ابي استفسر

[ام الحوراء زينب]

السلام عليكم بنات



بنات باقولك قصتي



انا تزوجت 22-12-2008


وحملت تاريخ 28-6-2009

كنت يوميا احلل يطلع مافي حمل

ولمن سافرت شهر اخر اسبوع من السفره حاشني عوار بطن قوي رحت المستشفى طلعت حامل
وااااااااااي ماتتوقعون اشكثر استانسنا انا ويا زوجي
قالو باجر تعالي سوي سونار انشوف جم عمر الجنين قلنا اوكي

رحنا ثاني يوم قالت عمره 5 اسابيع و6 ايام
وحجمه واحد سانتي
وكل دقيقه تقول صغير وحجمه واحد سانتي
احنا مافهمنا
ردينا الفندق من الوناسه قلت خل اقرا الاوراق قريت ولا مكتوب ماكو نبض
انا انصدمت

بختصر لووووووووووووول


المهم
بعد 3 ايام انصدمت من خبر والسبه عيون ولد حماتي
على طول نزلت قطرة دم وحسيت اني حيل صرت خفيفه كنت اتوقع ان الجنين طاح
بعد يومين زاد الدم وعوار رحت ولا يطلع الجنين ميت
وطبعا يت البوذيه وبتحط ايدها تسحبه وانا قاعده
ولا ارفسها وسويتلهم سالفه وطلعت
بعد اسبوع من العوار والموت
بروحه طاح الحمدلله لان ركبنا طياره 7 ساعات مو شويه


المهم قالو مايحتاج تنضيفات ولا شي
بس لمن صارلي شهر صار وياي نزيف مو طبيعي
لمن رحت المستشفى مرا ثانيه قالي عادي

15 يوم بعدين وقف رحت مرا ثانيه لانه حاشني عوار
ولا يفحصني الدكتور وقالي انتي ياحامل يا اجهاض
انا انصدمت وبغيت اموت سوالي تحليل دم قالي بعد 3 ساعات تعالي
رحتله ولا يطلع مافي حمل انصدم وقال مايصير خربط على راسي هديته وطلعت

انيي حق المهم


ابي احمل اشلون
اسوي طفل انابيب او في طريقه ثانيه بليز بنات

 

[بــروق]

بصراحة ماعندي خبرة بموضوعج

بس الظاهر انتي رحمج يبي له تنيف وتهيأه جديدة ويبي لج تأخذين غسول من ولد حماج اللي عطاج عين ههههههه


وتحافظين على نفسج كل دورة وتهتمين عشان يمكن فيه لحميات من الإجهاض

 

[بــروق]

تنيف = تنظيف




سوري معلق حرف الظاء عندي !:dddds:

 

[ام الحوراء زينب]

لوووووووووووووووووووووووووووول
مشكورة حبيبتي على الرد
مادري انا يوم سوولي سونار قالي الرحم نظيف وسليم مايحتاج شي

 

[ام الحوراء زينب]

وووووينكم بنات

 

[هالة الصباح]

لا تسويين أنابيب ولا شي روحي عند دكتورة مهجة البدر خل تسويلج تنظيفات ترى راح تعبيين ويمكن يصير فيج تسمم روحي وعسى الله يكتب لج تجمليين مرة ثانية طبيعي يا الله

 

[ام الحوراء زينب]

ما يحتاااااااااااااج تنضيفات الدكتور قالي وسوالي سونار
الله يسمع منج وللجميع ان شاءالله

 

[أحلى^حياه]

لازم تروحين الطبيب تسوين تحاليل يمكن لاسمح الله فيج شي
لا تسكتين عن نفسج
الله يوفقج

 

[ام الحوراء زينب]

بنااااااااات الحين انا مافيني شي
بس ابي طريقه ان شاءالله احمل فيها بسرعه

 

[WaChoCha]

حبوبة انتي بكل الاحوال بتروحين الطبيب ..اشلون تبين تحملين باطفال الانابيب؟؟
روحي الطبيب شيكي على نفسج وان شاء الله ما فيج الا العافية وقولي له عن اطفال الانابيب

 

[mosta7eel]

حبيبتي تو الناس على اطفال الانابيب اذا مستعيلة وايد
سوي تلقيح صناعي بس لازم تكونين مسوية كل التحاليل

 

[~ذات السُبحه~]

الله يرزقج حبيبتي بالذريه الصالحه
بس بدري على الانابيب
ابدي علاج عند اي دكتوره شاطره وتحدد لج شنو مشكلة التاخر

 

[bnt_kwt]

اول شي الحمدلله على سلامتج
ثاني شي الله يعوضج خير عن اللي فقدتيه
ثالث شي انتي حملتي طبيعي يعني من غير علاج من غير عمليات من غير ولا شي
رابع شي والاهم
خلي العمليات اخر همج لانه مافيج شي


راجعي دكتور شاطر خليه يسوي لج تحاليل شامله حقج وحق ريلج واكيد راح يعطيج منشطات
وان شاء الله بتحملين عليهم لانه مافيج شي يمنع الحمل


والدكاتره الشطار عندنا وايد يعني بس تمشي بالقسم بتلقين مليون موضوع عن الدكاتره سواء حريم ولا رياييل

 

[كويتيه مذهله 87]

أنا مع بنت الكويت

حرام تسوين اطفال انابيب حبيبتي

 

[bint_al8omar]

توج ماصارلج سنه ليش مستعيله على طفل الانبوب ان شالله بتحملين والحمدالله كا حملتي واجهضتي ان شالله ربي بيعوضج والعمر جدامج وبتبين درزن يهال ان شالله
الله يرزقج حبيبتي بالحمل الثابت

 

[ما في مثلهااا]

الله يرزقج

 

[ترووفه]

حبيبتي ام كاظم


ليش تسوين انابيب


ياقلبي انتي حملتي طبيعي


وان شاءالله تحملين طبيعي

روحي لدكتوره تفحصج او تعطيج كلوميد

او تاخذين عسل يقوي وينشط البويضااات للحمل

بس حراام انابيب وانتي حملتي طبيعي

والاجهااض عادي اشكثر حريم يجهضوون وبعدها يحملون بجم شهر

والله يرزقج ياااااااااااااقلبي ويرزقني ويرزق كل البنات ياااااارب

 

[ام الحوراء زينب]

مشكورين بنات على الدعاء ان شاءالله لكم مثله

شسوي والله صرت مينونه شعوري كان غير يوم حملت والله كل يوم اتحسف ليش سافرت

وان شاءالله قلت براجع عند دكتورة واشوف

 

[++The DuchesS++]

الله يعوض عليج حبوبه
وتو الناس على الانابيب
اصلا ماله داعي تفكرين فيها الحين
توج عروس حبوبه

 

[ام الحوراء زينب]

مشكورة حبيبتي شسوي والله لمن اشوف ريلي شلون يحب اليهال قلبي يعورني