ابي اطلب الطلاق تعبت!!

[%meme]

الريـــــــــــــــــشه كلامج صح...

استهدي بالله يا اختي و استغفري وتعوذي من ابليييس ترا هاذا كله من ابليييس..
يسالتس لمن يفرق بين الازواج هاذي لعبته وهوايه ...

فتعوذي من ابلييس ومن شـــره ...

هاذا زوجج صوونييه يصوونج حبييييه يحبج...
لازم في تضحياااات..

الله يوفقج يارب..

 

[حلمي الأمومة]

والله يا محروسه حرام عليج تفكرين بالطلاق تعوذي من الشيطان ومومعقوله فيه انسان كامل ومافيه عيوب ,,, مستحييل

بالعكس حاولي تحلين مشاكلك بنفسج لان انتي الي عايشه مع زوجج وتعرفين طبعه وشخصيته

ماراح اقولج سوي وسوي

بعدين زووجج احفظي غيبته ولا تطلعين عيوبه ترا مايجوز

وعليج بالدعاء والاستغفار وان شاء الله تتعدل امورج وتتحسن علاقتج بزوجج
ويرزقج الذريه الصالحة عاجلا غير اجلا ,,,اللهم امين

 

[أم سيف وسلطان]

تعوذي من إبليس
اكيد في جانب زين
والله مافي مثل الدعاء وقت السجود ادعي أنا يسخره لج ويعلق قلبه فيج
واستغفري وطلعي صدقات والله مافي شي بعيد
الله يعطيج بس انتي طلبيه
والله يسخره لج يارب

 

[@محروسه@]

لله يجزاكم خير كلكم ولله اني ارتحت من ردودكم
انا كلمته وقلت له ودني لهلي انا ماابيك وعطني ورقتي تخيلواااا انصدمت زوجي يحبني بس انا عادي تدرون شسوا
قعد يبجي يقول قوليلي شنو تبين انا حاضر ولله احبج وما اقدر استغنى عنج صارلي يومين مانمت تنامين بالصاله وتخليني انتي تدرين ما انام الا علا كتفج
ليش انا شنو مقصر فيه المهم انا اهنيه تحطمت وبجيت قلت له انت مو مخليني علا كيفي حاكرني بالبيت وكملت معاه اللي مضايقني منه جان يقول الا الطلاق لاتطرينه علا لسانج انا اهنيه سكت ورحت صليت ركعتين رجعت للفراش واهو بس يتحضني كأني ابي انحاش كسر خاطري تعبت من كثر مااعطيه علج ماتروح الريحه واللي يغث اذا قعد من النوم يبوس اه ياقلبي ياربي تصبرني
مشكورين علا الردود ولله كريم انشالله

 

[ابدا يالغالي مانساك]

كل موضوعج غلطانه
فيه ياختي وشلون تقولي شي مو خاص بينا وبن زوجج
الا وهو اسرار الفراش هذا يخصكم
ومحرم شرعا من تنقل سوالف زوجها ياختج الله يهديج
وانتي بنفسج تقوللي زوجي يتعب يعني وقفي معه
شوفي الاشياء اللي تساعده علي العلاج
حبيبيه ان يفرش اسنانه علي قولتج
وبالنسبه للحمل
هذا رزق وانتي ولله الحمد سقطتي يعني فكرتج بالانجاب والحمل كبيره هذا مو كلامي كلام الدكاتره
وماشوف سبب مقنع
ان تطلبي الطلاق الله يهديج هذوللي هم الرياجيل
وطباعهم ومن كان فيه خير لاهله تاكدي
ان خيره موجود لزوجته

 

[قاهره عذالي]

لله يجزاكم خير كلكم ولله اني ارتحت من ردودكم
انا كلمته وقلت له ودني لهلي انا ماابيك وعطني ورقتي تخيلواااا انصدمت زوجي يحبني بس انا عادي تدرون شسوا
قعد يبجي يقول قوليلي شنو تبين انا حاضر ولله احبج وما اقدر استغنى عنج صارلي يومين مانمت تنامين بالصاله وتخليني انتي تدرين ما انام الا علا كتفج
ليش انا شنو مقصر فيه المهم انا اهنيه تحطمت وبجيت قلت له انت مو مخليني علا كيفي حاكرني بالبيت وكملت معاه اللي مضايقني منه جان يقول الا الطلاق لاتطرينه علا لسانج انا اهنيه سكت ورحت صليت ركعتين رجعت للفراش واهو بس يتحضني كأني ابي انحاش كسر خاطري تعبت من كثر مااعطيه علج ماتروح الريحه واللي يغث اذا قعد من النوم يبوس اه ياقلبي ياربي تصبرني
مشكورين علا الردود ولله كريم انشالله

حرام عليج والله يحبج
مو اللي عندي ينام ببطانيه لحاله ويعطيني ظهره
احمدي ربج ع النعمه
الجرثومه
اشتري له عسل الفايز للمعده وخل يعلمونج الطريقه لان تذوبين العسل بالماي
وارقي نفسج حبيبتي

 

[الريشة]

حبيبتي قولي له يفرش أسنانه 3 مرات باليوم بعد كل وجبة
و قولي له إنك ما تحبين يبوسك و هو توه قاعد من النوم لأنه هالشيء يضايقك لأن كل إنسان أول ما يقعد لازم يفرش أسنانه قبل كل شيء و هالشيء ينطبق عليج .
وترى فيه بالصيدلية مثل قطعة بلاستيك لتنظيف اللسان ، لأن اللسان تتجمع فيه البكتيريا و وايد ناس يهملون تنظيف اللسان مع إن هالشيء مهم، و لما تحكين اللسان بقطعة البلاستيك ، راح تلاحظين تطلع أشياء لازقة باللسان.
و ترى فيه أنواع أكل تزيد الريحة و التخمر بالمعدة مثل:
اللحم - الحليب الكامل الدسم - جبن القلاص - الثوم - الكريمة .
و خليه ياكل بقدونس قبل النوم مع نعناع و يكثر شرب اللبن لأن اللبن فيه بكتيريا نافعة و تقتل البكتيريا الضارة بالمعدة.
و خليه يشرب ماي زمزم مقري فيه ( الرقية الشرعية او المعوذات و الصمد و الفاتحة) و انتي اقري بماي زمزم و شربوه و خصوصاً زوجك لأنه سبحان الله فيه وايد ناس اذا كانوا محسودين تطلع فيهم ريحة بالحلج . و الدليل سوي بحث بالنت و شوفي... لأن الشيطان يخلي فيه ريحة بالفم (بس هالشيء ما ينطبق بكل الحالات) أنا قاعدة أعطيج مثال.

 

[درة أهل الطولات]

تعوذي من ابليس

سالفه الحمال مأأثره عليج​

 

[بلسم جروحي]

شوفي يا قلبي الطلاق مو حل مثل ما قالوا الخوات ... تطلقت الله لا يقوله ابوج وامج ما رح
يدومون لج تقعدين ضيفه عند مرت الاخو او زوج الاخت لا يا عمري هذي توافه وباجر بتضحكين
عليها .. اهو يعاند يشوفج اتصرين للروحه لاهلج وايد رياييل يحبون العناد اذا ما رضى قولي خلاص مو لازم ونطري جم ساعه وردي حايليه ترى الريال مع المحايل مثل الياهل .. قيام الليل
والدعاء بانكسار لله سبحانه ما يقصر ... شوفي الريال اللي ما ينتعاشر اهو الشكاك والعياذ بالله
اللي ما فيه علاج .. وسمي بالرحمن ترى من صبر قدر وفيه بنات وايد يعانون اكثر من جذيه بوايد
.. وخليه يعالج من الجرثومه ترى اهيه سبب كل هالمشاكل .. وخلي ابوج عن طريق غير مباشر اذا شافه عشان ما يحس اهو يقوله وينك يا فلان انت وبنتي ما شفناكم من زمان عشان ينحد ويوديج بس لا يحس احد اذا بينكم شي خصوصا اهلج لان انت تسامحينه لكن اهلج تتم بقلوبهم
عليه والله يهدي سرج يا حبيبة قلبي ويرزقج بالذريه الصالحه ادري طولتها عليج وايد بس والله من خوفي عليج ..:eh_s(7)::eh_s(7)::eh_s(7)::eh_s(7)::eh_s(7):
​

 

[انثى خيالية]

يالغاليه اذا انت شايفه ان زوجج يستانس اذا رحت حق خواته واهله روحى عشانه وبينج وبينه قول ان اهلك تستانسين عندهم وودج دايم تروحين
وخواته حبوبات وامدحى واذا تبين اهلج ابد اولا باهله وثانى يوم اهلج واذا بخاطرج عشان اختج نفاس تقعدين لج 3 ايام
قولى ام تعبانه حيل بعد العصر ودنى بس تعال خذنى بالليل لان ماقدر انام الا بجنبك
بس لازم اشوف امى هاليومين وخصوصا ماتاكل العلاج الا منى والرجال مثل الطفل والله
واذا نوعيته يبيدى اهله ويرضا امانتج ارضيه وجاملى عشان مايحكرج عن اهلج
والرجال اذا تبين منه شى ارضيه واضحكى واخدمى ريوق وغدا وبعدين اطلبي
قبل الطلب قولى انا ماستغنى عنك وماراح انام عشانك حتى لو بخاطرج النومه
وسوالف انه يتعب بالجماع هذا امر عادى انا وزوجى متفقين وبعدين كل انسان له طاقته
وبعضهم نفسيتهم مضغوطه ومايشكون
واحمدى ربج والله البنات مليانات بالبيوت مالقو رجال وغيرهن متزوجات يقومونها ازوجهن بضرب وتحقير
وانت حملتى وتاكدى بس تحملين راح يتغير حده والله راح يراعيج واذا جا الولد يتغير تو علا الطلاق
حرام
والله تندمين
مافيه رجال كامل ولا حرمه كامله هم حنا بنا عيوب تر اكثر منهم بس الحرمه بطبعه ماتقر يالغلط
واذا علا ريحه حلقه اشتري غسول وقولى لى ولك قريت بالنت
انا اذا فيه فطريات بالحلق مو زين للحمل
وكل اللى بالنت يستخدمون هالغسول وابغسل انا وياك
وتعرفين راح يغسل عشان الحمل
لازم تلفين وتدورين بخطه عشان ماتجرحينه
والله يوفقج ولا تسمعين لاى وحده تسب زوجج ترا تكون مخربه
واللى تقولج تحملى واتلامور طيبه وتزين مع الوقت خوذى نصيحتها
واذا تطلقتى وقعدتى 5 8 9 سنين اخرتج علا ضره ويمكن الزوج زفت
الله يوفق بينكم