ابي اعرف انسب عمر عشان ينام البيبي بروحه ؟

[فـراوله]

انا للحين ولدي معاااي وجايني الثاني مادري شراح
أسوي


​

 

[أم عزيـز]

انا صراحه من عمر سنتين او ٣ بس طبعا اقوم الصبح القاهم بفراشي لوووول

 

[M&Ms]

أنا ولدي عمره سنتين والثاني ٨ شهور العود عسر بنومته وايد وماينام الا اذا مسك الاي بود ويمسك ايدي لازم ويتفزز بليل وايد ويظل يبجي ساعتين متواصل مادري شنو الحل وياه

 

[لهفة عشق]

الصراحة انا بعد ودي اعرف السن الطبيعي اللي ممكن اترك فيه البيبي ينام لحاله في غرفته
بس اتوقع حتى لو اعرف ماراح اخليها تنام لحالها الا اذا كبرت حيل .. يعني اهي كبرت ههه بس مب حيل يعني بس 3 سنوات
ادري بتقولون كبيره حيل بس شسوي قلبي يعورني بس تصيح اجيبها يمي و بعدين اهي فيها ربو و دايما اخاف عليها مابي اتركها لحالها

 

[ام اغلى الناس]

انا للحين قاعده اجهز واثث غرفته
وان شاء الله اخليه يبدا ينام فيها وعمره تقريبا سنتين ونص