ابي افضــــفــــض احس اني بســـجــــن

[brettey]

امبييه هذا تركه راحه بالعكس ماعليه حسافه وعووو طلعي واستانسي وعيشي حياتج طيعيني والله يعوضج خير حبيبتي
واهم شي الاستغفار والدعاء
خصصي وقت لربج وللطاعات والقران والصلاه والدعاء ووقت لج ولوناستج عيشي حياتج حبيبتي تفاءلي وقطي الي راح ورا ظهرج

 

[popa]

من صجج تتظايقين والله هذه مو كفو دمعه كفو حفله وفرحي واستانسي ما حملتي منه هالوصخ الي مايخاف ربه انتي طحتي بواحد ماقدرج ظالم اظلمج الله يرزقج ان شالله بواحد احسن منه العمر جدامج ولا يكسر مجاديفج الموضوع اعرف وايد انفصلو وتزوجو مره ثانيه مافيها شي بس اهم شي لاتتزوجين على مره لان راح تنظلمين مره ثانيه

 

[مناير ...!]

بعد عمري
ربج اذا احب عبد ابتلاه
والجزء بحجم المصيبه
عسا ربي يعوضج بااخير منه

 

[Combat]

انسيه ليش تعيدين ذكرياتج معاه
انسي شكله انسي كللل شي لاتتذكرين الماضي ولاتشيلين هم المستقبل فكري بالحاضر
تجربة فشاله ياتقويج وتصعدين عليها وترتفعين ياتكسر ظهرج وبعد ماخربت ماضيج تخرب الحاضر وتخرب المستقبل

نصيحتي الوحيدة اشغلي وقتج
اشتركي بنادي رياضي عشان اتطلعين المشاعر السلبية

 

[قطوووة]

الله يعوضج بأحسن منه

ياما بنات ناس تطلقوا من ردات الرياييل

لاتضيقين خلقج

اتحدى كل بيت كويتي مافيه مطلقة ولنفس السبب


انتي مو بروحج

والله كريم

 

[قطوووة]

على فكرة اذا ماعندج عيال منه ترى هذا نعمة عشان لاتردين له وخلاص ينتهي من حياتج للابد

لو اني منج ما ارد له لو شنو هذا حتى البهيمة ماتقعد عنده

 

[mrs.inona]

رددي اللهم اجرني في مصيبتي واخلف لي خير منها
قولي الف الحمدالله

 

[كليـ دلعـ]

الحياه مو ريل!

الريال موضروري بالحياه!

وانا اذكرج قبل لاتزوجين كنتي تدشين تحلطمين تبين تزوجين

كنتي تحنييين

ونسيتي ان الله قال عسا ان تحبو شيئ وهو شر لكم!

المفروض الانسان مايتشفق شغله

المفروض بس يدغي ربه يكتب له اللي فيه الخيره!!


وعقبها تزوجتي وقعدتي تشكين تشكين تشكين!!

اللي من بدايته غلط اكيد نهايته غلط!


المره لما تتزوج شنو تبي!؟

تبي تكمل نص دينها

تبي الستر

تبي تكون اسره

وعيال

وتستقر


المره لماتتزوج تطلع من بيت اهلها معززه مكرمه


فلاااااااازم ليطلعت وراحت عند ريلها تحافظ ع كرامتها

وتعز نفسها وتكرمها

مومعناته تزوجت وابحافظ ع بيتي يعني اذل نفسي والزق بالريال


يطق

يخون

يهيين

يجذب

يبهذل

يقصر

يشح

ووووووووو

وووووو


قلنا المره تصبر

ع المعقوول

قلنا المره تتنازل شوي

تراعي شووي

تساعد شووي

ماقلنا من اول ماتاخذه تجلب فيه!!

الريال عايف. بايع كاره. واهي مجلللللللبه!!

ماايصيير هذا غلط

هذا ينزل قدرها جدام الريال

هذا يكره الريال فيها

هذا ينفره منهاا

مايضيييير

هذا غلط والغلط مايستمر

اقعدًعنده اصرف ع نفسي

وحاكرني بين اربع طوف

وطقته لي ببييزه

ويخوني اشكره

ويذلني

ويفضحني عند اهله

وانا لاااااااااااازقه

لا ابي مصرف

ولاطلعه
ولاحترام

ولا رااحه

بس اهم شي ماصير مطلقه!؟؟؟؟؟؟؟؟؟؟


لا بالله

الطلاق اششششرف

واطهررر

واحسسن

وابرك

من هالعيششه الف مره!!


عييل يهجرج وتترجينه ينام معاج!؟

تترجينه!؟ اتطرين منه!؟

تغصبينه عليج!؟

تجبرينه واهو مايبي!؟!؟

؟؟؟؟؟؟؟؟؟؟؟؟؟

؟؟؟؟؟؟؟؟؟؟؟

اسمحيلي انا لوريال وزوجتي احبها وتسوي جذي والله اكررهها واشمئز منها


بعدين المره تقط نفسها ع الريل المتجاوب معاها

اللي تحس لها حب بقلبه

اللي يحبها

اللي تهمه

اللي يراعيها

اللي زوججهها متجاوب معاها ويبيها

وفجأه تغير

ممكن نقول حاولي فيه قطي نفسج عليه

لكن انتي وحده عارفه قدرج عنده

عارفه انه مايبيج

وماتهمينه

وسواا كلللل شي عشان تزعلين وتروحين لهلج

كل شي سواه عشان تروحين

لما يأس منج طلق!!

لان مافي شي بالغصصصب

المفروض حبيبتي من البدايه

تزوجت

اشوف الريال

اشووف احواله معاي

ليصار تمام ويحترمني ويحبني ويبيني

اوك اكمل معاه ولو تصير شغلات وزلات عادي

تبقى مشاكل والمشاكل شي طبيعي


ولما اتزوج

واشوف الريال صاد

هاجر جافي منحااش

كاره بايع

مقصر خاين ذال ووووو

وكل ماله يزيد يزيد بالردا

خلاص
اقص الحق من نفسي

واشيل قشي بكرامتي واروح لهلي

بكراااااااامتتتتتي

امشي واخليه

موانطره ينحاش ويخليني

ولا انطره يشيلني قشي

ولاانطره يعافني وااهو المعيووب

لا


انا اللي اخليه وانا اللي اعااافه!!!

انا استغرب من الحريم اللي تشوف الريال بايع

وتقعد

تقعد

تقعد

ليييييييييين يقطها

او يعافها

او يكسرهاا!!!


الصبر موجذي

الصبر غيييير

الصبر اذا كان الريال كفو وصالح. اصبر ع فقره. لصبر ع مرضه اصبر ع اهله

اساعده ع نفسه

موومايبيني واجلب فيه

هذا مووصبر هذا قطت ويه واسترخاص نفس

قلتلج هالكلام اوعيج

وانبهج للغلط

والطلاق موعيب

الطلاق حلال

وشرعه رب العباد للي نفس حالتج

لاهو عيب

ولاهو حرام

ولامنكر

الطلاق عادي

وانتي بنت بصحتج بشبابج

لاقضيتي معاه٢٠ سنه ولاعيالج ٧

عشان تحزنين وتتضايقين

اخمدي ربج ماقضيتي معاه وايد

احمدي ربج ماعندج عيال

احمدي ربج ع الصحه والعافيه

وراحه البال والستر والامن والامان

انزعي صفحته من حياتج

اطوويها

انسيهاا

ولاتنكسرين

ولاتحزنين

قوولي انا بنت

شابه

وصغيره

جربت حظي مره

ماتوفقت

وهذا مومعناته خلاص وقفت الدنيا

الدنيا ماتوقف ع احد

اعرف بنات

تزوجت اول مره ماتوفقت وثاني مره ماتوفقت وكننا نقوول ياحرام مالهم حظظ

واخرتها تزوجو للمره الثاااااالثه


وتعالي شووفي

عاشووو كللل عمرهم اللي فات

وعوضووهم زواجهم اللي رااح

عاشوو الحياااه بكل سعادتها


شفتي شلون!؟

شفتي!؟

الارزاق بيد الله

الارزاق بيد ربج

الراحه الاستقرار الهدووء العافيه

كلهاا بيد الله

توفيقج بيده

فلا تعلقين امالج ع شخص

علقيها بربج

صلي وتقربي لربي ادعي تصدقي استغفري

وعيشي حياتج

البجي والعزله واللطم والانكسار شيفيدج فيه!؟

الا يطيحج من عيون الناس

ويهينج

وتنكسرين

وتضعفين زياده

وتصييرين حجووه بحلووجهم!؟

خلاص انسيه

وانسي استمتع فيني

وابعف نفسي

وانا صابني برود!!!!

انسي هالكلام وطلعيه من بالج


الزواج اكبر واعمق واقووا

من هالسوالف

اكبري

وانضجي

وافهمي

اكثر

عشان ماتتكر لج هالاخطااء

وسهالات

وماتدرين شكاتب لج رب العالمين

خلي ظنج فيه حسن

ومارح يخيب رجاج

الله يفرجها عليج ويرزقج باللي ابرك منه

وتبشرينا بزواجج وحملج ان شالله

 

[قَلبڪْ صًخرْ]

ياعله مايربح
وربي يعوضج باخسن منه بالف مره
ويرزقج باطفال يملون حياتج يابعد قلبي لاتحترين

بالعكس طلقي الطاقه السلبيه
رجعي حياتج
الطلاق
مو اخر شي بالدنيا
وربي بيعوضج خير

 

[الزيـــــ^^ـــــن]

مفروض تستانسين الله فكج منه ..
عيشي حياتج لاانتي اول ولاخر وحده تتطلق ...
تمتعي بالحيااااااه وقطي الماضي ورا ظهرج عيشي لنفسج ووناستج ورضى ربج

 

[كليـ دلعـ]

كتكاته


لاتنسين

ترا الخيره فيما اختاره الله

واللي يتوكل ع ربه مايخيب ابد

 

[كتكات احمر]

كلي دلع

انتي تعرفيني اكيد تعرفيني

صح كلامج وانا معاج

بس الريال اول زواجه ماكان جذي ماكان جذي

الريال يبي وحده تخدمه وتصير كوماري عنده

ثاني شي ماتغير الا لما قام يخوون ويقارن بيني وبين الي يعرفهم

ويمكن كان يعرفهم قبل لا يتزوجني عاد هنيه انا شدراني استخرت ودشيت شعرفني بنوعه ؟؟؟

انا صبرت بس والله والله اني ماكنت احس انه كارهني وكنت اتعامل معاه عادي واساسا لما كنت اساله مقصره؟

مايررررد ومايتكلم مااعرف مااايته غاامض ساااكت صاامت مافي مشاعر باي شي مافي مشاعر بولا شي

وكذاااا مره سالته مايرررد وفجاه بعد مااحقره يقولي انا مااقدر استغي عنج

الريال مو عارف شنو يبي مره يبيني ومتمسك ويقولي انا اذا دشيت البيت وعاشرته مااطلق

ومره يقولي يلااااااا الباب يوسع جمل ذلفي بيت اهلج

ما اعرف مااايته ومو فاهمته مره يصير زين ومراات مو زين

تاثير الربع واهله كانو يموتون مني قهر لان كل تفاصيل حبنا كانت ظاهره لهم

كان عاااشقني اول الزواج بعدين حسيت انه تغير من تشيش اهله وربعه والعلاقات الغلط

 

[كتكات احمر]

انا ابصصصم بالعشره ان الريال في شي من الشياطين

قاعدين نظحك مافينا شي فجاه قاعده اتغشمر دزيته علي ضحك قام يكفخني وتكفخ مو طبيعي

يقولي وخري عني ترا الشيطان براسي سكتنا عنج قمتي تمدين ايدج @@

ولما يناام يناقزز ويتحلم ويتفزز ...

ولما طلق ماتكلم مااعتذر ماقال بكمل

بعد جم يوم بيصير لي شهررر الريال ماطلق كااره لالا

الريال طلق لان مو طبيعي .. وبارد نفسيا وجسديا وعاجز زواجيا

 

[Reelax]

|=| تبين تدعين و تسوين جدول للأدعية والأذكار سجلي اللي بكتبة بورقه وأبدي من اليوم |=| بترتاحين بعد هالرابط

 

[نبض قلبي M]

الله يعينج

 

[كليـ دلعـ]

انتي صارلج ٩ شهور مطلقه!؟

والا توج تكملين شهر!؟

لانح باللبدايه كاتبه ٩ شهور طلاق!

والحين تقولين بكمل شهر!!!!!


وشلون يعني انتي تعرفيني اكيد تعرفيني!؟

مافهمتج!؟ وضضضحي!


وبعدين من متتى كان بينكم حب!؟

صدمتيني!

تقولين كانو شايفين تفاصيل حبنا!؟ اي حب!

كل شكاويج اللي كتبتيها مافيها ذره حب!؟

بالعكس الا تصرفاته كلللها كره!

وبعدين اذا كان يخون فهو يخون قبل ياخذج

فلاتقولين غيروه ويقارن!

اللي يبي ويحب مايغيرونه الناس!

يقدر يخون بس يتم يحبج ويداريج ومايعذبج!

واذا عن سالفه اول الزواج تقولين كان يعشقني

هذا موعشق

هذي هبه العرس معروفه الريال اول مايتزوج يشللل من الوناسه والكلام الحلوو

وتكون الزوجه مستاااااانسه وطايره عبالها عشق وبعد فتره يطخ وترجع الامور عاديه

فمساله اول العرس هذي لاتفكرين فيها

لانه ولد وتو تزوج يكون طاير وفرحان شي يديد عليه وعقبها يرجع لطبيعته

اول العرس مومقياس!!!

بعدين ذكرياتج معاه كللللها جروووح جروووح ومرض وكدر

خلاص

لاتقصين ع نفسج وتقولين كان يحبني كنت سغيده كنت وكنت!!!

لاحبيبتي

خلج واقعيه

قوولي اهاانني

مررمطني

عذبني

خانني

فشلني باهلي

كدر عيشتي

وقرف حيياتي

لاتجذبين الجذبه وتصدقينها!!

خلج بارض الواقع

خلاص مابغاج

خ يولي

وجانه ظالمج له رب يحااسبه !

الحين ليش تفكرين

كاان مسحور

كانت عين

كان وكان!؟

خلاص انسي ريال وراح انسيه

ولو كل مسحور طلق جان ياااكثر المطلقات

موعشان طلقج صار مسحور

واهله احسدوكم

ووووو

لا مع الايام بين معدنه

وطلع لئيم

وموكفوو

خلاص الله يهنيه ويوفقه

وانتي الله يهنيج ويوفقج

والله انا اللي شايفته

مابقا حقاره ماسواها فيج

وتقولين يحبج!؟

انسي انسي

خلاص رياال راح

التفاكير هذي مالها اي داغي

 

[شمعة مزاجيه]

كلي دلع كلامك اوكي معاكي بكل كلمه

 

[Vous jamais]

حبيبتي الله يفرج همج و يعوضج خير

و الحين فرصتج تبدين حياة يديدة

انسي الماضي و مارسي هواياتج و نمي شخصيتج

لا تحرقين نفسج عشان انسان ما قدرج و لا حبج

حبي نفسج و عيشي علشان طاعة الله وسعادتج

 

[دنيا رديه]

الله يعين

 

[بكيزة هانم]

الله يخلف عليج