ابي اعلم اليهال القران شلون؟؟؟

[love love]

بنات ودي اعلم بنتي قران قلت السور القصيره مثلا المعوذات بس اهي مشكلتها نطقها بالعربي مو عدل اخاف اعلمها وتحرف الايه من غير قصد
ومرات اقول بالعكس يمكن القران يقوي عربيتها وشدها عالاحرف لانه حروفها مو مضبووطه
تهقون ابدي قبل لا تنام اقراها كل يوم نفس السوره يمكن تلقطه؟؟ واشغل لها من فتره لي الثانيه العفاسي يقول السوره؟؟؟

مادري شرايكم هالفكره الي يتلي تنفع؟

 

[انوثة من حرير]

انصحج تكررين الاية 10 مرات باليوم تبدين بسورة الاخلاص وهي تسمع لج الياهل يطبق الي يسمعة وحتى لو تنطق غلط راح تتحسن مخارج الحروف عندها وراح تلاحظين هاشي كل اسبوع اية والله نفعت معاي والحمدالله بس ها شجعيها يعني قولي ان حفظتي ايب لج لعبة او برد او اي شي تحبة وقوليلها دايم تبين الجنة حفظي اقول البناتي دايم الي يبي الجنة يحفظ قران

 

[noynoy]

انا راي من راي انوثه من حرير
و ازيد عليها انج تحطين لها تشغلين لها الايه تسمعها من العفاسي او السديس عشان تنطبع بمخها
حطيها بالسياره و بالبيت قبل لا تنام و اول ما تقوم من النوم و انشالله تثبت

 

[أنفاسي دخون]

انا احط الهاند فري باذانهم واشغل قصار السور ويحفظونهم من الترديد

احسن طريقه للحفظ بالنسبة لي

 

[love love]

مشكورين

 

[nicesara90]

انصحج تكررين الاية 10 مرات باليوم تبدين بسورة الاخلاص وهي تسمع لج الياهل يطبق الي يسمعة وحتى لو تنطق غلط راح تتحسن مخارج الحروف عندها وراح تلاحظين هاشي كل اسبوع اية والله نفعت معاي والحمدالله بس ها شجعيها يعني قولي ان حفظتي ايب لج لعبة او برد او اي شي تحبة وقوليلها دايم تبين الجنة حفظي اقول البناتي دايم الي يبي الجنة يحفظ قران

كلاااااااام سلييييييييم

 

[حلاتي بندرة وجودي]

تدرين انا شنو قاعد افكر اسوي وبطبقه انشالله كل عيال خواتي عندهم ايبودات طبعا هذي الهبة الجديدة
اوكي نزلت الايات القصيرة عالايتونز وبنزله على ايبوداتهم ويرددون معاه وباخذ اجرهم انشالله بمن فيهم ولدي
لانهم بهلعمر خامه انتي تشكلينهم
انشالله فيدتج

 

[جـروح]

بنات جم اعمار عيالكم...؟

 

[نور عيني الكويت]

انا بنتي 4سنين
بس من عمرها 3ونص وانا محفظتها
الفاتحة والفلق الناس والكافرون والاخلاص
ونبي نبدي بالباجي

 

[الهيــام]

بنات من متى نبتدي نعلمهم
3 سنين زين ولا تو الناس ؟؟

 

[reham123]

انا هبيت احفظها بعدين ملت تقولي قوليلي قصه

 

[توتو ستايل]

حبيبتي احنا عندنا بالمركز نستقبل من 4 سنين نبدي نعلمهم عالتجويد ونحفظهم القرآن ونعلمهم قصص الانبياء
بهالعمر الياهل بسرعه يلقط

 

[قطرات من سحب]

رفع لعيونك