ابي اكفل يتيم

[دونا الشهري]

السلام عليكم ورحمة الله وبركاته
بصرحة ما ادري ايش اقول بس ابي احد يسمعني انا بصرحة متزوجه صارلي سنه وخمسه الشهور
وكتشفت بعد الزواج انه مايجيب عيال عقيم
واخاف من الطلاق مابي اتطلق وجلست افكر اني اكفل يتيم وماقلت للي احد وحبيت احد ينصحني اذا عندكم نصيحه لي اتمنى ماتبخلون علي والله محتاره ما ادري اش اسوي
اختكم.... دونا الشهري

 

[منو انت]

ليش خايفه من الطلاق ؟؟؟

اذكري اسبابج علشان تحصلين اجابه


هل تحبينه
هل خايفه اهلج يرفضون
هل خايفه ان ماتحصلج فرصه زواج ثاني

 

[داناتا]

اذ انتي مرتاحه معاه قعدي وقوليله عن اللي بخاطرج تراا لج اجر اذ تبنيتي وتفاهمو مع بعض تراااا الوحده اهم شي عليها راحتها. (عسي ان تكرهوا شي وهو خير لكم )

 

[ليه الجفآ]

صارحيه ..

اذا متمسكه فيه قولي له ..

متمسكه فيك وراضيه كل االرضى فيك وبقدري ...

وقولي له نتبنى يتيم يونسنا بدنيا واجر فيه عظيم .. وان شاءالله يكون لكم من الصالحين

توكلي على الله​

 

[دونا الشهري]

بسم الله الرحمن الرحيم

اشكر كل من سمعني وكل من عطاني الراي

مو مساله اني متمسكه فيه بس المشكله

ما ابي اكون مطلقه واخاف مايصير للي فرصة زواج وبعدين هو مافهم ابوي قبل الزواج انه عقيم قاله ما اجيب عيال

وابوي يحسب انه مو عقيم يعني في امكانيه يتعالج المهم انا بعد الزواج عرفت انه عقيم وما ابي ارجع عند اهلي ما ابيهم يحسون

اني مو مرتاحه وخاصه ابوي كوني اول وحده تتزوج من خواتي

وانا الحين بحاله تعب ومهمومه ماني

عارفه اش اسوي

 

[manoooram]

بسم الله الرحمن الرحيم

اشكر كل من سمعني وكل من عطاني الراي

مو مساله اني متمسكه فيه بس المشكله

ما ابي اكون مطلقه واخاف مايصير للي فرصة زواج وبعدين هو مافهم ابوي قبل الزواج انه عقيم قاله ما اجيب عيال

وابوي يحسب انه مو عقيم يعني في امكانيه يتعالج المهم انا بعد الزواج عرفت انه عقيم وما ابي ارجع عند اهلي ما ابيهم يحسون

اني مو مرتاحه وخاصه ابوي كوني اول وحده تتزوج من خواتي

وانا الحين بحاله تعب ومهمومه ماني

عارفه اش اسوي

حبيبتي الغاليه نصيحه لوجه الله
انتي بنفسج تقولين ان مو مسألة متعلقه فيه بس المشكله مابي اكون مطلقه صح ؟؟
هذا قرار صعب يبيله تفكير عميق بحياتج وتضحين ، هل عندج الاستعداد ان تتنازلين عن صفة الأمومه ؟؟
الحين تقولين مو مشكله ابي اتبنى واحتسبيه اجر من الله ولاقدر الله اذا رفض هالفكره ؟! وبعدين ؟؟
اذا كنتي تحبينه من كل قلبج وعندج استعداد ان تعيشين بدون امومه وتنسين هالموضوع
هني قولي ما ابي اتطلق منه وبس
بس اذا شايفه نفسج ما راح تستحملين هالشغله تفاهمي معاه
والقرار قرارج بالنهايه
والله يوفقج ان شالله

 

[حجيه هيونه]

استخيري
وشوفي

احنا مانقدر نقولج روحي او قعدي ونشيل ذنب
وترا اذا انتي الحين بتضحين عشان الناس ماتزعل ولا تقول مطلقه ترا باجر محد بينفعج لي كبرتي وماعنددك ولد يشيلج

 

[ديمــــــــــه]

قريت مشكلتك وانقهرت حبيبتي ليه هالسلبيه هذي حياتك انتي بس الرجل لو كان العكس واكتشف انه انتي العقيم ياتزوج عليك ياطلقك ليه دايم المره هي اللي تضحي
شوفي الشي اللي انتي تبينه وقرريه بدون تراجع ابوك بييلك السعاده ولو قعدتي وتكلمتي معاه بهدوء وقلتيله عن السالفه مابيرضاها لك ابد
بعدين ليه الغش ليه ماقال لكم انه مايجيب عيال والله حرام
انا مابي اقتعك بشي انتي ماتبينه بس انتي واضح انك ميته عالامومه وحارمه نفسك من شي الله اعطاك الحق فيه انك تدورينه بمكان ثاني
بس اذا انتي حابه زوجك وحابه الحياه معاه انا اقولك تمسكي فيه واكسبي الاجر وحاولي تقنعينه بفكرة التبني
اسأل الله العلي العظيم رب العرش العظيم ان يشرح لك صدرك ويختار لك الخير يارب

 

[PuPa^^SWeeT]

الاستخارة كنز و نعمة من نعم الله اللي مو حاسين فيها


استخيري و ربي ينور لج طريجج



وفوضي امرج لله


وشوفي اللي تبينه

على فكرة مو عيب الطلاق ولا عيب اتبنين

المشكلة اذا اخترتي طريج وبعدين ندمتي عليه



تخيري و استخيري

 

[دونا الشهري]

بسم الله الرحمن الرحيم
مشكورين حبايب على تفاعلكم معاي حسيت انو في احد يفهمني ويتجاوب معاي ..
وان شاء الله استخير وان شاء الله خير يارب
مشكورين مره ثانيه.

 

[غـ فهد ـلا]

الله يكون بعونج

 

[صادقة بكلمتي]

ماقصروا البنات الله يكون في عونج ويرزقج الخير من حيث لا تحتسبين ويعوضج خير حبيبتي

 

[نوني البطه]

الله يكون بعونج