ابي استشيركم خواتي لاتبخلون علي بنصيحه

[دغبووجه]

السلام عليكم خواتي

شلونكم يالغاليات

بنات ابي استشيركم بشغله ابي اسويها

انا وايد خاطري بالبنات ولي سنتين احاول احمل عالاسباب وسبحان الله مايصير

مع اني سليمه ومافيني شي لا انا ولا ريلي وعندي عيال اسم الله عليهم

لما اشوف بنات خواتي يتفطر قلبي ودايم ادعي ربي يرزقني مثل مارزقهم

الشي اللي نويت عليه عملية التلقيح اتوقع يفصلون فيها الذكور عن الاناث

ويحقنون اللي تبينه ويصير بقدرة الله

المشكله اني وااايد اجهل هالامور وفي بنات نصحوني بمستشفى العرف

انا مو عارفه اذا فيها عواقب على الجنين والا لا. احاتي يطلع فيه شي لاسمح الله

اكون يبت لنفسي تعب بيدي

خواتي انا محتاجه تشجيعكم وتجاربكم واللي ماتبي تكتب اهني تنورني بالخااص

انا مو صغيره عشان اقول العمر جدامي واييب والسنين تركض وابي لي بنات استانس معاهم

والله يخليكم لحد اييني من باب الحرام والحلال انا سائله والحمدلله اجازوها العلماء وفينا وعي ديني الحمدلله

ابي رايكم حبيباتي من اللي تسمعونه وتجربونه لاتبخلون علي فديتكم

 

[المشاعر تحبك]

ما في شي أكيد حبيبتي كل شي بيد الله .. أتمنى البنات يفيدونج

والله يرزقج بالبنوته يا رب

 

[سارة ة]

ااب والله يرزقج بالذريه الصالحه ماعندي فكرة

 

[mannawy]

وفي مسند أحمد من حديث ابن عباس وفيه قول رسول الله صلى الله عليه وسلم للجماعة من اليهود حين جاؤوه : فأنشدكم بالله الذي لا إله إلا هو الذي أنزل التوراة على موسى هل تعلمون أن ماء الرجل أبيض غليظ وأن ماء المرأة أصفر رقيق، فأيهما علا كان الولد والشبه بإذن الله، إن علا ماء الرجل على ماء المرأة كان ذكرا بإذن الله، وإن علا ماء المرأة على ماء الرجل كان أنثى بإذن الله قالوا : نعم .

فهمتي؟!
في دراسه قدمها دكتور سعودي كان يحاول يبي ولد بإذن الله وتوصل لنتيجه ان اذا كانت دورة المرأه منتظمه كل 28 يوم وكان يريد ان ينجب ذكرا فعليه ان يجامع بعد 17 يوم من اول يوم نزول الدوره. وما قبل ذلك يكون انثى بإذن الله.
في حالتج اسمحيلي بس لازم انتي تسبقين زوجج ويكون بعد الدوره على طول لي قبل يوم 17. واقري بالنت في ناس تسوي محيط قلوي وحمضي ووايد لويه وفي نوعية اكل تلتزمين فيها لمدة شهرين وجذي. اقري حبيبتي لين تقتنعين.

أما سالفة انقسام الاجنه انا سمعت وكانه وأد اطفال في بطون امهاتهم والله اعلم ومابي افتي لاني كلش ما افقه في الدين بس تاكدي احسن وسئلي بنفسج مشايخ السعوديه ومشايخ الكويت والله يسهل عليج ويرزقج باللي تبينه.

والله يرزقج باللي تتمنينه.

 

[&هند&]

في طريقه تقدرين تحملين فيها ببنت باذن الله بعد الدوره مباشره الجماع وتمتنعين عن الجماع وقت التبويض وتقدرين تروحين للدكتوره وتحددلج الايام والتلقيح مو سبب للبنت انا حامل بولد من التلقيح

 

[بناتي عيوني]

الله يرزقج الذريه الصالحه