ابي افطم ولدي عن الرضاعه الطبيعه

[ريان الكويت]

السلام عليكم
اشلونكم بنات
الكتاب باين من عنوانه ابي افطم ولدى ماني قادره يبجي ويحن ويكسر الخاطر وهو بيدخل سنتين ابي افطمه قبلها
منو جربت طريقه وفادة معاها الله يجزاها خير تفيدني

 

[asOola_21]

اي والله بنات اعاني من نفس المشكله بس انا بنتي عمرها سنه

الله يعينج حبيبتي وانشالله البنات يفيدوناا

 

[الأم الصغيره]

نفس مشكلتي مع بنتي ياريت احد يفيدنا,,,,,,,,,,, بس انا بنتي ماتشرب حليب فصرت اعبي لها بطنها بل ماتنام عصير علشان ماترضع من صدري

 

[*كويتيه يونيك*]

هلا انه فطمت ولدي الحمدلله يوم كمل سنتين..
وكنت حددي احاتي أم ريلي قالتلي حطي بلاستر جروح على حلمتج وكل ماحن يبي يرضع أوريه وأقوله دودو يوخر منه ومن نفسه وكلها اسبوع بالكثير الا اهوه مفطوم.....

 

[ريان الكويت]

بنات امس جربت اني احط مره هههههههههه مسكين ولدي كسر خاطري لاعت جبده وانحاش جان اقوله تعال ماتبي حليب
ويرد يجرب وتلوع جبده جان ياخذ المميه ويشربها وهو يطالعني بحقد خخخخخخخخخ وقام يلعب برموشه لمن نام
لكن بس قعد الصبح رد حق الحنه والبيجي وعادي عنده المره


شسوي

بطبق كلام خالتج يمكن تنفع مع هالولد العنيد
الله يحفظه

 

[*ماي الورد*]

حاولي تعوضينه عنه بالاكل هذا اولا
ثانيا ترا بالعمر هذا ما يشبعه يستعمله مثل لهاية
جربي دوا مر تلقينه بالصيدلية يحطونه حق اللي يمصون اصابعهم و اهو مايضر
او حاولي تسافرين عنه

 

[الفرسان الثلاثة]

ذكرتوني بمعاناتي ع ولدي لما فطمته طبعا جربت كل الطرق اللي تكلمتوا عنها بما فيها شي تشترونه من العطار اسمه صبره طعمه مر حيييييييييييل بس ما نفع مع ولدي اخر شي بعد محاولات و محاولات قدرت أفطمه بطريقه اتضحك إني قمت ألبس ثوب الصلاة الطويل ما يبين فيني شي و ممنوع انه يقرب كان يشوفني و يبجي يومين او ثلاثة واستسلم و بعدها حدني ارتحت لان كان متعبني حيييييييل

 

[عمة الزين]

واااااااااااااااااي حرام عليكم هههههههههههههههههههههه يكسرون الخاطر اليهال الله يعينكم والله ماعندي فكره انشالله البنات يفيدونكم اللي عندهم خبره

 

[aqela3]

انا ولدي جربت معاه كل الطرق حطيت دوا ازرق مانفع قام يشرب عادي حطيت مره لاعت جبده شوي بعدين صار عنده عادي قمت ابجي اقوله يعور قام يطقني زياده وماكو فايده وقمت اجهز المميه من الليل واحطها عندي ولما يقوم اعطيه المميه ياخذها مني ويحذفها لى اخر الغرفه

واخيرا جربت الدقوس الحار مهاه وصج قام يوخر بس انا ماتحملت لانه لما احطه احترق انا من الحراره واقوم اغسله وللحين مو عارفه الطريقه اللي افطمه من الرضاعه الطبيعيه

 

[touly]

انزين شلون اخليه يرضع لمده سنتين ماشاء الله عليكم
انا للحين 3 اشهر واحس عمري خلص الحليب

 

[دوت نت]

انا ولدي جربت معاه كل الطرق حطيت دوا ازرق مانفع قام يشرب عادي حطيت مره لاعت جبده شوي بعدين صار عنده عادي قمت ابجي اقوله يعور قام يطقني زياده وماكو فايده وقمت اجهز المميه من الليل واحطها عندي ولما يقوم اعطيه المميه ياخذها مني ويحذفها لى اخر الغرفه

واخيرا جربت الدقوس الحار مهاه وصج قام يوخر بس انا ماتحملت لانه لما احطه احترق انا من الحراره واقوم اغسله وللحين مو عارفه الطريقه اللي افطمه من الرضاعه الطبيعيه

حراااام كسر خاطري

 

[أشبـاهـ المطـر]

لوووووووووووووول طرقكم تضحك بنات نصيحه لاتفطمونهم وتسافرون لان ياهل يمرض جذي ولد خالي تنوم بالمستشفى اشتهى على صدر امه وصارت عيونه حول جد الله لايبالكم وخالتي راحت حج وبنتها مو مفطوومه ماتنام الليل حاشها جفاف ماتاكل ولاتشرب شي من كثر ماهي حزينه على امها

 

[رضاهم جنه]

جيبي حمره حمراء وحطيها بصدرك وقولي اح يعورني دم او حطي عليها عنزروت

 

[aqela3]

انزين شلون اخليه يرضع لمده سنتين ماشاء الله عليكم
انا للحين 3 اشهر واحس عمري خلص الحليب

اختي اذا ناويه ترضعينه رضاعه لمدة 2 لازم كلش ماتعطينه الرضاعة الصناعيه واذاكنتي تداومين ولا تدرسين اشتري الشفاط الكهربائي وشفطي جم رضعة واول ماترجعين لا تستخدمين المميه على طول رضعيه من صدرج علشان لا يتعود على المميه جربي هالطريقه وادعيلي

 

[@الياسمين@]

انا بعد احاتي شلون افطم بنتي ، عمرها سنه و3 شهور ... واللي يحرني انها للحين تفز من نومها بالليل تبي الصدر ... انتوا جذي بعد؟؟؟؟
بس طرق الفطام احسها صعبه اجرام حرام يكسر الخاطر الياهل ..

 

[بدويه حضريه]

ويييه انتم ترضعون طبيعي ل2 انا كل عيالي افطمهم من الطبيعي قبل ما اطلع من النفاس ماكو شغل ل2 عطيه مميه وارتاحي لاني مااقدر عالطبيعي فيني نقص كالسيوم

 

[ام غلا اخت سعود]

حطي على الحلمه بلاستر مال الجروح وقوليله اح<<يفهم انه يعور او مجروح

او حطي معجون اسنان....

 

[لحظة غروب]

ومنكم نستفيد الله ياجركم

 

[الحبوب]

انا بنتي عمرها سنه وخمسه شهور ايصير افطمها على فكره ترى ماترضع المميه

 

[نور-الكويت]

انا ولدي بيصير 7 شهور وقت الحج وودي اروح الحج تتوقعون راح ينفطم ؟؟