ابي اعرف شنو سبب الاجهاض مرتين معني سليمه من الاجسام المضاده ياترى في شي ماعرفه ساعدو

[ماي زهر]

إنتـي فتحي ملف بالحكومة و الخاصو أهتمي ب أكلج و صحتج و فيتاميناتج لا تخلينها
والله يرزقج و يرزقنا و يرزق كل محروم يارب
و لا تشوفين شر المره اليايه يارب العالمين

 

[مزآجيه!]

انا كان سبب تسقيطي الغده خامله !

سوي تحليل غدد والله يرزقج بالحمل السليم التام

 

[الجسوره]

بسم الله ابدي ...​

اولا حبيبتي يمكن انتي ما فيج شي ولا زوجج ... اذا اجهظتي مرتين من ممكن يكون رحمج ما يتحمل و زوجج يمكن يجامعج وقت الحمال و يطيح البيبي انا اختي صار لها نفس حالتج و طالع من المعاشر الزوجيه يعني وقت حمالج 3 الشهور الاوله لا تجامعون لما يثبت البيبي يعني ع الرابع

 

[Bnt-USA]

وبعد اعرف واحده سبحان الله مادري شلون
تحمل و يطلع الجنين فصيلة دمه ما تتوالم مع فصيلة دمها يموت ويطيح
سبحان الله
بعد ما اكتشفت عطوها ابر تحمي الجنين وحملت ماشاءالله

 

[# غنوجة بيبي #]

اختي سوي تحاليل غدد و جيكي على سيولة الدم و سوي تحليل فقر الدم

ربي يكتبلح الحمل الثابت

 

[Bnt-USA]

اي صح ولا تنسين دور الطب الشعبي
شوفي وحده من الحريم المعروفين
وروحيلها ترى عندهم علم وخبره بهالاشياء

 

[New_bride]

اختي رجعت لج

بنصحج نصيحه
اخذي كل يوم فوليك اسيد ١٠ ملجرام
وخلي ريلج هم ياخذ

وروحي للدكتوره وقوليلها ان عندج اجهاضات متكرره
شوفيها شنو تنصحج
يمكن تقولج احملي واول مايصير الحمل تعطيج دوفاستون و اسبرين عشان الغذاء والاكسجين يوصلون للبيبي عدل

لاتفقدين الامل وخلج متفائله

 

[عزف الخريـــف]

باقولك شي ..
اجهضت كذا مره وكل مره مافيني اي شيء
وحده منهم بالرابع كنت وكنت عند الدكتوره وكل وضعه تمام وزي العسل
من بكرا صحيت من النوم غرقانه بدمي
سائت نفسيتي حيل .. ولما ما كان فيه سبب طبي واضح .. عرفت ان السبب عين
او نفس
سويت 3 اشياء وبفضل الله سبحانه وتعالى الان انا عندي بنتين
وحامل يارب لك الحمد والشكر دعواتك يكون ولد تام الخلق يارب

باختصار : الجئي لربك لا تتعبين نفسك بعلاجات وخرابيط صدقيني مافيك الا العافيه وتحتاجين رقيه :
1- قراءة البقره كامله يوميا لا تملين ولو حملتي استمري .. كنت اشوف انواع الكوابيس من بديت فيها واقطعها وارجع لها الين ربي اعانني واستمريت
2- تجيبين زيت زيتون .. واقرئي فيه رقية الحمل وتثبيت الحمل للشيخ الخليفه ابحثي عنها بقوقل .. او اقرئي آيات الرقيه المعروفه اهم شيء اقرئيها بخشوع وثقه .. ادهني بطنك منه وظهرك يوميا المغرب وقبل النوم والفجر .. او مرتين كفايه حسب قدرتك .. وانتي تدهنين بعد لا يوقف لسانك من الدعاء
3- زمزم اشربيه على الريق يوميا .. كنت اشرب منه كاسه صغيره ما كان متوفر بكثره .. لكن اهم شيء يوميييا اشربيه بنية الشفاء

واللهم لك الحمد سهل لي ربي الحمل والولاده وجبت اجمل بنتين وعقبال الولد الصالح المتعافي وكل ما تتمنى

نصيحتي خليك من الادويه وكل شيء مالك الا الدعاء وربك كرييم مار اح يردك .. حتى الحمل لما يتاخر علي اسويها والحمدلله بفضل رب العالمين يرزقني ربي واحمل بدون منشطات ولا شيء

 

[Roozlin]

حبيبتي انا نفسج بالضضضضبط ...وسالت الدكتوره تقول من الله ماراده يكمل...
قلت ممكن تجلط دم قالت لا تجلط الدم يجي بعد الشهرين مو اول شهرين
وزوجي مسوي تحاليل ماشاء الله مافيه تشوهات ولاشي ...وسويت تحليل الغده ممتاز ...بطانه الرحم عندي ممتازه..اكلت الفوليك اسيد قبل الحمل بثلاث شهور ...وفوق كل هذا ربي مارااد يكمل ...
طيب سالت وحده من الطب الشعبي الاهي ام فيصل بجابر العلي وغيرها ثنتين ..كلهم اجمعوا ع نفس الكلام
١:ماتعلمين احددد كلش بحمالج لين يكبر بطنج ويشوفونه..
٢:لاتقربين المستشفيات والسونارات الا ف الخامس ..
٣:وقبل ماتحللين منزلي تقرين ايه الكرسي سبع مرات ..ولو ماحللتي افضل تاخرت عليج يعني حامل ؟؟
٤:اذكار الصباح والمساء والدعااااااء واستودعي حملج الله ..والبقره يوميا ..
٥:النفسسسسيه اهم شي الابتعاد عن التوتر ..والتوكل ع الله سبحانه..
يقولون نصحنا فيها كم وحده وتم حمالهم بقدره الله ...
اتمنى لي ولج ولكل من تبي حمل ثابت سهل سليم ...وبدعيلج بظهر الغيب وادعيلي ❤❤❤

 

[Roozlin]

حبيبتي انا نفسج بالضضضضبط ...وسالت الدكتوره تقول من الله ماراده يكمل...
قلت ممكن تجلط دم قالت لا تجلط الدم يجي بعد الشهرين مو اول شهرين
وزوجي مسوي تحاليل ماشاء الله مافيه تشوهات ولاشي ...وسويت تحليل الغده ممتاز ...بطانه الرحم عندي ممتازه..اكلت الفوليك اسيد قبل الحمل بثلاث شهور ...وفوق كل هذا ربي مارااد يكمل ...
طيب سالت وحده من الطب الشعبي الاهي ام فيصل بجابر العلي وغيرها ثنتين ..كلهم اجمعوا ع نفس الكلام
1:ماتعلمين احددد كلش بحمالج لين يكبر بطنج ويشوفونه..
2:لاتقربين المستشفيات والسونارات الا ف الخامس ..
3:وقبل ماتحللين منزلي تقرين ايه الكرسي سبع مرات ..ولو ماحللتي افضل تاخرت عليج يعني حامل ؟؟
4:اذكار الصباح والمساء والدعااااااء واستودعي حملج الله ..والبقره يوميا ..
5:النفسسسسيه اهم شي الابتعاد عن التوتر ..والتوكل ع الله سبحانه..
يقولون نصحنا فيها كم وحده وتم حمالهم بقدره الله ...
اتمنى لي ولج ولكل من تبي حمل ثابت سهل سليم ...وبدعيلج بظهر الغيب وادعيلي ❤❤❤

 

[omal7lo]

للرررفع

 

[دلوعه ناعمه]

يمكن الدم مايوصل للجنين مادري للمشيمه هالشي ترا يسقط

 

[omal7lo]

انا 6 مرات واخذ كل شي من ابر وتثبيت وبيبي اسبرين الي يعرف يدليني علي دكتور شاطر بالاجهاض المتكرر لا يقصر معاي

 

[shak!shoka]

حملتي و ولدتي من قبل ؟ عندج ياهل يعني ؟
واذا اي شنو فصيلة دمه ؟


الي تييب اول بيبي لها و يكون فصيلة دمه سالب لازم يعطونها ابره علشان بحمالها الياي ما يطيح