ابي اقرب نادي صحي حق منطقة عبدالله المبارك

[ورد الصبا]

مرحبا حبيبات قلبي
ودي اشترك بنادي صحي بس بصراحه ابي شي راقي ونظيف وابي نادي قريب مني لانه الشوارع عندنا مزدحمه وابي قريب من منطقة عبدالله المبارك

انا كنت من فترة مشتركة بنادي كراون ببلازا اللي بالفروانية بصراحه بصراحه ماعجبني النادي المخصص للحريم يعني
النادي الدور الارضي والسرداب الاول وايد حلو وشرح واجهزة منظمة وكثيره بس مختلط وحاطين حق الحريم تحت
بالسرداب الثاني بس بصراحه حده لوووووعه جنه محكر حمام ماجنه بفندق ولون اخضر يسد النفس والاجهزة يم بعض حيل
والمشكلة بالمشتركات كله روسيات وفلبن وعادي تتمشى بدون ستيان والا لما تبي تبدل عادي تتفصخ جدامك والا مايوه
بكيني علشان الجاكوزي لين لاعت جبدي فوقفت وقعدت اودي بس عيالي الصغار يستانسون في حمام السباحه مال الفندق

فبليز اللحين ودي اشترك مرة ثانية بس ابي نادي بس راقي ونظيف والمدربات فيه يدربون بذمه



وشكرااااااااااااااا​

 

[تاجي الفضيلة]

والله ما ادري ما جربتي رمادا ؟؟

 

[laylaas]

والله مالج الا نادي الهلال الاحمر الي بالصليبيخات وموكل يوم ترى
بس 3 ايام بالاسبوع مدرباااتهم يتعبوووون تعب مو طبيعي والنادي اسلامي
وعندج نادي بخيطان اسمه الرشاقة على ما اعتقد اختي مشتركة فيه تمدحه
انا ما عرفه والله والا جان سويتلج تقرير فيه

 

[ورد الصبا]

بعد قلبي ماقصرتوا
نادي رمادا وين ؟
والصليبخات بعيده عني والله ماتتخيلين الزحمة عشان اوصل الخطوط السريعه

 

[اخوي كشخه وكيوت]

حبيبتي نادي رمادا موحلو المدخل لنادي والفندق واحد وكله رجاجيل
واحرج من داخل موحلو ماادري شلون صار تقول رفيجتي انه مشبوه
الرشاقه اللي بخيطان كنت مشتركه فيه حلو بس الديكورات موشي
بس حلو ونظيف كله

 

[ورد الصبا]

ماقصرتي يالغالية ماكو الا اسوي انا رياضتي بالبيت احسن