكم نوروني لاني حيل محتارة انصحوني اللي عندها بنت نفس حالتي و او تعرف تقولي الله يجزاكم خير و يجعله في ميزان حسناكم انشالله


و شكرا

 

[سمبوسه2]

اختي بنتج في أي مدرسة ألحين؟؟

 

[سيدة الكويت]

روحى حق الناظره الى فى نفس منطقتكم روحى سأليها اذا فى مجال

واذا ماكو مجال دخليها مدرسه عربيه بس هالسنه

والسنه اليايه تنقلينها حكومه ان شاء الله

الله يوفجها

 

[قوس المطر]

اختي بنتج في أي مدرسة ألحين؟؟

بنتي اللحين بمدرسه الغانم ثنائية اللغة

امانة المدرسه وايد زينه بس صعبه شوي على بنتي

 

[قوس المطر]

روحى حق الناظره الى فى نفس منطقتكم روحى سأليها اذا فى مجال

واذا ماكو مجال دخليها مدرسه عربيه بس هالسنه

والسنه اليايه تنقلينها حكومه ان شاء الله

الله يوفجها

مشكوره اختي على الرد و انشالله بشوف بس انا ابي اللي جربوا هالشي ما ودي استعيل

 

[سيدة الكويت]

اختى معروف المدارس الخاصه كل اسبوع امتحان واجبات واملاء وتعب اكثر من الحكومه
ومناهج اصعب

 

[زينة الزين]

آنا أقول المدارس الحكومية مو مثل قبل بالعكس صارت وايد أصعب خاصة النظام اليديد مال التوقيم إمتحانات فاينل رابعة إبتدائي من المنطقة التعليمية وسوالف لها أول مالها تالي
صديقاتي اللي عيالهم بالمدارس الخاصة وايد أهون
آنا أنصحج أن تغيرين مدرستها لمدرسة خاصة ثانية فيها أقل واجبات وإمتحانات
والله يوفقها

 

[الكـ صمتـ ــلام]

حبيبتي حتى الحكومه امتحانات وواجبات!!!واذا خلصوا الامتحانات القصيره ياتهم امتحانات الفصل وجذي ماشيه السالفه بس اذا بنتج شاطره تمشي بالصوبين
بالتوفيق

 

[زوزو الحلوه]

حبيبتي قوس المطر انا ولدي بمدرسه خاصه بس والله مايعطونهم املاء اكثر من 10 كلمات يعطونهم املاء ما أجذب عليج بس كلمات بسيطه كان ماخذهم بالرسيبشن الي اهو 2 روضه اهم شي عندهم انه يكون فاهم على العموم انه اقولج نصيحه لوجه الله لا تنقلينها حكومه نقليها مدرسه خاصه ثانيه بس مو ثنائيه لغه والله يوفقها

 

[أم عبووووود]

حبيبتي اذا بنتج ماشية اوكي حرام تخربين عليها وتنقلينها الحين لان السنه بدت

الاملاء مو مشكله كل مايعطونها كلمة حفظيها اول باول وحتى الدراسة وان شالله راح تمشي

واذا لج نية تنقلينها اجليها للسنة اليايه احسن لج حبيبتي