ابي امتن .. شنو نصائحكم؟؟

[السفيرة عزيزة]

رد : ابي امتن .. شنو نصائحكم؟؟

الحمد لله على العافيه

الحريه
تحمدي ربج

الناس حاسدينج على اللي انتي فيه

في ناس و لله الحمد مو لاقيه تاكل

بس انتوا تحمدوا ربكم
و كل وحده تتاقلم على اللي عندها

 

[نفيشه]

رد : ابي امتن .. شنو نصائحكم؟؟

يحليلكم والله اثريتوا الموضوع وانا مادري

الله يسلمكم صح كلامكم انا من المغثة شهيتي صفرررررر
والحين وزني رد ينزل بانقرض لحقوا علي

 

[السفيرة عزيزة]

رد : ابي امتن .. شنو نصائحكم؟؟

نفيشه يبى انسي بعد شتسوين

انا يغثني كل يوم
صباحا و مساءا

بس شسوي انسى

اتصدقين امس كنت قاعده ابي اكلمه
قاعد يطالع مع الهال بلي ستشن
المهم اناديه اناديه
وما يرد
قلت انت اشفيك
قال اشتبين
قلت انت بتطلع اليهال يبون
و توني ما كملت كلامي
قال مالي شغل فيكم ماني يايب شي
اتصدقن ليش عاد جذي
انا مابي اسوي سالفه جدام اليهال
سكت و وخرت
يا حياتي بنتي يت شافتني منغثه قالت ماما
مخالف
نسال خالاتي وين نلاقيه و رنوح انا معاج نشتريه
اتصدقين اليهال ساعات يصيرون احسن من الكبار

بس شنسوي ننسى احسن

و القافله تسير

انتي انسي و طلعي و ونسي عمرج
مالج شغل باي احد احسن لج

 

[نفيشه]

رد : ابي امتن .. شنو نصائحكم؟؟

وي زوزو عندي وعندج خير اصلا انا ما اكلمه اذا نبي شي بالمسجات بس
عالاقل المغثه تصير بدون صوت ولا صورة

وديري بالج على نفسيات اليهال خو الرياييل خبول ما يفكرون بعيالهم
وعليا اهم اللي يتاثرون باجر ديري بالج عليهم

 

[al7reyaa]

رد : ابي امتن .. شنو نصائحكم؟؟

لا الاه الا الله عين الحسود فيها شيره مو بس عود اسم الله علي الرحمن الرحيم
بس هم نفيشه انتي زينه

 

[brettey]

رد : ابي امتن .. شنو نصائحكم؟؟

المعبوج مع العيش يفتح الشهيه عدل يخليج تاكلين وايد ودقوس الصبار والمطاعم

 

[^^دموع الكويت^^]

رد : ابي امتن .. شنو نصائحكم؟؟

شوفي هالموضوع

علاج النحافة

 

[نفيشه]

رد : ابي امتن .. شنو نصائحكم؟؟

دموع
مرسيييييي عالموضوع اوي اوي

بريتي
مشكلتي كلش ما احب المعبوج والفلفل اجر ممكن لكن فلفل لالالالالا

الحرية
خبرج عتيج فيني الحين انقرضت

 

[السفيرة عزيزة]

رد : ابي امتن .. شنو نصائحكم؟؟

يا حياتي

نفوش

اشرايج

نطلع انا وياج

ننسى الهم شويه

و ناكل ناكل ناكل

لين نمتن

ههههههههههههههههههههه

 

[نفيشه]

رد : ابي امتن .. شنو نصائحكم؟؟

هي بالله هي بالله
نبي ننسى الهم
نبي نبلع ليمن ننبط
نبي ناكل دناعه مو يواعه

 

[BaiTotia]

رد : ابي امتن .. شنو نصائحكم؟؟

لازم تسوين تحليل إذا وزنج قل فجأة
بس إن شاالله ما فيج إلا العافية
و ليش ما تشتركين مع دايت سنتر جنه سمعت إن ينفع حق إللي نفس مشكلتج

 

[نفيشه]

رد : ابي امتن .. شنو نصائحكم؟؟

دااااااااااااااااااايت سنتررررررررررر؟؟؟؟
من اسمه ماينفع لي
انا مابي اسوي دايت انا ابي امتن

 

[فلسطين حرة]

رد : ابي امتن .. شنو نصائحكم؟؟

اعرف صديقه لي هالشكل

راحت على نادي صحي لعبت رياضه وصار شكلها نوعا ما مقبول بالرياضه وبعدين شافت اكلها

اكيد يرجع هالشي لكل وحدة وحسب اكلها اول اواخيرا راجعي دكتور واطمني عن صحتك والتحاليل قبل كل شي

لكن الرياضه تعمل عضلات وتقوي شكل الجسم الخارجي وما تحسسك بالضعف وانك تعبانه ومو قادرة تسوي شي

ربي يطمنك ان شاء الله

 

[نفيشه]

رد : ابي امتن .. شنو نصائحكم؟؟

فلسطين حرة

تسلمين حبوبة على اهتمامج

 

[jun]

رد : ابي امتن .. شنو نصائحكم؟؟

السلام عليكم
جربي حبوب الخميرة موجودة عند الصيدليات
وان شاء الله تفيدج

 

[نفيشه]

رد : ابي امتن .. شنو نصائحكم؟؟

اي سمعت عنهم وودي اجربهم انشالله

مشكورة جون عالنصيحه

 

[al7anona]

مشاركة: ابي امتن .. شنو نصائحكم؟؟

http://www.q8yat.net/showthread.php?t=10689&highlight=%E3%D4%DF%E1%C9+%C7%E1%E4%CD%C7%DD%C9
موضوع بنت الكويت مشكلة النحافه

 

[al7reyaa]

مشاركة: ابي امتن .. شنو نصائحكم؟؟

نفيشه لاتجربين حبوب الخميره انا كنت مجربتهم

 

[ريان]

مشاركة: ابي امتن .. شنو نصائحكم؟؟

خوووش موضوع جانزين يمتن ريلي اذا سويتله هالخلطات عوووود شبريت هيكل عظمي والله ابتلشت بعمري

 

[نفيشه]

مشاركة: ابي امتن .. شنو نصائحكم؟؟

ريان
الشي الطبيعي احسن
تصدقين انا من نسيت الموضوع ووزني بدى يزيد؟