ابي الفزعه لأمي الحبيبه

[الرتاج29]

هلا حبيباتي اشلونكم ابي فزعتكم وادري انكم ما تقصرون
امي الحبيبه راح ترجع من السفر العلاح الي تم 6شهور وابي اسوي لها استقبال وابي اقدم للضيوف شي حلو فماني عارف شنو اقدم مابي كاكاو ولا عطر ابي فكره حلوه عفيه ساعدوني ما عندي وقت وابي فزعتكم:q8:يا كويتيات

 

[princesse X]

الحمد لله على سلامتها وترجع لكم بعافية ان شاء الله، بس بصراحة ما أدري شنو ممكن تقدمين

 

[ebtsama-3re9'a]

تقدرين تقدمين عطورات بياع الورد يبيع غرشات وانتي تعبينها

او دهن عود

او عسل

في تاجرات بالمنتدى يبيعون عطورات حلوه ورخيصه تقدرين تطلبين منها العطر اللي تبينه

وتعبينه في الغراش

وتزينينه او تغلفينه بالاورقنزا او التور او الشرايط على حسب ذوقج

او توزعين علب البخور تكون فخمه وحلوه تلقينها بلاكشيت بفحيحيل او حطين واذا تبين عنوانهم انا حاظر

واي استفسار على الخاص

 

[أم هـجـرس]

راح اعطيج جم فكره حبيبتي

عند المرشد يبيعون ماي زمزم وفيه يكتبون ادعيه واسم المريض

طلبيه من عندهم وعاد انتي تفنني بالشرايط وحطيهم عند الباب اي وحده تبي تطلع عطيها علبه واحلى بعد لو تعلقين بطرف الشريط كاوكاوه

ثاني شي لراحت امج النفسيه حطي يم فراشها حوض دائري وحطي فيه سمج ملون راح تستاااااااااااااااانس ترى سمج الزينه يعتبر علاج نفسي

واتوقع امج راح تكون محتاجه هالشي من بعد علاج 6 شهور

ويارب يخليلج اميمتج يارب ويردها بالسلامه وانشاءالله تكونين استفدتي

 

[الرتاج29]

مشكورين على الرد احسن من الي دش ولا ابدى رايه
ويعطيج الف عافيه ابتسام على ارائج الحلوه يعطيج الف عافيه عمري ما قصرتي اخدمج بالافراح

 

[الهاجريه]

حبيبتي عندي فكره بسيطه يا ريت تعجبج
اخذي الغراش السغار وعبيهم ما ورد او زمزماو لقاح وحطي معاهم ككاوه وبعد مصحف صغير كلهم حطيهم بسله سغيره
ولما يطلعون الناس تعطينهم كل واحد سله
وان شاء الله اكون فدتج

 

[فطومه]

شوفى عمرى انا تونى اشوف سؤالج بس برد عليج

اذا حابه شى مميز وغير تقليدى........سمعى هالحجى
دخلى حجرتها ونظفيها قلبيها فوق حدر.....غيرى مكان الاثاث....واشترى لها ذاك الكفر اللى يبرد على الجبد وبعدي عن الكشاكش لانها تاذي يعنى شى عملى بس مرتب......مع شوية كوشيات حلوه........وحطى لها فازة ورد بنفس لون الغرفة ...يم راسها حطى سله ذربه فيها شوكليت بس ان شاء الله مافيها سكر....اشترى لها كرمج الله نعال للغرفه مع فوطتين وروب حلو ذرب.....اخر شى كرت حلو...((الحمدلله على سلامتج ياأغلى مافى الوجود...ان شاء الله ذوقي عجبج))

ان شاء الله تعجبج الفكره

 

[روحـ باباتيـ]

حمدالله على سلاامتها

 

[الزنبقة البيضاء]

الحمد لله على سلامه الوالده
وسلامتها من كل شر

ما حبيت ادش من غير ما اعلق على الموضوع
وبصراحه انا عجبنى كلام فطومه بخصوص غرفته الوالده


شوفي حبيبتى عندي جم شغله يمكن تفيدج

روحي المشاتل في منطقة الري واخذى منهم زرع و ورد وحطيهم في احواض
صراحه ذاك اليوم مريتهم وشفت الشجر والورد اللى يفتح النفس من كل شكل ولون
والله فيهم راحه نفسيه
عاد انتى تفننى في توزيع الاحواض في اطراف البيت وخلي الريحه والمنظر الحلو قبالها

بخصوص الاستقبال

بامكانج تسوين تصميم للوالده تحطين صورتها في
برواز ذرب ومعاها ورده طبيعيه
وكرت صغير عليها شكر لكم

او تسوي لج سله صغيره قش فيها
( ديرم ، وكحل بودر داخل مكحلته ، وعلج لبان ، وتوله بخور )
هالسله تغلفينها بالشبك او التور و
تثبتينها على مهفه قديمه اللى مصنوعه من القش
هالفكره وايد تعجب الحريم الكبار وفيها اشياء يستخدمونها


وطالعه من الشر ... وربي يعطيها الصحه والعافيه
ومشكوره اختى الرتاج :aha: لانج باره بامج


بحفظ الرحمن​

 

[زهرااا]

الحمدلله على سلامتها
اننشالله البنات ما قصروا

 

[$الـــحـــلاوه$]

غيري لها غرفة نومها


وفكرة ماي الزمزم عجبتني والله سويها

 

[الرتاج29]

بعد عمري ما قصرتو كلكم ولا فرحتوني وايد لنكم شاركتوني الله يعطيكم العافيه والله ماادري شقول كل فكره احسن من الثانيه وبخصوص دارها اختي ما قصرت شرت الكفر حلو وغيرت الديكورات بس اعجبتني فكره ماء زمزم راح اسويها
بالاخير اشكركم كلكم والله ما يحرمني منكم وعسى ما تشوفون مكروه