ابي الي تزوجوا مرتين يردون علي ..

[لعيونك اصير مجنونك]

اااشوف الموضوع عادي

عروس وتبي تستانس

معااهاااا

 

[شنكوروه]

خليها توسع صدرها


تسوي كل اللي تبيه دامه مو عيب ولاحرام

 

[أحترت أعبر]

الله يتمم لها بخير ..وخل تلبس وتستانس , وش عليكم منها البست ابيض بالملجه لو بالاستقبال ؟؟؟؟
وحده تبي تستانس وتفرح , ادعي لها الله يتمم لها بخير وانتي بعد يرزقج بالزوج الصالح ...
وبعدين المطلقه لو الارمله مالها حق تفرح يعني لو تزوجت مره ثانيه ؟؟؟

 

[كويتية بروما]

زواجي الثاني لبست ابيض ومسكه وكوشه ودي جي بس محفوفه مع الاهل
ريلي صبي ولم يسبق له الزواج ولما سويت هالشي عشان ابيه يشوفني عروس ولا قصدت احر احد يعني بس ابي افرحه فيني بس طلعنا من الملجه ع الفندق يعني خداني يوم ملجتنا
وبستقبالي وردي
البنيه اللي تكلمين عنها يمكن يبي ياخدها يوم استقبالها عشان جدي كاشخه له بالابيض
بعدين لاهو حرام ولا عيب خو تطلقت ما اجرمت ولا ارتكبت معصيه
وزواجها الثاني حلال ليش ماتفرح ولا تلبس ابيض ولاعشانها ماتوفقت بزواجها الاول ينحكم عليها بالاعدام
بس احنا مجتمعنا دايم ينقد ومايعجبه شي وشكله بينها وبين امج شي ولا امج ليش بتحرها المهم اهي اللي بطت جبدكم ومن الحره نزلتي موضوع تسالين عن هالشي
الفال لج بالزوج الصالح اللهم امين
و ثانكس

 

[انصاريه قمره]

كيفها براحتهااا
يعني الريال مشالله حلال عليه يتزوج ويطلق ويسوي العرس 4 مرات ويمكن اكثر والمرا حرااام خل تستانس زواجها الاول ماضي وانمحى خل تستانس واعليااا

 

[انصاريه قمره]

وبعدين لي متى سوووء الظن يعني ما تعرفوون تحسنون الظن بخلق الله وشدراج انها بتسوي هالحركه علشان تحر امج اخاف صج بتقط فلوووس وبتخب نفسهاا حتى تحركم والله فرااااغه

 

[أتراب]

خلها تسوي اللي ريحها
​

 

[شندوخه]

انتي ليش زعلانه؟ ترى مو معنات انها ورت امج النفانيف البيضه يعني بتقهرها
سوري بس انتي وايد تفسرين امور غلط
ونصيحه اختي سوت حفله لا احترقت ميفها هذا شأن خاص فيها والله يهني سعيد بسعيده

 

[كارلوفي فاري]

اتوقع زواجها الثاني هم فرحه ومن حقها تلبس اللي تبي واكيد اللي تزوجها يبي يشوف عروس جدامه
وكثير من اللي اعرفهم البسوا الفستان الابيض بزواهم الثاني

 

[اميره1980]

ختسوي و تنستانس عليها بالعافية

 

[~ بنت الهدى ~]

احنا البنت لاتزوجت زواج ثاني ماتسوي عرس .. بس اذا زوجها اول عرس له لا طبعا لازم تسوي الغبر خل يستانس

 

[هيبة ملك]

ايه عادي تلبس الابيض وتفرح بعد ليش من حقها

موعيب ولا حرام

 

[جلكسيه اس 3]

يعني المطلقه مالها حق تفرح ثاني مره او ثالث مره
؟؟
وليش فسرتي انها تبي اتحر امج

انا عن نفسي اذا كتبلي اللله اتزوج مره ثانيه بفكر فيها ،،
افكر اسافر واروح شهر عسل وايد احسن
لانه عندي اعيال