ابي المولود يشبهني

[باختصار]

مراحب ي الغلا
ب الفعل سمعت بهالكلام ..من قبل
وكانت النتيجه ..في الغالب ..وليس قاعده ..
ان الزوج اذا يحب زوجته كثير..يصير المولد نسخه منها ..
سواء بنت او ولد ..واذا الزوجه تحب الزوج اكثر من حبه هو لهــا..
يصير البيبي ..شبه ابوووه ..
وكثير لاحظت بداية الزواج يكون الطفل شبه امه ..وفي الفترات الاخيره
يصير المولود الثالث او الرابع شبه الأب والعكس كذلك..
...
اتمنى اجابتي افادتك ..ويجيك بيبي طبق الاصل انتي..
ويكون ولد عشان طول ماهو مع ابوه يتذكرك في ملامحه
موفقه ي رب..,’​

 

[BubbLe87]

سبحان الله كلشي بيد الله ماتوقع ان نقدر نتحكم بهالشي
انا بنتي ناس يشوفونها تشبهنا ناس يقولون تشبه اهل ابوها
بس انا احس انها تشبه اهل ابوها اكثر

 

[!الجادل الصعب!]

الاول نسخة ابووووه
الثاني نسخة اخووه يعني توم بس كل واحد بروحه ههههههه
والحين كان الثاني حبيبي بدا يرد الشبه لي .. فمادري ..!

 

[بنت شتره]

اشربي قلاص ديتول
مع قفشتين بانزين
مع 3 قفاش قاز

طبعا قبل لا تحملين

كككككككككككككككك

ي ربي الناس مادري شلون صايره
انا ادعي ضناي يجي متعافي لا متوعق ولا توحد ولا منغولي
الامراض كثرت ويوم عن يوم نسمع عنها

الوحده تدعي يالله انك ترزقني بالضنا الصاحي والكامل
مو تدعي الله يهداج بالشبهه

والطفل ي بيطلع علي ابوه
ولا علي امه

مراح يطلع اشقر وعيونه زرقا ويتكلم صيني

 

[ساهره الليل]

رب لا تذرني فرداً وانت خير الوارثيين

 

[راحيل العبدلي]

لوول بنتي النص بالنص علي وع ابوها
احلى شششي ?

حبيبتي ما اتوقع ان الانسان له دور بالشبه

 

[Bloom]

والله ما ادري انا بنتي نسختي الحمدلله ههههه بس زوجي حلو بعد ابي الشباب عليه والبنات عليه يارب بصحه

 

[اميره1980]

استغفر الله
حمدو الله على نعمه الصحة و العافية
الشبه بيد رب العالمين و اهم شي الطفل يكون سليم و بصحة و عافية

 

[ديانا سبنسر]

مايهمني اذا كان يشبهني والا يشبه ابوه اهم شي يكون بصحة وعاااااااافية واقوم انا بالسلامة

 

[شموخي اتعبهم]

احمدي ربج ان عندج عيال غيرج يتمناهم ربي لك الحمد اهم شي بعافيه وصحه يجي لويشبه عم عمه حمدي ربج يابنت الحلال

 

[قَلبڪْ صًخرْ]

انا ابي طفل كامل الخلق والخُلق
مو مهم يشبه منو

يارب لاتحرمني

 

[غلآ نوآف]

ههههههههههههههههه

اختي الله يهداج بس
شفيها يعني اذا طلع يشبه ع ابوه
بالنهاية طلع يشبهج ولا يشبه ابوه
تراه ولدكم

قولي يالله الخلقة التامة والصلاح
مو تتمنين شي يفوق قدراتنا

كل شي بيد الله
واظن الحديثين يفسرون الاسباب
ماراح تقدرين تسوين شي

اطردي هالافكار الي ماتفيد
وركزي اهتمامج ف صحتج وسلامتج وسلامة طفلج

 

[[ نور عيني ]]

موضوعج حلو
ومعلومات حلوة
والله يهدي بعض البنات مدرعمين وما فهموا مضمون الموضوع
عادي مجرد مناقشة واكتساب معلومات ماله علاقه ب الاعتراض على حكمة ربنا
مشكورة فديتج

 

[english muffin]

ولدي طبق الاصل ابوه
انا و 2 بنات عمتي ولدنا بنفس الفترة كلنا عيالنا نسسسسسسخة الابو