ابي النصيحه

[empress_84]

تسلمون يا بنات على هالوقفه حتى و لو كانت نفسيه بس

 

[بحرينية@ماركة]

حسبي الله ونعم الوكيل

 

[empress_84]

بنات انا بحطلكم صورة اللي تهجم علي عان اتديرون بالكم وربي و ربي يعلني افقد امي ان هذا اهو واسمه عبدالله وحاط صوره بالفايس بوك و قسما بالله هذااااا اهو يعلني ما اتوفق بحياتي

 

[empress_84]

اي و ترى سعودي و اهله شقولكم ابوه داق علي يقولي بتزوجج و لله حاله هالناس صج ما يستحون والله لا افضحهم دقانون ما خذالي حقي

 

[غرني زماني]

اول شـي حـمـدللـه عـلـى سـلآمـتـج ولـو إنـهـا مـتـأخـره


بـس حـبـيـت أسـالـج ولا تـوآخـذيـنـي هـل إهـو تـعـرض لـج مـنـي والـطـريـج أو إنـه فـي مـعـرفـه سـآبـقـه بـيـنـكـم


وإسـمـحـي لـي عـلـى هـالـسـؤآل .


وشـغـلـه ثـانـيـه أحـب أقـولـهـا لـج ولآتـزعـلـيـن مـن كـلآمـي واللـه مـاقـصـد فـيـه شـي


هـل إنـتـي كـنـتـي لآبـسـه لـبـس حـشـمـه وإنـتـي طـالـعـه ..؟؟

 

[empress_84]

الله يسلمج يا رب اول شي كا بينا شي وايد رسمي الا و اهوا شغل مادري اذا سمعتي عنه كويست نت الشركة اللي تشترين منها ويطلعلج عموله وسوالف النت الوهميه كان يبي يقص علي وصارت نجره وانا برمضان كله البس عبايه و هالحجي صار الساعه 10 ونص الصبح تريبا

 

[غرني زماني]

يـعـنـي لـمـا تـهـجـم عـلـيـج كـان عـارف مـنـو إنـتـي ..؟

 

[غلاي غير]

لاحول ولاقوة الا بالله العلي العظيم ياقلبي مايجوز التشهير بالناس حتى ولو صارت بينج وبينه قضيه اذا القانون ما اخذ حقج تحسبي لله وربج بياخذ حقج

 

[catloverq8]

إمبريس اسمعيني زين و عذرا لصراحتي
كتبتي الموضوع أول مرة بتاريخ 6 سبتمبر قبل شهر تقريبا و قلتي إنك بتسوين عملية و إن النيابة حفظت الموضوع لعدم كفاية الأدلة و خذوا على الولد كفالة
و طبعا هذا الحكي ما يستقيم مع أعراف التحقيق و الحفظ
عموما أنا كنت ضد التنازل عنه لكن من الأساس ضاع حقك و يعتبر الموضوع منتهي من صوبك مع ضرورة أخذ الحذر
لكن يا قلبي بعد شهر رادة و تثيرين الموضوع مرة ثانية و نشر صورة الولد و التشهير فيه و ذكر اسمه و جنسيته يعرضك إنتي لجريمة القذف و التشهير و ممكن يقدم شكوى ضدك بالنيابة و تاكلينها على راسك و بصراحة يأكد حقدك عليه و إن كنتي غير ملامة و مقهورة بس هذا ما يعطيك الحق تتصرفين جذيه
نصحيتي تكلمين المشرفة تلغي كل الموضوع فورا و كله قبل لا تنقلب السالفة ضدك
و دينيا بعيدا عن القانون حتى الدين ما يرضى باللي قاعدة تسوينه
استغفري ربك و إلغي الموضوع كله

 

[empress_84]

يـعـنـي لـمـا تـهـجـم عـلـيـج كـان عـارف مـنـو إنـتـي ..؟

اي يدري بس شكله اكان طبيعي امبين متعاطي شي

 

[empress_84]

خلي يبلغ اذا اهوا تهجم علي بسجين و تحرش و القانون ما خذو حقي بياخذون حق عشان نشرت السالفه و صورته
وانا من قبل لا اتنازل اهما طلعوه بكفاله و بعدين الكل عباله صاحب او شي جذي و انا كل اللي بيني و بينه شغل لا اكثر و لا اقل

 

[غرني زماني]

ويـن تـهـجـم عـلـيـج بـمـكـان عـمـل أو مـكـان عـام ..؟؟

 

[@تناااهيد@]

حبيبتي
اذا انتي معتبره احنا خواتج ف سمعي النصيحه
انا اول ماشفت الصوره انصدمت منج لان النظره الاولى عنج كنتي بريئه
وفجأه تغيرت نظرتي ليش تشهرين بالريال ترى من الناحيه الدينيه حرااااام
احتسبي اجرج عند الله واشكيله وهذا افضل من المحاكم ولاتحسين ان حقج ضاع لاااا
عند الله موجود بس افضلج شيلي صورة الولد كوني انتي احسن منه
اتمنى انج تسوين بالنصيحه
والله ان شاء الله يستر عليج

 

[empress_84]

حبيبتي
اذا انتي معتبره احنا خواتج ف سمعي النصيحه
انا اول ماشفت الصوره انصدمت منج لان النظره الاولى عنج كنتي بريئه
وفجأه تغيرت نظرتي ليش تشهرين بالريال ترى من الناحيه الدينيه حرااااام
احتسبي اجرج عند الله واشكيله وهذا افضل من المحاكم ولاتحسين ان حقج ضاع لاااا
عند الله موجود بس افضلج شيلي صورة الولد كوني انتي احسن منه
اتمنى انج تسوين بالنصيحه
والله ان شاء الله يستر عليج

شنو اللي بريئه و تغيرت نظرتي ليش شنو شايفتني لو انتي اللي صايرلج هالموقف و محد خذا حقج ماراح تنقهرين على نفسج يعني
وعشانحطيت صورته صارت جريمه و انا لما يمسك صدري و يحاول يتحرش و يرفع سجين علي مو جريمه

 

[empress_84]

مكان عام و بالشارع بعد كنت باخذ منه اوراق وللعلم ترى انا مالجه مو ياهل يعني و لا بلعب

 

[أم حورية]

الحمدلله على سلامتج حبيبتي ..

وعلى فكرة كلام catloverq8 كله صح ..

الله يعينج حبيبتي اللي صار مو شوية بس اللي عليج تشكين حق ربج ودعوة المظلوم مستجابة ..

والصورة نصيييييييييحة مسحيها .. اذا انتي رفعتي قضية ماكان في أدلة واضحة بس عقب الصور راح يكون عنده دليل واضح على التشهير .. وراح يلقاه عذر يطلح حرته منج ..