مادري اذا كانوا اقوى شي بس انا جربت صالونين والحمدالله شغلهم كان اوكي صالون اورينتال برينسس بالسالميه عند فلبينيه اسمها بينا والحمدالله ضبطتلي شعري بعد ماخربته وحده في لامود اليرموك الله يسامحها عيزت وانا اطول لي جريب نص الظهر والحلوه تعالي قصيه لي الجتف والله دمعت يومها بس من القهر انربط لساني خفت اذبحها وجان زين عدل لا والله صوب طويل وصوب قصير وصوب منتف .. جني قلت قصة حياتي بس تذكرتها وانقهرت مره ثانيه
المهم نرجع لموضوعنا في صالون ثاني اسمه قلوس بالجابريه عند مغربيه اسمها خديجه ماشاءالله تبارك الرحمن وحده فاهمه وتراعي بالقص انها ماتاكل الشعر يعني حده حده المخترب وتنصح كنت بفتح شعري ومارضت تقول الي تبينه بيخرب شعرج وانا ممكن اقولج الاوان الي تبينها بس ماسويلج حسيتها مراعيه الزبونه مو مثل غيرها بس المهم شكثر يطلعون فلوس واهم شي ماشاءالله على قولتهم ايدها خضرة بسرعه طال شعري ماوقف
الملخص:
صالون برينسس اورينتال او اورينتال برينسس (ماكو فرق) السالميه عند بينا
صالون قلوس الجابرية عند خديجة
ومره ثانيه سوري عالطواله بس جد الشعر يبيله الي يفهمله والا احنا عادي ندمره بثانيه
