ابي الي تزوجوا مرتين يردون علي ..

[كتكات احمر]

بسالكم سؤال صريح بنات الحين الي تزوجت اول مرة قلنا هذا اول زواج لها وبتستانس
وسوت عرررس واعزمت العالم كله ودي جي وبوفيه وخبه وصالون ولوية ...

ابي اعرف الحين لو تطلقت وتزوجت للمرة الثانية

هل تسوي نفس الشي او لا ؟

يعني الحين وحدة من اهلنا بستوي استقبال وتحط دي جي وزفة وهذا زوجها الثاني مع انها سوت ملجة صغيرة وماحطت دجي ولا شي اللهم اهلها واهله وعزيمة بسيطة ماكو ناس ..

والحين بعد الملجة بتسوي استقبال بتحط دي جي ومسكة وكوشة وبتلبس ابيض !!! :krkrkr:
والسبب قولوا شنو ؟ عشان تغيظ امي لانها قالت لها شوفي نفانيف العرس البيض شحلاتهم

اخذي لج واحد هههههههههههههههههه احترت وبتلبس ابيض باستقبالها :krkrkr:
المفروض يكون الوضع ملموم صح بنات لان هذا زوجها الثاني وبعد طلاق !

حتى امي استغربت تقول لها اشحقه بتلبسين ابيض انتي سويتي ملجة وخلاص وليش مسكة

لو كانت تبي مسكة وخبة جان سوت بالملجة مرة وحدة مو بالاستقبال صح بنات !!!

قوولولي الي تزوجت للمرة الثانية سوت جذي ولا لا ؟؟

 

[ام فواازي]

عادي مافيها شي مو حرام ولا عيب تبي زوحها يشوفها بالابيض خلاص مطلقه من قبل مايصير تكون عروس مره ثانيه مافيها شي
عشان تغيظ امج بتلبس ابيض صج انكم حريم لو مو خاطرها فيه ماالبسته

 

[كتكات احمر]

اخيرا نزل موضوعي لووووووووول

 

[كتكات احمر]

ام فوازي شكلج مافهمتي انا قلت انها سوت ملجة وخلصت ومالبست ابيض وبالاستقبال بتلبس هذا استغرابي بس

 

[ام فواازي]

احنا عندنا الملجه غقد الزواج والبنت ماتسكن عند زوجها لين وقت العرس اذا بتسوي عرس او تسوي استقبال هني تكون ليلة الدخله
انتو شلون نظامكم يعني بعد الملجه راحت بيت زوجها؟؟؟؟ اذا اي معاج حق تستغربين بس اذا لا وبالاستقبال بتكون عنده رسميا فعادي تصرفها ليلة عرسها
على فكره طرحج للموضوع خطأ لانج خصيتيه للمطلقات انه مايصير يلبسون ابيض ويسون عرس بزواجهم الثاني

 

[•Brown•Sugar•]

اسم الله علي لو انحط بهالموقف بسوي حفله وحده
وبلبس الابيض وبسوي عرس كامل من مجاميعه
اذا انا كان هذا ثاني عرس لي يمكن الريال مايكون متزوج من قبل
وابي استانس مع زوجي بصور معاه بالنفنوف الابيض وبنسى اني سويت عرس قبل

 

[كتكات احمر]

ام فوازي

اول شي بزواجها الاول سوت عرس كامل وراحت بيت زوجها
ويت بزواجها الثاني سوت ملجة بسيطة مافيها دي جي ولا شي وللحين ماسكنت عنده يعني ببيت اهلها
وبعد الملجة بتسوي استقبال تلبس ابيض وتحط دي جي وكوشة ومسكة المفروووض تسوي هالخبة بالملجة مو بالاستقبال

 

[عالم البزنس]

كلن ينام عالجنب اللي يريحه
والبنت تبي تستانس
ويمكن نفس ما قالو البنات انها تبي تصور احلى ليله مع زوجها اليديد
ليش مكبره الموضوع وليش معتقدع انها بتغيض امج

 

[ام فواازي]

ليش بالملجه تبينها تلبس ابيض وهي بالليل بتظل في بيت اهلها الصح ان الابيض تلبسه بالليله اللي بتروح بيت زوجها وفي حالتها بتروح بليلة الاستقبال يعني يحقلها تلبس لزوجها ابيض تخليه يشوفها
يعني بالله تبينها بالملجه لابسه ابيض واخرتها قاعده عند اهلها

 

[كتكات احمر]

اممممممم اي صح كلامج

 

[عالم البزنس]

كتكات احمر شنو الهدف من صورتج الرمزيه؟
اخاف هذا عرسج <<اضحك معاج

 

[قاهره عذالي]

دع الخلق للخالق
لا يهمونج
اللي يشوفني ما اسوى شي
ما انزل نفسي له

 

[اخت خالتهم]

انا اعرف وحده تطلقت وتزوجت و سوت عرس و لبست الأبيض مرة ثانية
و كلنا فرحنا واستانسنا ومحد تكلم او نقد عليها
بالعكس وناااسه

 

[جيكره(و)تتغلى25]

الي اعرفهم تزوجو2 اول حفله لهم لبسو نفنوف غير الابيض مع مسكه يعني اول شوووفه لهم واول دخله على بعض اما ملجه وبالاستقبال ابيض؟؟؟؟


لاتعليق

 

[كتكات احمر]

كتكات احمر شنو الهدف من صورتج الرمزيه؟
اخاف هذا عرسج <<اضحك معاج

مدام من غير هازبند هههههههههههههههه :krkrkr:

 

[جيكره(و)تتغلى25]

توقيعج حلوووووو وبمحله

 

[عالم البزنس]

الله يرزقج الزوج الصالح يارب

 

[كتكات احمر]

امين ياارب

قريب ان شاء الله ادخل الحياة الزوجية

اخاف ما اقول ان شاء الله ومايتم ههههههه

 

[كتكات احمر]

جيكرة واتغلى

هذا قصدي انه بالاستقبال ابيض غريبة

 

[قمورهـ]

وليش ماتسوي..!!

مفروض مسويه بصاله ودخله كشخه بعد هذا عرس ومن حقها تفرح للمره الثانيه!!