ابي اصير سنعه مع الحموله اللي يعرفوون ينصحوني

[the note book]

السلام عليكم
بنات



شالاخبار


بدش بالموضوع على طوول

انا وحده ماحب حمواتي

و ما اتحمل منهم اي غلطه ما اواطنهم

بس احب خالتي لانها وايد طيبه و احب مرت حماي لاني ما شفت منها شي بنت الحلال




و لاني ماحب حمواتي انا ماحب اخالط حمولتي وايد
و هالشي مضايقني

ودي اتغدى وياهم و اقعد معاهم عالاقل بالاسبوع 4 مرات

ودي احس اني قاعده في بيتي اتصرف على كيفي ما استحي من احد
ودي لا ييت ابي اطلع ما اقعد احسب الف حسااب لاني بشوفهم قبل لا اطلع

ودي و ودي وودي


بسسسس


للأسف في شي يمنعني
في حاجز كل ما احاول اهدمه ينبني بروحه

اهما زينين معاي بالتعامل
بس حمواتي مرات يضايقوني ببعض الاشياء
لكن كله افكر



اقول كل الناس عندهم الحموله الزينه و الشينه و الوحده لازم تتحمل لأنها بتعيش معاهم طووول العمر

و كل ما اشوف امي مع اهلي يعني حمولتها اللي اهم عماتي و عمامي و حريم عمامي

لا اله الا الله جنها اختهم كلهم يحبونها و اهيا تموووووت فيهم

و بينهم ميانه مو طبيعيه

انا صج متضايقه لأن في فرق كبيييييير بين بيئه اهلي و بيئه حمولتي و هذا السبب الرئيسي اللي مكششني منهم
بس هم امي اهلها بيئتهم غيير عن بيئه اهل ابوي مع هذا تأقلمت و صارت مثلهم بالظبط و ربتنا على حب عماتنا

بنات علموني و وجهوني شلون اغير الكره اللي اشيله حق حمواتي الى حب
و شلووون اصير معاهم مثل امي مع عماتي
تدرون اني لمن يصير يوم اليمعه مالتهم اعيش باكتئاب طول اليووم !!!

لا تبخلون علي بالردود الحلوى
و تكفووووووون مالي خلق تجريح

 

[um khaled]

انا عن نفسي اروح يوم اليمعه ولا اطوفه واسوي حلو
واتكلم لما يتوجه لي كلام واضحك واشارك عادي
لكن ان صار شي غلط اقوم ولا ارد باي رد وقح بس عشان ريلي

 

[the note book]

ام خالد حتى انا جذيه ما اطوف اليمعه بس اروح غصبن على خشمي عشان ريلي
و هم ما ارد عالغلط اسكت
بس انا ودي اصير معاهم حيل و اصير مثل اختهم لكني مو قادره لاني ماحبهم

 

[حرم راشد الماجد]

نوت بوك


انا وانتي سيم سيم


فبشوف يمكن نلاقي كلام يفيدنا انا وانتي


مع العلم اني اسبوعين لاهيه مارحت لهم ولا ودي اروح

 

[حرم راشد الماجد]

سمعي نوت بوك مستحيل تصيرين حيل معاهم

اولا : لانج ماتحبينهم ومومجبورة تنافقينهم
ثانيا : الحمولة كل ماصرتي رسميه معاهم احسن

 

[انونا]

لازم تحطين ابالج ان مو كل انسان كامل واكيج في حماواتج عيوب وهذا شي طبيعي

وطووووووووووووووفي اي شي بس علشان ريلج

وبعدين ضحكي وحبيبيهم فيج علشان يحبونج وماله داعي تكشرين او تضايقين لان راح يحسون ويكرهونج ويزيدون من حركاتهم

واشرايج نطلعون مو شرط بس تتيمعون وشوي شوي بيتعودون عليج ويحبونج

 

[!! منــايــر !!]

أنا عن نفسي قطعت علاقتي معاهم مع حمواتي بس حمواتي الكبار لاوالله هم يحبوني وانا اموت فيهم أما الي كبري لا بس تعبت منهم وإلي شفته منهم كافي الحين لا شفتهم بس سلام وعليكم السلام حتي إن كلموني بس إبتسامة وسكت ............. والله علشان زوجي ...................... أنا قمت أتحاشاهم وان صار موقف قوي أتركهم فترة يمكن توصل سنه ورد بس مو نفس أول لا يا قلبي الحر ما ينقرص مرتين ..........

 

[the note book]

انونا مادري اهما يسوون حركات بعض المرات مو دايما احس منها انهم مو عاديني منهم و فيهم مع اني ساكنه معاهم بنفس البيت عشان جذي ما حب احتك

 

[بس خلاص]

شوفي انا بقول لج تجربه اختي
ماشالله عليها تروح لحمولتها كل يومين اهي ساكنه بشقه جدامهم مو بعيده يعني
وصارت كل يومين ...تسوي حلا ولا مالح ولا اي شي وتييب لخالتها ...شوي شوي الحين صار لها خمس سنين من تزوجت ...
يموتون عليها مووووووت

 

[ba6bo6a1]

shofy e5ty ana agol ebdy be6eb .. y3ny etha sheftehom salmy o ebtasmy .. etha re7ty lihom la tro7en edeg fathya ... y3ny 7abibehom feg fa etha shefty minhom mo3amala zena akeed bebadlenhom hal she3or .... o akthr shy mohim enig dayman t3therenhom etha shefty shy thayegach o sem3ty kilma kadertig dayman goly 7g nafseg akked ma yg9edon

 

[ام فهد العدواني]

دامج انتي زينه اكيد اهما راح يصيرون زينين ولاتفكرين بطريقة انا احب فلانه وما احب علانه
تصرفي عااادي وخليج كوووووووووول وقولي الحمدلله والمعيانة هذي راح تجي مع الوقت

 

[hnoof]

الناس اجناس وفيه ناس ما يتقبلون احد بكيفهم اهم الخسرانين بس عامليهم بالطيب ولج عند الله

 

[ام دودو المزيونه]

اختي مايخالف عديني اختج العوده انا ابصراحه ما ودي اييب ابطاري مرة اخوي بس مضطره احطها مثل ليش احنا الخوات الأربع كاشين منها يعني من بداية زواج اخوي ما تثمن الكلمه الى تطلع منها وكله خواتي سويي حق امي جذي وسوانا جذي والا ترفع التلفون جدامنا وتسولف مع اختها وتقول لها تذكرين الدراعه الي سويناها بالمبلغ الفلاني او تقول جدامنا انا قايله لخدامتي ما تجيس شيئ بس تجابل بنتي وهم قاعدين علي السماط معانا وماكلين معانا والكراف علي خدامتي وخدامة امي هاذا شيئ من ولا شيئ غير تدخل بالبيت جنه بيت ابوها وما تحترم حدودها ومطيحا الميانه مع الحما الي اهو اخوي الصغير وتعرض خدماتها عليه غير الكيكات الي تسويها له حتي يوم بيسوي دزته لعروسته رافعه السماعه عليه تعرض ان اهي اتسويها واحنا العمات ماتكلمنا من اشهر وعشتوا زعلانه ماتنزل
شتقولين عنها هل احنا مجبورين نحبها والله انا كنت اسكت عنها علشان اخوي وغلاه وما كنا بنكدر خاطره ونزعله بس والله شهد يوم تعدت حدوده مع بنتي وطولت السانها كلمه قلت لخوي مرتك ما يشرفني معرفتها
الزبده انا مره صارت هوشه بينها وبين اختي وانا اهدي بينهم قلتلها كلمه وحده وللأسف اظاهر ما افهمتها انتي جنه وعقب عشر اسنين والاعشرين سنه تظلين جنه في حدود لازم ما تتعدينها والله ياختي انا علاقتي مع حمواتي زي السمن علي العسل وبعد مرة حماي تدري ليش عمري ما تدخلت ابيتهم ولا علقت علي حياتهم وتقبلت كل شخص بمميزات وعيوبه وما نطرت انهم يحبوني قصب وانهم في كل مناسبه وحدث يعلموني عليه تزوج افلان والا طلق افلان مالي شغل كيفهم يعني بعض مواضيع العضوات كله زعلانه علي حمولتها ومطنقره تبيهم يعاملونها عفو علي الكلمه ملكه مبجله ليش ناسبتهم فهمتي علي مو كل الناس يحبون الي يتدخل بخصوصياتهم انتي سوي الواجب وصدقيني راح يحبونج اذا انتي حبيتيهم ومارفعت خشمج عليهم وتطالعينهم بنظره استعلاء اكيد في شيئ انتي سويته مو حاسه فيه كششتيهم منج انتي دخيله علي حياتهم ومو مضطرين يحبونج غصب في ناس ما توالم مع بعض لاختلاف البيئات والصفات فيه ناس تحب الي يجاملهم وايد ويهاديهم بس مظهر واجهه مغترين فيها وفي ناس تحب الانسان الي قلبه صافي وملتزم حدوده فهموها
تدرين مرات ما احب ادخل هالقسم بسبتكم يالجنات في مواضيع تضيق الخلق والردود الي الله بالخير الي تقول خل يولون- وماعليج منهم - عطيهم طاف - محترين منج - الحقران يقطع المصران لا والبدعه ( واي هيلق في ناس جذي ) الحمدالله وشكر علي شنو كلكم بني ادم وسواسيه عند ربكم يعني انتوا بنات الباشا نازلين عليهم من السما
اختي لا تزعلين بس ما قدرت اسكت من كلامج والردود :rgewrg:
اهل ازواجكم يوم اخطبوج له ما كان مكتوب بالعقد قصبن عليكم تحبوني وتدخلوني ابحياتكم

 

[سنعه بس مظلومه]

حبوبه انتي سوي اللي ترضين وتتمنين مرت اخوج تسويه لامج ..الزم ماعليج خالتج اما الحموات على العين والراس بس يفضل الرسميه معاهم يعني لاتدخلين بمواضيعهم لاتسبين شئ يخصهم منعا للتوتر ..وانزلي مو كل يوم على راحتج متى ماحسيتي انج فاضيه نزلي وحاولي تكونين سنعه يعني مايمنع تنزلين بطبق حلو او موالح شآركي بالعشاء يعني خلي لج لمسه ..وسولفي على طبيعتج مو كل كلمه تحسبينها مقصوده طوفي لو ما تطوفين بتشيبين مبجر والحموله انا اعتبرهم اهلي الثانين طلعت من بيت اهلي ورحت لبيت اهلي .. والله يوفقج

 

[the note book]

ام دودو

مشكوره على ردج

انا احس اني دخيله على حياتهم بس انا مو مرتاحه شالحل
و انا ما ادخل نفسي بشي بينهم كلش و لا حتى اسأل عن شي
الا اذا اهما كلموني بالموضوع

 

[اتمنى ان اكون]

انا مثلك نوت بوك .. دخلت على عالعايله بكل حسن نيه وتمنيت انه يكون بيتي الثاني .. بس ما اقول غير الحمد لله والشكر
دايما يحسسوني اني غريبه وفي تحفظ في معاملتهم ..واخر شي اطلع انا المغروره الرسميه المتكبره .. الله يهديهم بس
انا قاعده احاول واقنع نفسي اني انساهم وابعد عن وجع الراس بس للاسف حتى لو قلت بسوي هالشي من داخلي مو مقتنعه لان وضع مو طبيعي .. بس هم اللي يبون هالشي

 

[جنون اندرو]

حدج حنونه وتحاتين غيرج .. بس بقول كلمه ومن (( جنه )) يتراولي هالكلمه تسبب حساسيه للبعض ...... اذا انتي كنتي عند حموله طيبه فصدقيني تكفي منج ابتسامه ومعامله محترمه وبتلاقينهم يحبونج ومايرضون عليج ويدارون خاطرج ..بس اذا كنتي عند عيله هيلق مهما تسويين لو تشتغلين خدامه - مرت ولد - بنك تسليف - ممرضه - فوزيه الدريع - منتجع - شنو مايطري عليج سويتيه بتظلين غريبه عنهم .. لأنهم مو متقبلينج ، والمحبه من الله .. لاتفرضين محبتج على ناس مايحبونج باعتبار الجريمه اللي ارتكبتيها بحقهم وهي انج مرت اخوهم .. بعد عمري نصيحه بقولها لج اللي يحبج حبيه واللي يقدرج حطيه فوق راسج ... وافضل شئ بالنسبه للحموله كفي خيرج وشرج عنهم

 

[the note book]

يا حياتي مشكوووره والله نصيحتج حلوا
و كل البنات اللي نصحووني ما قصروا

 

[جمبازية]

عادي حبيبتي حتى لو ماتحبينهم عامليهم باصلج وتربيتج والشي الصح سويه وان سمعتي نغزات من فلانة وعلانه عطيها طااااااااااااااف ومصيرها بتمل لانه تشوفج ماتردين عليها وان مانفع وياهم مايشوفون شر ترى اهل الزوج ماعليهم صلة رحم عادي عني لاتحرين بنفسج ولا تقعد تحاتين اهل الحمولة

 

[*مرامي*]

المحبه من الله

حبيبتي سوي الواجب وياهم عشان ماتحسين بالذنب بينج وبين نفسج
وتقولين شسوي وشسوي
وخلي الباجي على الله سبحانه
اهم شي ماتدخلين بشؤونكم كللللللللللللش
ولا تسئلين شنو وشنو
خليج عفوا مثل الاطرش بالزفه جنج ماسمعتي ولا دريتي
لو يسئلونج اشصار وشنو قولي مادري وان قالولج مشكله قولي الله يهديهم وان يابولج طاري فرح قولي الله يهنيهم
وقولي خير الله يعطيج خير
مافي بيت مافيه نجره ومداحر حتى مصران البطن اتراقع
والله يعطيج على قد نيتج