ابي اقوي شخصيه بنتي

[الراقيه 81]

السلام عليكم
اشلونكم بنات ومبارك عليكم الشهر
بنات انا بنتي البجر احسها ضايعه لاني اعطي اللي اصغر منها حقها لانها الصغيره واعطي الكبيره حقها بس مو مثل الصغيره يعني اذا بجت الصغيره اقول للكبيره عطيها اللي بيدج وانا جني اكسر شخصيتها مع اني ما افرق بينهم بالحب بس خايفه تكون شخصيتها ضعيفه شنو اسوي عشان احلي شخصيتها قويه
ومشكورين

​

 

[عآليه]

رد : ابي اقوي شخصيه بنتي

انتي لازم تعدلين بين الأثنين ..
علشآن مايكرهونج .. وبعدين اذا اثنينهم تهاشو حرميهم الأثنين او تعطيهم الأثنين .. يعني تعدلين من بينهم

 

[فنااااتج]

رد : ابي اقوي شخصيه بنتي

أختي خلي بنتج تعتمد علي نفسها بكل شئ

وأنتي شجعيها يعني أذا عند مطعم خليها أهي الي تقول الأوردر

شجعيها ولا تكسيرين فيها حرام وعسي ربي يبلغج فيهم

 

[الراقيه 81]

ما قصرتوا على الردود انا اعدل بينهم بي اخاف ما تكون عندها شخصيه

 

[حجيه هيونه]

خلاص لاتجبرينها تعطي غصب عنها

خليها تتعود تسوي هالشي لانه هذي صغيره واهي تحبها

مو عشان ما تكسرين الشخصيه

عشان اهي ماتحقد على اختها لما تكبر

 

[Miss Cherry]

مادري جم اعمار بناتج ؟

بس مافيها شي تعلمين الكبيره تحن على اختها صغيره ماتكسرين شخصيتها جذي بالعكس

يعني مثل الموقف اللي قلتيه اذا تهاوشوا على لعبة تقولين لبنتج الكبيرة حبيبتي هذي اختج الصغيره بيبي خليها تلعب انتي كبيره تعالي ساعديني بالمطبخ ولا تعالي نلعب انا وياج

عودي الكبيرة تعطف على اختها وتعطيها

 

[LuLiTa]

حبووبة لما يصير بينهم هوااش عدلي بينهم ,,, اذا تهاوشوو على لعبة و قلتي حق الكبيرة عطي اللعبة حق اختج لانها صغيرة اهي ما رااح تستوعب السبب ,,,راح تفهم انج اتحبين الصغيرة و اتفضلينها اكثر منها ,,, فيا تراضينهم مع بعض و لا تحرمينهم مه بعض,,

و عشاان تقوى شخصيتها علميها شلوون تعتمد على روحها و تتخذ قراراتها بنفسه عشاان يقوي احساسها بذاتها و احترامها حق نفسها ,,,,لي رحتو مطعم اهي تطلب حق روحها,,,و انتي رايحة الفرع عطيها ربع دينار تشتري شي حق روحها و اتحاسب حق عمرها ,,لما تطلعوون خليها اتنقي بدلتها ,,,

و هم بعد عوديها تختلط بااللي بعمرها و انتي خلج شوي بعيدة عنها ,,,,و خليها اتسوي انشطة مع اختها يمشطوون بعض و يلعبوون مع بعض ,,,

 

[MoonDiamond]

موقايله جم عمرها الحلوه

نطري عليها وراقبيها
وشجعيها على الاشياء الزينه اللي تسويها
كافئيها
حاجيها على انها كبيره وتفهم
والله يخليلج بناتج ويطرح فيهم البركه

 

[جوكليته17]

رد : ابي اقوي شخصيه بنتي

لخوات ماقصرو اختي لا تفرقين بينهم ترى لنفس تشيل وكلهم بناتج بلنهايه اعطيهم ثنتينهم وله احرمهم ثنتينهم

وتقبلي مروري

 

[Um Rashed]

نصاائح حلووه ... تسلموون

 

[يازمان العجايب]

انا مثلج والحين الكبيره كله ماكول حقها
حتى بالمدرسة
وايد ندمانه بس تدرين البجر دايم التجارب فيها

 

[( المـلاك )]

عدلي بينهم كلهم
ولا ترى بعدين يصير بينهم وبين بعض كراهيه

بس انتي دايما قعدي معاها عقب المواقف هذي
قوليلها انتي حبيبتي انتي بنتي العوده انتي بنت امج
انتي الكبيرة اللي ما تاذين اخوانج
وانتي اكبر منهم ولازم تسوين جذي
وانا اعطيج شي احسن منه لانج الكبيرة
و بينيلها قدرها الكبير
وشنو دورها لانها العوده

 

[محبوبه25]

رد : ابي اقوي شخصيه بنتي

السلام عليكم
اشلونكم بنات ومبارك عليكم الشهر
بنات انا بنتي البجر احسها ضايعه لاني اعطي اللي اصغر منها حقها لانها الصغيره واعطي الكبيره حقها بس مو مثل الصغيره يعني اذا بجت الصغيره اقول للكبيره عطيها اللي بيدج وانا جني اكسر شخصيتها مع اني ما افرق بينهم بالحب بس خايفه تكون شخصيتها ضعيفه شنو اسوي عشان احلي شخصيتها قويه
ومشكورين

​

حراام تاخذين من الكبيره وتعطين الصغيره ديري بالج

بااجر يصير كره بين اعيالج سبب هالشي

 

[الراقيه 81]

الله يجزاكم خيييييييييييير والله نصايحكم حلو بطبقها معا بنوتاتي
اللي يسالون عن العمر الكبيره 6 وخمس شهور والصغيره 3 بالضبط

 

[farawlaa1]

رد : ابي اقوي شخصيه بنتي

نفس مشكلتي العويصة و نفس عمر بناتي و كل يوم اتصير فيني هالموقف يتهاوشون على شي و اخر شي الصغيرة تاخذه لاني ما اعرف اتفاهم مع الصغيرة احسها ما تفهم اقولها اعطيج شي ثاني بس الكبيرة ممكن تتنازل بس احسها صج ما تعرف تعتمد على روحها حتى ملابسها اتناديني انا اطلع لها من الكبت

 

[Om Khaloody]

رد : ابي اقوي شخصيه بنتي


عززي ثقتهااااا بنفسهاااا