ابي افهم اشياء حق الجامعه .. منو يساعدني؟

[Chocolate Milk]

قووه بنات شلونكم

انا خريجة وانشالله اتخرج بنسبة زينه

انا ادبي

محتاره بين الحقوق والعلوم اداريه

ابي تقولون لي هذي شنو تخصصاتها و هذي شنو ؟؟

ويعني اذا تخرجت هذي وين اشتغل و هذي وين ؟

جذي ابيكم توضحونلي قد ماتقدرون عشان اعرف وين ادخل

ومشكوريين

 

[لـ LoOola ـولا]

الله يوفقج ان شاء الله يارب
اول شي قبل ما اوضح شي حبيت اذكرج بالاستخاره
اذا استخرتي ان شاء الله ربي يخليج تختارين الاحسن لج بدون ماتحتارين وترتاحين للمكان
والله يسهل امرج ياقلبي


حبيبتي العلوم الاداريه تخصصاتها:
1- التحليل الكمي في الإداره
2- التمويل والمنشآت الماليه
3- الاقتصاد
4- نظم المعلومات الإداريه
5- المحاسبه
6- الإداره
7- التسويق

يعني تقريبا كلها بزنس (بالإداره)

أما الحقوق تميل للناحيه القضائيه والقانونيه
تصيرين محاميه يعني
ويتفرع من الحقوق عدة تخصصات تتشعبين فيها اكثر
يعني مثلا تصيرين محامية احوال شخصيه وميراث
محامية عقود مدنيه
القانون التجاري
قانون اداري
قانون جزائي
قضاء دستوري
ادله جنائيه
تحقيق
التحكيم


بالحقوق مو متأكده من اسامي التخصصات بس تقريبي اللي كتبتهم
واذا تبين تعرفين اكثر حياتي روحي الكليات نفسهم ومن التوجيه والارشاد طلبي دليل الطالب

في دليل طالب خاص بكل الكليات بشكل مختصر وهذا بشويخ
وفي دليل طالب لكل كليه بروح
بمواد الكليه اللي تاخذينه من عندهم بس
وراح يفيدونج وايد


الله يوفقج ان شاء الله وللاعلى دايم

 

[قدساوية 99]

حبيبتي الحقوق ماكو تخصصات 4 سنوات نظام سنوي يعني المادة معاج طوول السنه اذا تحبين هالمجال استخيري وتوكلي على الله

 

[أم حمد =)]

بالتوفيق

 

[eva beach]

شوفي حبيبتي الحقوق مافيها تخصصات .. تدرسين كل افرع القانون سواء خاص او عام

ونظامنا سنوي .. يعني الماده تدرسينها طول السنه .. واخر السنه في امتحان فاينل بكل الي خذيتيه .. طبعا غير المدتيرمات الي تمتحنينها

طول السنه

اماكن التوظيف واااااااااااااااايد

عندج الشئون القانونيه لكل الوزارات

الفتوى والتشريع - التحقيقات - ديوان المحاسبه - البنك المركزي (كلهم يبيلهم واسطات ومو اي احد يشتغل فيهم)

بنك التسليف والادخار

تشتغلين بالعمل الحر كمحاميه

التامينات الاجتماعيه

اممممم مادري كل مكان تقريبا .. لان مافي اي جهه مافيها شئون قانونيه بس كل شي يبيله وااااااااااااااسطه

وحياج بتجمع طالبات الحقوق .. عشان تتعرفين على الكليه اكثر .. وعلى طبيعه الدراسه

موفقه حبيبتي