ابي اطلع اللي بقلبي ابي الحل تعبت من نفسي بتغير

[147147]

صباح الخير حبيباتي شلونكم شخباركم ؟!
بنات حدي تعبانه من نفسي وربي تعقدت من نفسي
مشكلتي ان كل شي اخش بقلبي ابي اطلع اللي بقلبي ابي حالي حال الناس اللي تاخذ حقها مابي اكبنت ولا اكتم شي بقلبي وحتى لو قررت ان بقول الشي او بطلعه اخاف يابنات واتردد اميه الف مرة. يعني وربي كل مابي اتغير ارد مثل ماانا الحمد الله انا شخصيتي اجتماعيه ومحبوبه عند الكل بس يابنات انا احس حقي ينهضم ابي. اعود نفسي اني مااصير كتومة ابي ارتاح وربي ضميري يانبني اقول ليش ماطلع اللي بقلبي شننو فيها من شنو خايفه.
بنات تكفون ساعدوني علموني طريقه اعبر عن نفسي ابي اتعلم اشلون اطلع اللي بقلبي وربي تعبت
الله يجزاكم خير

 

[راقية بذوقها]

انا مثلج بالضبط حيل كتومه بس صدقيني الكتماان مايفيد وربي يمرض الواحد المشكله لو بطلع اللي بقلبي ابجي على طوول بس الدنيا تبي واحد قوي يعبر عن اللي بداخله حاولي كل مره تحسين فيها انج تبين تتكلمين تقوين نفسج وتعبرين عن اللي بداخلج بالبدايه صعبه بس مع الوقت ان شاءالله بتتحسنين موفقه حبوبة

 

[لمى الهاجري]

[size="7"انتي نفس والحمد لله على كل حال[/size]

 

[Break Time]

حبيبتي حاولي تدققين بطريقة اللي حواليج شلون يردون و شلون يتكلمون و حاولي تجارينهم

وعلى فكره هالاشياء تجي مع العمر والملاحظة


بالتوفيق حياتي

 

[عسل سل]

بختصار الانسان الضعيف الشخصيه محد يعطيه وجه لاتقولون التربيه تأثر لا هالشي من الانسان الي يبي يتغير يتغير محد راح يقعد فوق راسه ويمسك عليه الخيزرانه يخليه يتغير لو كنتي فعلا متملله من وضعج تغيري بدوون اي خجل البدايه صعبه شوووي بعدين سهالاات

 

[جامعيه كويتيه]

؛
اختي انت قصدج اذا مثلا احد غلط عليج ماتاخذين حقج تحطين بقلبك وتسكتين

ولا القصد بالكتمان

اذا صارلج موقف او مشكله ماتحبين تقولين لاحد..؟؟؟

 

[FDET NFSY]

مثللج والله

 

[147147]

مشكورين على اللي ردوا حبايب قلبي

 

[147147]

؛
اختي انت قصدج اذا مثلا احد غلط عليج ماتاخذين حقج تحطين بقلبك وتسكتين

ولا القصد بالكتمان

اذا صارلج موقف او مشكله ماتحبين تقولين لاحد..؟؟؟

قصدي اذا صارتلي مشكله مااعرف اواجه يعني اكتم لمن اشوف نفسي طفحت مااستحمل بعدين اواجه يعني مو اكون متردده وخايفه من رده الفعل

 

[147147]

بنات والله تعبت من حالي ابي اطلع اللي بقلبي ابي ارتاح مابي اكون خايفه لمن اواجه احد لمن احد يغثني باخذ حقي وخاصه مع ريلي اكون متردده بالحالتين يعني اذا قلت واذا ماقلت بحترق من داخل وبنفس الوقت اشجع نفسي اني اقوي من نفسي بس لمن اواجه ارتاح بعدها بس ماادري ليش اكتم واكون خايفه من رده الفعل

 

[فراشة البساتين]

حبيبتي من قال لك انك ضعيفه

بالعكس سكوتك عند المواقف الصعبه ترى نعمه

انا اعرف كثير من البنات يتهورون بالمواقف خصوصا مع النقاش مع الازواج ويقولون ياليت سكتنا

القوه مو بالرد

اذا كان الكلام من فضه فان السكوت من ذهب

اذا احد غلط عليك في مجلس قولي انا اقدر ارد بس محترمه المجلس

واذا احد اتهمك في شي ما سويتيه ....... لا تسكتين اطلبي من الله في قلبك انه يسدد قولك

وبعدين ردي دافعي عن نفسك بالكلام وبرري الموقف

واذا اللي جدامك سفيه لا تردين وتعبيبن نفسك اذا كان كلامه من فضه فسكوتك ذهب ....

اعتبري سكوتك ميزه لك وخليك واثقه من نفسك

وقبل ما تدخلين كل جلسه ادعي الله وقلي ربي سدد قولي .............






انا شايفه ان هذا خير لك سكوتك

 

[تتعب لومعي تلعب]

تبين رايي انا اي شي يعكر مزاجي اقوله بوجيهم ولما احد يغلط علي ما اسكتلهم بس اذا انا غلطانه اسكت ودي اني مثل حالتك لان ها الاسلوب ماينفع بتكوون مشاكلك كثيره وانا الحين احاول اسكت قد مااقدر وانصحك نصيحه انك تموجين من بالك انك ماتسكتين ع الغلط لان الناس الحين ماينفع معهم لا المصارحه والا الموجهه ويبون يجرونا الى النفاااااااق (فسكوت والكتمان ارحم من النفاق)

 

[معزوفة عشق&]

طيب حبووبه جربي فضفة الورقه والقلم ترى بالحيل تريح
انا كنت مثلك وكل ماحس اني بنفجر اكتب كل اللي بقلبي ف ورقه ولما اخلص اقطعها وارميها واحس اني شبه ارتحت
والحمد لله ع كل حال ... بس انتبهي تكتمي ف نفسك كثير نصيحه مني ..