ابي اشتري لاب توب و عاجبني الابل شرايكم اخذه ولا اخذ سوني فايو؟

[^^ROSE^^]

السلام عليكم

بنات لاب توبي hp قريب يعطيكم عمره لوووول وابي لاب توب يديد
اشوف ال apple جنه حلو واخوي يقولي اخذيه احسن وسهل مايبيله شي
واختي ماخذه sony vaio هم عاجبني وايد

شرايكم شاخذ؟ ابي لاب توب يظل عندي خلاص ما اغيره الا لما ينتحر لووووول

اخاف اخذ apple واتوهق وما اعرفله وجنه هو اغلى من الباقي صح؟

السوني حاله من حال باقي اللاب توبات
واختي ماخذته عليها بالعافيه وايد حلو ويندوز 7 و مجكنم وناعم ومواصفاته حلوة ب 300 وايد زين

شرايكم ابي اللي مجربين يقولون لي شلون ال apple؟

 

[حجيه هيونه]

والله انا مجربه السوني

مثل ماقالت اختج وايد زين مواصفاته عاليه

المشكله فيه سمعت انه بسرعه يخترب يعني وايد حساس

بس مادري عاد الي عندي لما الحين ماصادفت معاه مشاكل ماشالله لانه مو من زمان شريته

وانتي كيفج

 

[^^ROSE^^]

مشكورة حبيبتي على الرد

انا مابي شي يخترب
واختي على قولتج توها شاريته ماصارلها شهر
فابي احد مجرب

في بنات قالولي ان الابل معقد شوي و حتى الكي بورد اماكن الاحرف غير واشياء مختلفه عن الكمبيوتر العادي
فخلاص استبعدته
الحين بشوف اخذ Dell ولا sony

 

[Phantom]

السلام عليكم ,,
أختي الاب توب يخترب على حسب إستعمالج له و إنتي تستعملين طاولة الاب توب أو لا ؟
وتبيني أصدمج ترى كل لاب توب سوني الموجودة في الكويت كلها تجميع ولو تجيكين من ورى بتلاقين Made in China
لأن لاب توب فايو الأصلي بيصكج فوق الألف الدينار مو 300 دينار
وإذا عن Apple mac أنا أنصحج فيه في حال إذا كنتي مو مدمنة كومبيوتر وعادي عندج إذا أغلبية البرامج في المايكرسوفت ما تنزل عليه وتطبيق العربي حيل صعب وبيدوخج ولازم لغتج في الإنجليزية قوية وايد وبعض المواقع العربية في النت ما تطلع لج وبيتعبج
وراح تستغربين إذا نصحتج في لاب توب Acer الأخير لأنه هو الوحيد في الكويت Made in Japan راح يعمر عندج إذا كان استخدامج له وايد

 

[^^ROSE^^]

مشكوره حبيبتي على الرد ماقصرتي وايد افدتيني

توني ادري ان سوني مو شي!!!!

ايسر اذكر اخوي يقول ان احسن شي وارخص شي بس ممكن يخترب اسرع من غيره

مادري احترت
انا لاب توبي علىطول على الطاوله ما اشيله عنها بالاشهر لانه كبير 17 انش وثقيل
فبشتري واحد اصغر بو 14 يكون اخف احسن لي ساعات احتاج اروح فيه الجامعه او باخذه مكان واتوهق اذا ثقيل

قالولي ان Dell اللي شاشته 13 وشي احسن نوع
واستعماله زين كد ومد ومحتاره شاخذّ!

ابل خلاص مابيه شلي بعوار الراس ابي شي يريحني مو يدوخني

 

[Phantom]

هلا والله
بالعكس تبيني أصدمج أكثر عندي لاب توب Acer وصارله أكثر من 5 سنين لأنه كان هدية من الوالد حق التخرج ولحد ألحين يشتغل ومافيه شي اللهم إني أسويله فورمات كل 6 شهور وآنا أسويه بنفسي وأغير بطاريته كل سنه ونص تقريباً
وحاليا أكثر واحد أستخدمه هو لاب توب HP أعتقد مار عليج المزخرف وعليه رسمة تنين وتدرين ليش هالابتوين معمرين عندي لإني إستخدامهم خاص فيني آنا وقليل أخواني وخواتي ياخذونه وفي النفس أحطه على الطاولة لإنه المحركات اللي تحت ما أسكر عليه ولو تلاحظين الاب توب بيصير حار وايد وبيخترب عليج بعدها بفتره وبيطلع لج صوت قوي ومزعج وعلى فكرة تراه مو زين تحطين الاب توب على ريولج
Dell ما أنصحج فيه لأنه مال أخوي أخترب واستعامله كان خفيف ونفس الشي Made in China
ومو تشوفين أسعاره حيل رخيصه و لاب توب سوني تراه قوي بس في حال إذا خذيتي بره الكويت وراح يكلفج تقربيا فوق 800 دينار..,
وصدقيني إذا كنتي تستعملين الطاولة دايما وحاطه برنامج انتي فايروس الأخير مال 2010 ومو كل شوي على الشاحن والله لاب توبج ماراح يخترب ولازم تتأكدين إنه Made in Japan وموفقه
​

 

[حجيه هيونه]

حبيبتي

خواتي 3 استعملوا ايسر والحين يبون يبدلونهم

ايسر معروف ردي جدا

ودل نفس المستوى

نصيحتي لج


توشيبا

hp
وسوني

لينوفو

هذي اقوى شي بالسوق

عشان مايخترب الجهاز بسرعه لما تكونين شغاله عليه لفتره طويله افصلي بطاريته وخلج بس على الشاحن جذي بتعمر معاج البطاريه


ببالنسبه لحجم الشاشه الى انتي مختارته وايد حلو


الشي الثاني البروسسسور

cour 2 dou

هذا افضل شي الحين

والاوبريتنغ سستم ويندوز 7

طبعا حطي عليه الاوفس 2007


ونورتن


بالنسبه لمكان الشراء

الغانم ابعدي عنهم

يعني لو حصلتي بمكان ثاني اخذي


بالنسبه لي افضل صيانة وتعامل كان اليوسفي


والغانم ماعجبوني ابد وايد يتفلسفون


امممممم

الكتروزان ويوريكا ماجربتهم فمادري


بالتوفيق

 

[^^ROSE^^]

مشكورين بنات وايد ماقصرتوا
بس والله احترت بنات الحين شنو اشتري؟
انا عندي HP ووايد يطفي بروحه و يعلق
اخوي عنده نفس اللي عندي بالضبط ومحافظ عليه فجأة ضرب احترق شي فيه وخلاص مايشتغل يوم سونا search قالوا ان هالنوعيه فيها كرت شاشه ردي وكأنه قنبله موقوته بأي وقت ممكن يضرب
اخوي مسكين اخترب ماله انا الحين على اعصابي مادري متى بيضرب ويخترب نهائيا فمن جذي ابي شي قوي

يعني ابتعد عن السوني و الديل
شبقى؟ توشيبا؟ ايسر؟ مادري شاخذ لول شكلي بقعد على اللي عندي لين يضرب لوووووول

 

[^^ROSE^^]

Up Up

 

[ذهـ الكويت ـب]

انا عن نفسي بختار سوني طبعآ

ويمدحون ماركه اسمها اوسوس اساليها عنها وشوفي

وع فكره ابل نظامه ماك بيصير صعب علييج

هذي احصائيه لافضل لاب توبات لعام 2009

راجعي هالموضيع كلهم نفس موضوعج


افتراضي ناويه تشترين لابتوب... شوفي احسن المواصفات...

أو

بشتري لاب توب فايو ؟؟؟؟؟؟؟؟؟؟؟

أو

بشتري لابتوب قولولي شنو الافضل ؟

أو

أخر مواصفات اللاب توب

أو

ممكن مساعده بشتري لا بتوب

أو

بشتري لاب توب توشيبا نوت بوك .... تنصحوني فيه ولا لا ؟؟ تعالوا

أو

مساعده

أو

مقآرنه بين آلجهآز آلمكتبي PC وآلمحمول Laptop + دليلك لتجميع آلجهآز آلمكتبي آلمثآلي

أو

بشتري لاب توب حق زوجي بس ساعدوني

أو

[~* أًخًطًاًءً شًاًئًعًهً عًنًدً شًرًاًءً اًلًلاًبً تًوًبً *~]




وقريهم عدل واختاري عاد ..