السلام عليكم خواتي
موضوعي ابي افضفض بس
انا قاعدة الحين بروحي
وتوني بجيت لين فضا راسي
احس اني تعبانه
مدري شسوي
اجتمعت علي امور كثيرة
احس بوحدة واحس اني منقطعه عن كل شئ حولي
احساس غريب وهذا هو واقعي
الحمد لله انا انسانه مؤمنه وعاقله
بس بالفترة الاخيرة
صرت حساسه حيل
تعبت اقعد بغرفة القعدة اللي بصالتنا وقدامي
الباب الخارجي
والكل يطلع محد يسأل اذا تبين تطلعين توسعين صدرج بخاطرج شئ لأ
والمشكله عادي ؟؟؟
شلون عادي وانا تمر علي اشهر ما اطلع من البيت
لاني ساكته اخاف من ردة الفعل
ليش بتطلعين وانتي كل شئ عندج اهمها
طبعا الاكل ههههههه
يحسبوني ما افكر بشئ لاني ما اطلب شئ
احس بالظلم
انا ماني قوية ولا امبلتعه
ماني راعية لسان
اذا احد كلمني علي طول ابتسم لو
ان بقلبي شئ
حاولت ايه حاولت
مره وحده حاولت اني اواجه
واقول انا محتاجه اوسع صدري اطلع
اشم هواء افرح
البس اكشخ وافرح مثل كل البنات
امري مو بيدي والنتيجه طناش
ما اقدر اطلع الا لمن احد يوديني والأستأذن
لازم واجباري واغلب الوقت يكون الجواب
الرفض .. مافيه احد يوديج
احنا نظام بيتنا جذيه
معنه ما كان جذيه علي حياة ابوي الله يغفر له
مثل ما كان يعطف علينا ويوسع اصدورنا
كان عندنا السايق والسيارة تحت امرنا
واذا احتجنا اي شئ نقوله مايقول لأ
كل شئ يا نفس وشتبين
وعقب ما توفا ابوي الله يغفر له ويدخله جنات النعيم
تغير كل شئ
والغريب انا كل جماعتنا عكسنا
يطلعون مع السواق
ويطلعون لاتفه الاسباب وبدون استأذان
لو حتي لصباصه للشعر
اما احنا لأ
لأنا بنات للحين ماتزوجنا
االطلعه ممنوع لأنا بنات
السوق مره كل فتره لأنا بنات
بس احنا كبار اصغر وحده فينا عمرها ثلاثين
الله الهادي ومصلح الامور
حبيت اتكلم باللي بخاطري
ادعولنا ان الله يسخر اخوانا لنا
ويرزق خواتي قبلي وبعدين انا
بالأزواج الصالحين
أمين
ما ابي غير الدعوة الصالحه
بس
