ابي اسماء واماكن الاسواق الشعبيه الي بالكويت ابيها ضروري بعد كم يوم نازله عندكم

[سعوديه بينكم]

:68_asmilies-com:
السلاااااااااااااااااااام عليكم كويتيات حبايب قلبي
شخباااااااركم وشمسوووووووووووين وكل عام وانتم بخييييييييييييير مقدما وعيدكم مبارك
والله يتقبل من الحجاج ويردهم لاهلهم سالمين غانمين ياااااااااااااارب

المهم بعد بكرى بنت خالتي نازله عندكم ع الكوووويت وتقول ابي حد يعطيني اسماء واماكن الاسواق الشعبيه اسواقككم انتم وياحبذا لو يدلني عليها لانها ماتدل زين بالكويت هاذي ثاني مره تزورها وللأسف ماتعرف حد هناك وتبي بعد اسماء احسن الصالونات للقص وتبي اشياء وايد يعني ودها حد يوديها ويعلمها كل مكان فعشان كذا قلت لها مالك غير الكويتيات بنات الديره اهما الي يدلونك على كل مكان
فمنو حابه تساعدها الله يجازيها كل الخير يااااااااااااااااارب
وبكووون شاكره لك هالمعروووف :33_1185028183:

 

[ام الكتكوته]

حياكم الله اختي بالكويت

وان شاء الله بتنورون ديرتنا

وبالنسبه للاسواق الشعبيه عندج سوق المباركيه

تقريبا هذا اكبر سوق شعبي بالكويت

اسعاره حلوه

وعندهم عطور ومكياج وشنط ومحلات خامات رجاليه

وبعد عندج سوق دروازة السالميهالي فيه(سيتي سنتر)

هذا وااااااااااااايد حلو وعندهم اشياء وايد حلوه واسعارهم زينه

ملابس نسائيه وملابس اطفال وعطور ومكياج وجنزات واخذيه وشنط وتقريبا كل ما تحتاجينه

وعندك دريم مول بالشويخ تقريبا نفس سوق السالميه

وعندك حولي في شارع اسمه شارع بن خلدون متروس اسواق شعبيه

والفروانيه بعد فيها مجمعات واسواق شعبيه وااااااااااااااايد

والله وا عندنا اسواق بالكويت

ان شاء الله البنات يقدرون يفيدونك بالي عندهم

وبالنسبه للصالونات

عندك النجوى والندى

وعندك رومانس ستايل بقرطبه

وهم بعد ان شاء الله البنات يقدرون يفيدونك اكثر

 

[عزااااايز]

حبيبتي لما تيي الكويت خليها تتصل علي او عطيني تلفونها وانا ادليها باذن الله
وياهلا ومرحبا باهل السعودية

 

[موت الحمر]

حبيبتي عندج سوق السالمية سيتي سنتر كل قطعة على 5 دنانير

و بالنسبة للصالون انا امس جربت صالون بالفروانية قصيت شعري و سويت بديكير و منكير و الله شغلهم حلو و نظيف اعطيج رقمهم بس توصل بالسلامة تروح لهم 4759370

 

[..بسمة..أمل..]

افا عليج حبيبتي

انتي قوليلنا متى بتجي .. واحنا حاضرين يا قلبي

 

[سعوديه بينكم]

فديتكم تسلمووون والله ادري فيكم اصيلين وماتقصرون والله
خلاص ابآخذ ارقامكم وبعطيكم رقمها عشان تدلونها على الاماكن
والله يعطيكم الف عاااافيه ياااااارب
واهيا نازله عندكم بأذن الله يوم الثلاثاء حتى العيد بتتعيد عندكم

 

[xxx]

هلا اختي

حياج الله بين خواتج

شوفي هالموضوع وان شاءالله يفيدج

http://www.q8yat.net/showthread.php?t=122

 

[المتألقة]

هلا والله فيج ونورتي ديرتنا

اسواق شعبية: عندج المباركية
وسواق الخشخة عندج: مرينا وشرق وفنار والافنيوز والكوت و المهلب واااااايد والخشخة كللللللللش :الراية والصلحية كلهم ماركات
وصالونات : عندج لازوردي ووحنان دشتي والاء دشتي

 

[الغــــلا رنــــاد]

بالنسبه لصالونات عندج صالون فندق كويت كونتينتال روووعه عند مدام فيروز بالكويت دااخل وبعد صاالون مس ون لا يعلو

علييه بقرطبه طلعي رقمه من خدمة التلفون 808080