ابي افضل حضانه ..

[ملح الكون]

السلام عليكم ..

كنت ادور حضانه حق بنتي واحترت في موضوع مثبت وقديم ولاغلب يسالون)؛
نبي نسوي مرجع بس بشرط يكون مجرب الحضانه مو سامع احد مادحها ..
كل اللي يدش مسجل اعياله بحضانه وزينه يكتب اسمها وجم رسومها

بليييز لا تبخلوون علينا

 

[A boss]

حبيبتي قوليلي العمر و مكان وظيفتج و مكان دوامج

 

[ملح الكون]

اشدعوه 68 ولا رد !!
محد مسجل عياله بحضانه!!

بنتي عمرها سنتين وشهرين وانا بسعد العبدالله

نبي نسوي مرجع لكل مناطق الكويت بليز بنات نبي تفاعل ..

 

[ملح الكون]

!!!!!!!!!!!!

 

[Omyousef_81]

حبيبتي aboss سألتج عن افصل حضانه لولدي برساله خاصه مادري اذا وصلت ولا ماوصلت انا كلش حدي محتاره ابي حضانه ممتازه وتهتم بالطفل وتاسيس الكي جي ١ انا مو هامني الماده ابي يتأسس حاليا صار اجتماعي وفرق من ناحيه الكلام وايد يسولف بس مو فاهمه شي بس للحين مايعرف الالوان بالانجليزي اهو الحين عمره سنتين وشهرين وانا من دخلته من شهر ٩ العام حضانه ريببورن بس ما يهتمون فيه وحاليا وايد متنرفزه منهم لانه رجعلي بامبرزه مو متغير طول اليوم وتبرر الناني بالغلط نسته حاليا مابي بمكل معاهم لي اخر الكورس ودي الحين اغيرها ياريت تشوفين الترشيحات وترشحين لي اي حضانه افضل انا ساكنه بالقصور و دوامي الخالديه بانتظار ردج حبيبتي

 

[ملح الكون]

ننطر جواب من البنات !!
ياليت اتجاوبون هني مو برسايل عشان الكل يستفيد

 

[om 7amoodi]

أنا ولدي بحضانة مرتقى بمنطقة الروضة
ممتازة وولدي وايد يحب حضانته قام يتكلم و يغني بالعربي والانجليزي ويحفظونهم قرآن أنا دخلته من الصيف اللي طاف كان عمره سنه و 10 شهور كان حتى ماما ما يقول يناديني بابا والحين سنتين ونص ما شاء الله كل شي يقوله و يسولف بكل شي و ليلحين معاهم و ما افكر اغير عندهم لما KG1 و الحضانه نظامها امريكي بس فيها عربي و قرآن اهي حق الاستاذة بثينة الابراهيم زوجة الدكتور طارق السويدان المدرسات خليط اجانب و عرب بس حتى المدرسات العربيات يكلمونج انجليزي ولا كلمة عربي ماعدا مدرسه العربي والدين واللي بالريسبشن رسومهم اعتقد 1350 بالسنه على دفعات وعندهم منهج و خطه حق كل مرحله وفي رحلات وانشطه وايد
انا كنت مفكره اسجله كورس وبعدين ادور لي شي يمي لان وقتها كله موقفين التسجيل فل فسجلته بمرتقى بس الحين بخليه واتحمل الطريج لانه وايد يحب حضانته لما اقول له بنروح سكوول جنه اقول له بنروح الالعاب :ggdw: بالبدايه طبعا بجي ومناحه ما كان يبي يخليني لانه حيل متعلق فيني بس انا تعبت قلت لازم حضانه ابيه يتغير والحمدالله صار اللي ابيه وتعود على حضانته بسرعه

 

[A boss]

حبيبتي مادري وين سعد العبدالله للاسف صايره يم شنو؟ و وين دوامج اي منطقه

 

[ملح الكون]

ماشاء الله ام حمود الله يخلي لج وتشوفينه معرس ان شاء الله

اهل الروضه >>>حضانه مجربه وزينه ..

 

[ملح الكون]

aboss

حبيبتي ماتعرفين وين سعد العبدالله يم الجهراء واذا تعرفين حضانات زينه كتبي اذا مافدتيني تفيدين غيري ..

 

[Q6RYA]

أم حمودي الله يبلغ بولدج يارب. شكثر خذله ولدج على ماوقف بجي وتأقلم؟

ملح الكون اسمحيلي ماقدر افيدج انا من قطر مو الكويت

 

[om 7amoodi]

Q6rya تقريبا اول شهر كل ما يشوف الحضانه يبجي بس كانوا يصورونه و يدزون لي صوره يلعب و يترقص مستانس بس لا شافني يتشره و يبجي بس قالولي عادي مع الوقت يتغير لانه صغير و فعلا الحين وايد فرق و الكل ملاحظ قام ينزل من السياره و يسحب جنطته و يدخل بروحه حبيبي

 

[mafio98]

حضانة الرسالة ممتازه فرع السلام ؛)

 

[ملح الكون]

اهل السلام هذي حضانه زينه

مشكوره حبيبتي ..

 

[ملح الكون]

حبيبتي بنت قطر اهم شي استفدتي من موضوع مشكوره ع التفاعل ..

 

[Aloe Vera]

انصحج اذا بتدخلين ولدج مدرسة خاصة و عمره قريب ال٣ دخليه حضانه المدرسه نفسها جذي تضمنين دخوله الروضة بدون اختبار قبول اللي ساعات يكون صعب
و انا جربت حضانه لتل ستبس اللي اهي الخطوات الصغيرة في مشرف كانو زينين و بنتي الكبيرة حبتهم و تعلمت منهم وايد اشياء و سعرهم بحدود ال٩٠ او ١٠٠ بس حضانه بلوكس هم في مشرف الشكل واو نظافه و ترتيب و ديكورات حلوة من داخل شكلها يفتح النفس بس تجربتي معاهم سيئة و سعرهم تقريباً ١٤٠ بنتي الثانية كله مو مغيرين حفاظتها معنها متعلمه عالحمام خربوها و كله حفلات و اغاني اجنبية من صباح الله خير بدل مايعلمون الياهل اذكار الصباح و الاشياء المفيدة هذا غير ان بنتي قعدت معاهم سنه تقريباً ماتعلمت شي ولا حبتهم معنها جريئة و اجتماعية و كان عندهم ابله اجنبية عصبية حرام خرعت اليهال بعدين دخلتها حضانه تبع المدرسه الخاصة اللي انا حابة اكمل معاهم

 

[أم حسوون]

السلام عليكم ، أنا مع أنج تدخلين عيالج الحضانه من تردين لدوامج ، وهني لازم تهتمين بأن الحضانه تكون مجربة وزينه أنا جربت حضانة المجد بالرقه وسمارت كير بفهد الاحمد كلهم زينين وثقه ، بس لما يتم الطفل ٤ سنوات ويدخل الروضه يفضل تسجلينه بالروضه التابعة للمدرسه الخاصة اللي تبينها وأنا مع الأخت الوي فيرا بهالنقطة .

 

[ملح الكون]

مشكورين ع التفاعل فديتكم ..

 

[جوري_]

ابي حضانة بجنوب السره ((
ابي اهتمام ونظافه اهم شييييي

 

[noo7a]

انا ولدي بحضانه بروي ستار
بعبدالله مبارك قطعه 2
وايد مرتاحه معاهم الحمدلله
صاحبه الحضانه كويتيه و طول الدوام موجوده داخل الحضانه تتابع اليهال
و المدرسات ماشالله وايد الي ماسكين اليهال

حتى صديقتي دخلت بنتها و شكت بشغله بالحضانه راحت لهم و فتحو لها الفيديو بدون تردد وروها يوم البنت كامل مسجل
يستقبلون اليهال من عمر 6 اشهر اعتقد لي الروضه

و رسوم الاشتراك 75 بالشهر
غير الفتح ملف الي اول مره تدفعينه ماذكر جم كان
و الوجبات مالت الطفل انتي تودينها