ابي اشياء تمتني بنفاسي

[شندوخه]

اختي دربالج تاخذين خلطات من الحواجيين
ترى سببت فشل كلوي لبنات شكثرررررر .. انا بعلمج على طريقه سهله بس شرط تلتزمين باللي أقوله كل يوم

اول شي تروحين تشترين علبه فيتاميات شامله
واشتري حليب بودر اسمه سوستاجين من الصيدليه
وزبده فول سوداني وموز

كل يوم الصبح تريقي مو اقل من خبزه كامله مع قفشه هرده
والغدا عيوش ومعكرونيات واكلي بسرعه لاتصيرين بطيئه وبعدها اكلي حبه الفيتامين ولاتشربين جاي وراها لمده ساعتين
والعصاري لازم اطبقين هالشغله في خلاط الحليب حطي علبه حليب كامل الدسم مع 3 ملاعق كبيره سوستاجين وبالخلاط وشربيهم
والعشا توسته وترسيها زبده فول سوداني واذا تقدرين اكلي موزه معاهم

وباذن الله بس تلتزمين باللي قلته لج راح تمتنين اقل شي 3 كيلوات بشهر