ابي افضفض

[fatma A]

انا اول مره بحياتي افكر اسافر وكان ودي من زمان اركب الطياره

بس الظروف تمعنا انه نسافر

وبعدها يوم كبرنا وخواتي قامو يروحون العمره و سفر مع ابوي وامي وكان عندي دراسه ما اقدر اسافر او

عندي مياداني يعني لازم اقعد بالبيت

المهم من جم يوم امي قالت منو بيسافر معاي انا ويا خالتكم

قلت يمه انا بسافر معاج

جان الكل يطالعني انتي بتسافرين معقوله

وخواتي يقولون لي اكيد بتخافين من الطياره وبترجعين الكويت

وخالاتي يقولون لي ليش تسافرين احنا نسافر بدالج وعلى حساب امج


وبعدها والله العظيم بيوم طحت اصخونه وحرارتي مرتفعه وقمت ارجع بشكل مو طبيعي وانتو بكرامه



وقعدت بالفراش اسبوع على الحال وررحت الطبيب غزيت ابرا مالت الحراره والترجيع وقعدت يومين ورجعت لي الحراره ترتفع

وبعدها امي قالت امشي السوق في اشياء ناقصتنا حق السفر


والله يابنات ما جذب عليكم بغيت اشوف الموت بعيوني بس الله ستر


السياره البريك مالها خربان واحنا نمشي شلون ما ادري انا خفت وقلت يمه مو معقوله جان تنطفي


بروحها السياره امي لفت على حاره الامان وحاولت تسكر السياره وجان تنطفى بروحها مع انه السياره

توها يديده ما صارلها 3 شهور


يوم امي قالت حق خالتي الي بنسافر معاها اني تعبانه


جان يتصلون خلاتي يقولون لي مدامها تعبانه احنا نروح بدالها على حسابج

ويتصلون بنات خالي مدامها تعبانه ما تقدر تسافر بنسافر بدالها بنزهب اغراضنا


والله يابنات للحين فيني حراره ترتفع وتنزل بروحها


انا عمري ما حسدت احد على شي ولا قلت ياحظ فلانه ويا حظ علانه


الكل كان يسافر ولا كنت اقول ياحظهم سافروا الا انا كنت ارضى بلي عندي


يوم يت بسافر الكل حاط عينه على السفره


:eh_s(11):

 

[يستفزني غلاك]

كل شي يمكن صار صدفهه

 

[عسل سل]

مافهمت السالفه بس جنه خالاتج بلموضوع اخذي من اثرهم شربي ماي وراهم اي شي موودرييي

 

[Shinexo]

شربي من آثرهم وقولي لهم آجلت آلسفر و سآفري بسكآت :*

 

[ام الدرر]

حياتي
احسني الظن
لا تفكرين بهالطريقة ووكلي امرج لرب العالمين
عادي احنا بينا وبين خواتي وبنات خواتي نضغط بعض بنفس طريقتكم ونتحرش وننرفز بنات خواتي لاهي سالفة حسد ولا حقد
كل الناس عندها فلوس الحين
ومنو ما يسافر ياقلبي
اللي صار حبوبة قضاء ربج ماله شغل بالحسد
حصني نفسج وارقيها ما عليج شر ان شالله​

 

[dalo0oa121]

لاحول الله صج مفروض ماتخبرونهم استروا عن سفرتكم

 

[تمنيـتگ]

ييمه شنو ذي

 

[عـيّــآره]

يستفزون بصراحه

عيونهم والقبر شنو هذا

شربي من اثرهم

قسم بالله قهروني

ولاتعلمونهم عن شي ثاني مره

العين حق ​

 

[Patcholli]

قل اعوذو برب الفلق بدال لا يقولون ماتشوف شر ويتطمنون على صحتج
يقولون احنا نروح بدالها وعلى حساب امج ؟
الصراحه مايستحون
حبيبتي رقي روحج وسافري ماعليج منهم

 

[الحسن كله]

اللحين الشي اللي أهم من السفر انج تاخذين غسولهم وديربالج على نفسج ولا تنسين تحصنين نفسج والسفره معوضه يارب ..لاتروحين دام نفسهم بالسفره هذي اخاف يصير فيج شي هناك لا سمح الله ..العين حق
لاتلومينهم على الحسد ترا مو بيدهم واصابعج مو سوا عشان تقولين ماحسدتهم ليش يحسدوني نفسهم طاحت بالسفر جت غصبن عنهم واتوقع اعمارهم صغار عشان جذي دقو يبون يروحون مكانج .. المهم تحصنين نفسج ..والله يحفظج يارب

 

[Combat]

انتي اقنعتي نفسج ان هذاحسد
لوظليتي تفكرين بهالطريقة بتتعبين بحياتج

 

[نونه المنكوشه]

اخذي من اثرهم واقري الاذكار وسفرتكم وله اي شي يخصكم لاتقولولهم ولاتكلمون ابشي جدامهم الناس ماتعطي خير وع اقل شي يحسدون

 

[fatma A]

مشكورين بنات على الردود والله يابنات اول قلت عادي شي عادي مو حسد ولا شي والله العظيم انه اليوم الي بسافر فيه عيوني انتفخت ما تبين وجسمي مبقع باحمر والبقع متفوخه مثل الماي وهونت عن السفره حتى

 

[fatma A]

بنات خالي مو صغار كبار ويشتغلون

وحده 24
والثانيه 26
والثالثه 28

وكل وحده فيهم سافرت احسن الدول واروربا بعد ولا قلت شي ولا حسدتهم على شي حتى يوم السفر لمه شفت ويهي مبقع بقع حمر كبار وفيهم ماي وعيني متفوخه واتحكك وحده فيهم يوم شافتني بدال ما تقولي سلامات تقولي احسن هذي حوبتي ليش ما لغيتي السفر ورحت بدالج وليش ما هونتي

 

[مدّهره !]

إعزموهم زإخذي غسوولهم وقووولي أجلناا السفره وساافري بسكااات


لا تلاقين وحده منهم إشتهت نفسهاا السفره والعين ماتشااور ...~

 

[شــــــــــــــوقــــه]

بنات خالي مو صغار كبار ويشتغلون

وحده 24
والثانيه 26
والثالثه 28

وكل وحده فيهم سافرت احسن الدول واروربا بعد ولا قلت شي ولا حسدتهم على شي حتى يوم السفر لمه شفت ويهي مبقع بقع حمر كبار وفيهم ماي وعيني متفوخه واتحكك وحده فيهم يوم شافتني بدال ما تقولي سلامات تقولي احسن هذي حوبتي ليش ما لغيتي السفر ورحت بدالج وليش ما هونتي

اهم شي !! شهالوقاحة ؟

لا تقوليلي سكتي عنها :eh_s(14):

 

[حروف من ذهب*]

العين حق ومذكوره داومي علي الأذكار والله يشافيج حبيبتي

 

[حسناوات]

ربي يفرج كربك وكرب جميع المسلمين
​

 

[روانتي 12]

اخذي اثرهم ولا تعلمينهم لا بغيتي تسوين شي دام عيونهم ماترحم حال