ابي الوزن الطبيعي لطفل عمره عشرين يوم

[مطرها يسبق رعدها]

بنات اليون امي ودت ولدي لدكتور وطع وزنه اربعه كيلو واميه وخمسين جرام وانا يوم ولدت وزنه ثلاثه ونص

قال لازم وزنه بعد عشر ايام يعني الى تم شهر لازززم خمسه كيلو ووزنه الحين قليل

وعطاه بروسبان دوا كحه نقط عشبيه في الفم عليه صورة ورقة شجره عادي اعطيه بهالعمر؟؟

وغير حليبه من ابتاميل العادي الا ابتاميل اي ار او ار اي

ابي اللي عندهم خبره يجاوبون

 

[Australia girl]

على العكس الطفل بس يولد يفقد من وزنه تقريبا اقل من كيلو لان كله سوائل ..انا بنتي يبتها 4 ونقصت اول اسبوعين 700 جرام

 

[مطرها يسبق رعدها]

سبحان الله اول مره اعرف هالمعلومه

يعني ولدي طبيعي ؟؟

مشكوووووره

 

[رووتين]

هلا مطرها شحالج ؟
ماعليج منه الدكتور وزن ولدج ماشاءالله زين
الله يخليه لج *

 

[رووتين]

مطرها صح انتي من قطر اي دكتور وديته ؟
لأني مستغربه من كلامه واحسه ماعنده سالفه

 

[Om_Ksha]

بودي بنتي بعد جم يووم وبشوف جم وزنها .. زين قلتي لنا

 

[مطرها يسبق رعدها]

هلا مطرها شحالج ؟
ماعليج منه الدكتور وزن ولدج ماشاءالله زين
الله يخليه لج *

بخيررر فديتش وش حالش انتي

اشواااا طمنتيني

امي ودته لدكتور منال الكيالي لانه شاطر ودكتورنا يوم كنا صغار

بس للاسف وصلت العياده مالقته موجود

وبعدين راحت لمستشفى الاهلي لدكتور اول مره تجيه

اسمه فاتح او فتيح مخللاتي من اسمه مبين ماعنده ماعند جدتي هههههههه

ومشكووووووره

 

[مطرها يسبق رعدها]

بودي بنتي بعد جم يووم وبشوف جم وزنها .. زين قلتي لنا

الله يخليها لش ياااارب

بنتش كم عمرها؟

 

[رووتين]

أنشهد من الاسم ماعنده ماعند جدتي
شوفي دكتور خالد ف عياده الدوحه ممتاز

 

[مطرها يسبق رعدها]

هههههههههههه واشهد معش

صادقه دكتور خالد واجد مادحينه ومشكوووووره فديتش

 

[miss mama]

مشاءالله تبارك الرحمن. وزنه حلو بالنسبه لعمره. بعضهم يصك عمره شهرين واهو بعده بو ثلاث كيلو ونص.

 

[noo7a]

انا الدكتور قالي
متوسط زياده وزن البيبي باليوم ٢٠ غرام
و بالشهر نص كيلو

 

[mweegah]

حبيبتي وزن البيبي طبيعي
انا يبت بنتي نتتتتتتتتتفه 2.4 كيلو
طلعت من المستشفى 2.3
يوم كملت شهر صارت 3.1 يعني جنها توها مولوده
و الحين بتكمل السنه ووزنها 8 كيلو

 

[بنت عز وما تنهز]

الحمدلله وزن الولد كويس مافيه شي

ماعليج منهم بس شاطرين بالتخرع


عسي الله يصلحه لج

 

[مطرها يسبق رعدها]

مشكوريييييييييين فديتكم طمنتوني الله يطمنكم

والله لايهينكم وحده وحده

 

[مدمنة ككاو]

حبيبتي يترتب على وزنه عند الولاده
راقبيه كل شيهر توزنينه لازم يكون زايد 750 جرام على اخر مره وزنتيه هذا طبيعي

 

[GaLbI t7aWaL]

حبووووووبه

في حالتين

1- اذا رضاعه طبيعيه راح يقل الوزن

2- اذا صناعي بيزيد

و ماشاء الله حللوو وزن البيبي بهالعمر