ابي اكلمه شلون ؟

[Blonde B]

قوه بنات شلونكم ؟
انا توني مملجه من شهر
واغلب اهلي ورفيجاتي يكلمون رياييلهم بعد الملجه
اما ريلي ما حاجاني انا عندي رقمه اخذته من ابوي
بس احي فشله اذا انا ارسلت له مسج
شرايكم انتو
انا ودي احس نفس احساس رفيجاتي وهذا الشعور حيل حلو
خصوصا ان عرسي بعد 8 شهور
بس مدري اخاف يحسب اني جزيئه او ما استحي
واخاف انطر وما يسوي شي
شرايكم ضخو اسوي ؟
واذا ادز له مشج شقول ؟
واذا دق ع طول ارد متوهقه حدي

 

[$زوجة الغالي$]

مادري شقولج حبيبتي

بس انتي اذا تبين تكلمينه استغلي فرصه تبررين مسجج او اتصالج

نطري رمضان دزيله مسج باركيله فيه او اذا عندج مناسبه قريبه

وموفقه قلبي

 

[مذهــلــه]

مع رايي اللي قبلي استغلي مناسبة احسن

ذكرتيني بنفسي بس انحلت سالفتي الحمدلله هههههههه

 

[*ندى الورد*]

انا من رايي لاتبدين لان الرجال العربي مايحب البنت الي تبدأ ..

 

[saron el.noteya]

يبا هذا ريلج ..
سوي الي تبينه بس أستقلي الوقت انا كنت احاتي هالشي بس بعد الملجه طلعنا و بعدها طلب رقمي و الحياه حلوه

بس لازم أتعرفين شي ترى بيحاسبج ع الطلعه و الدخله والروحه و الرده و كل شي .. يعني محسوووووب عليج كل شي و الزله بيدورها عليج و بتفتحين عليج باب انا وحده كنت قايله مابي هالشي بس لما كلمته و رضيت بالأمر الواقع و الحمدلله

 

[L A T T E]

المشكلة انج ماتعرفينه عدل..

انا عندي رقم ريلي "بس ماخذته من اخوي هالمرة".. و مسيفته بموبايلي لكن مستحييل ادق عليه..

مو لاني مابي اكلمه.. بس لاني مو قدها.. ما اعرف الريال وما اضمن شنو بتكون نظرته لي

نصيحة لا تستعيلين

 

[مشتطـه]

لا


فشله ومليون فشله لا تدقين


انا 100% صرت نفسج

بس الفرق انه اخذ رقمي ودقلي رنه وقال سيفيه


وظل شهر ونص ما دق ولا دز مسج

ما بقى موضوع ماحطيته ادق والا لا

نطرت لين بدا


لان حيل فشله ماعطاج وتدقين

شبيقول عنج ماصدقت تكلم صبي


لا تدقين نصييييييييييييييييييييييييييييييييييييحه صبري

 

[الـــغـــلآ]

خوفج ما يعجبه

 

[متوترة]

لا نصيحه لاتتصلين ولا شي

اذا هو ماعطاج رقمه شلون تدقين ؟

بتقولين اخذت رقمك من ابوي؟

فششششششششششششششله

كل تاخيره في خيره


وموفقه حبيبتي انااااااااااااااااااااااا مملكه ولافكرت اكلمه ولا حتى اخذ رقمه من ابوي .

 

[الهاشمية تامي]

لاااااااااا إنتبهي
خليه هو يبدي ،، يازين الثقل ^ــ^

 

[+بسبوسة+]

استغلي اي مناسبة ودزي مسج

اخته ولدت......حمدالله على سلامة اختك

جتله ترقية.....مبروك

واذا كلش كلش مافي مناسبة

دزيله مسج........

الله يوفقك ويسعدك ويسخرلك من حولك

وبس

 

[bent_albader]

نو نو نو لا تدقييييييييييييين ولا تفكرين مجرد تفكير

انج تدقين انا صارلي سنه من ملجت ولا دق علي ولا فكرت اخذ رقمه

لان هالشغلات ان ماجت منه مو حلوه تجي منج صدقيني باجر

يمسكها عليج وعباله انج ميته عليه وخفيفه ..!

انتي سئلي نفسج ليش انتي تدقين اذا اهو مافكر يدق

لووووووووول اطبق حركاتي عليج

 

[كتكات احمر]

ثقلي شفيج ؟؟

مردج بتتزوجينه وبتشبعين من ويهه ولما تتخانقون بالتليفون تقولين ياليت الي جرى ماكان

ههههههههههههههههههههههه

 

[كويتية-عسل]

اناا راايي من راي البناااات نطري مناسبة وطرشيله مسج احسن شي

 

[:: Diva ::]

رمضان ياي
باركي له الشهر


زوجج حلالج
مو رفيج و لا عشيق علشان تخافين
!!


شرع الله

 

[Blonde B]

مشكوووربن بنات
بس اللي يقولرن ليش هو ما دق
لان ما عنده رقمي وما عند احد من اهله لا خواته ولا امه رقمي
لان رقمي جديد شريته شهر ١١ وما عطيته كل اهلي لان في ناس مزعجين ما ابيهم
فيعني هو ما يقدر ياخذ رقمي ممهما حاول الا بطريقه وحده ياخذه من ابوي او اخوي
بس صعبه حيل وفشله انا اقدر بسهوله اهذ رقمه فيمكن هو ينطرني ابدا
صح والا شنو ؟

 

[غنآآآتي]

لا تستعجلين من صجج خلي هو يبادر مو انتي !!
انتي ماتعرفينه زين للحين وبتبادرين لالالالا !!
اثقلي يا بنت

 

[غنآآآتي]

مشكوووربن بنات
بس اللي يقولرن ليش هو ما دق
لان ما عنده رقمي وما عند احد من اهله لا خواته ولا امه رقمي
لان رقمي جديد شريته شهر ١١ وما عطيته كل اهلي لان في ناس مزعجين ما ابيهم
فيعني هو ما يقدر ياخذ رقمي ممهما حاول الا بطريقه وحده ياخذه من ابوي او اخوي
بس صعبه حيل وفشله انا اقدر بسهوله اهذ رقمه فيمكن هو ينطرني ابدا
صح والا شنو ؟

لا يا قلبي لو يبي يكلمج اكيد بيقول لاخته ابي رقمها وهني اخته بتجيب رقمج من امج او خواتج مو شرط بياخذه من اخوانج بس نصيحه انطري شوي اذا هو مابادر لا تبادرين خلي الشي يجي منه احسن وانتي بكيفج :eh_s(17):​