ابي استشيركم بليز لا تردوني

[Kawaii GiяL]

السلام عليكم و رحمه الله و بركاته

بناتو ما بقى شئ انشالله و الهامسترات عندي كلهم ينباعون عدا توشا و موشكا

و ابي اشتري بدلهم حيوان حجمه كبير
نفس الوبر خنزير غيني

اللي يطلع بعايله الرعب the addams family

كاهو هذي صورته

هذا ما يسلفني شعره ههههههههههه

و هذا شعره خفيف النوع المفضل عندي

ممكن تقولون لي من وين احصله

و هم محتاره بينه و بين الجنجلا

مابي قطوة لانها تشمخ اخاف على الياهل اللي عندنا و ما تنحط بقفص و تحتاج لويه و تطعيمات على عكس الوبر و الجنجلا ما يحتاجون تطعيم و اغراضهم تعب اول مرة بس في اعداد القفص بعدين عادي

و اذا تعرفون حيوان حلوو و ينحط بقفص و اقدر اطلعه و حجمه وسط كبر الارنب
و مابي ارنب
بس ان نوعه حنوون و محتاج حنان و دلوع و يتلزق

يعني الوبر يحب صاحبه و اذا تخلى عنه يمرض و يموت و ينسدح على بطن مربيه و ينام هههه وناسه انا احب
جذي لما يتلصقون

و الجنجلا اذا مسحتي عليه يخدر و ينام عندج وناااسه

و بنفس الوقت اقدر احطه يقفص لو خفت عليه او تعبت او رحت الجامعه
^_^

شرايكم و تعرفون اماكن تبيع وبر مع ان افضل تربيت بيوت انظف يكونون و شكرا




​

 

[Aboosah]

حياااااااااااااااااااتي والله ياليت اعرف اي حيوان من الي انتي تعرفينهم لكن للاسف

يالله انشالله تحصلين الي في بالج ومبروووووووووووووووووووووووووووووك بيعت همستراااتج

وموفقه يااارب

 

[Kawaii GiяL]

مشكورة حبيبتي تسلمين يا قلبي اهما موجودين بسوق الحمام بس ابي تربيت بيوت افضل او اماكن نظيفه و احسن ^_^سوق الحمام كلشي فيه مرض

 

[ســكــّر]

:eh_s(6): لا والله القطوه تشمخ

وهذا سنه شطوله هههههههه والله مره عضني همستر زين قلبي ماطلع بمكانه ههههههههههههه


والله تبين الصج الخنزير غيني حلو بس عيبه شعره تقول قذله
مانصحج فيه


احسن شي الجنجلا حلو وصغير ومجكنم افضل

وعلى فكره انا شايفه خنزير الغيني بسوق اليمعه قاطينه مع الكتاكيت وعليا اثنين مع بعض


تلاقين بسوق اليمعه اشكال واالوان


موفقه ،

 

[Kawaii GiяL]

بالعكس احسن شئ قذلته تسوين له سبايكي

شوفي الخنزير الغيني بطبيعته اليف لا يمكن يعض

مع ان صج سنونه اكبر من الهامستر و يشق اليلد نصين هههههههه بس اليف طبيعته يتعلق بالمربي

و يحبه يعني ما احاتي يعض

والقطوة ما تنحبس بقفص

يعني لو طلعت من البيت احاتي القطوة من الياهل و احاتي الياهل من القطوة هاذي تشمخه و هذاك يفقصها

و سوق اليمعه اللي شفتيهم نظاافو لا تعابى و مرضى ؟؟

 

[ســكــّر]

والله تبين الصج يعني نص ونص لانه كان حر وشكلهم مبهذل

بس القطوه عادي ليش تخافين عليها من اليهال
بالعكس قطوتي لما شافت ولد اخوي الصغير سبحان الله ماعضته ولا تقوله شي
شمعنا مادري
لو انا امد ايدي تلعب معاي تعضني على الخفيف


وان شاء الله يارب تحصلين الي تبينه

وبالتوفيق ،

 

[girl0lisheis]

حبوبات جم اسعارهم تقريبا
وجنه شايفه واحد يبيعه بالمزاد

 

[Kawaii GiяL]

الجنجلا 60 اقل شئ - 80 - 120

الوبر مو غالي وايد نفس سعر الهامستر تقريبا

 

[Kawaii GiяL]

القطوة عباله و تطعيمات و روحه و رده و شعرها يحت و فطريات و امراض و انا مالي بهاللويه ما احب القطوة واااايد

و امي ماله من القطاوة ما تبي لانها ربت قطاوة لين قالت بس و لاعت جبدها هههههههه

ولو بشتري قطوة النوع اللي ابيه مو متوفر exotic و سعره غالي لو بييبه من بره

يعني مالي خلق عوار الراس هذا كله و الارنب كان عندنا مليق كله قطن و مات ويوصخ بكل مكان

و تربيه الثعابين تستانسين اول يومين بس
و العناكب ممله

الشواذي ايننون الصراحه بس الله يسامحهم باعوها لو مخلينها بس الواحد يخاف من الامراض

و الجلاب نياسه كان عندنا الحين يدي معترض ما يدشون الملايكه و من هالكلام

و الكتاكيت يموتون اول يوم و احجامهم صغيره

لحد يقولي طيور ما اواطنهم

و السمج ما اقدر امسح عليهم

و السلاحف ريحتهم خايسه

يعني مادري محتاره والله بس اللي متوفر الوبر بس وين القى نظيف و حلو هني الحجي

 

[a7la-86wa]

شفت توقيعج
تطالبين بواحد مثله
الشنشيلا تهبل
والوبر جنه هامستر بس اكبر
شنشيلا احلى
واغراضها تلقينها عندqــويتيه

 

[Kawaii GiяL]

اي انا محد شوقني عليهم غير كويتيه

بس الجنجلا مواسم مو اي وقت القاهم انا و حظي و اذا لقيت ابن حلال يعطيني سعر زين

بس وين و متى

 

[سكارف.فوشي]

حطيلج سنجاب ترى حلوين بسوق الحمام مره شفت
ولا غوانا
بس تبين الصج احلا شي قطاوه لووول

 

[Kawaii GiяL]

ههههههه بس غوانا كانت عندنا مفيده تقلل الذبان بس جنها لعبه

السنجاب العادي وصخ و ما يركد وايد يتحرك لا و لا يتعلق فيني و لا يدري عن هوى داري اصلا هههههههه
و لا اتوقع يخليني امسح عليه و سوالف يتلزق و ينام يمي

و لا في بالنت معلومات كافيه عنه و بطريقه تربيته

 

[سكارف.فوشي]

مممممممممممممممممممم
ربيلج نمل
ههههههههه لا اتغشمر معاج انا اقول الشاشيلا يهبل عجيييييب احس فروته ناعمه بس وين تلاقينه

 

[Kawaii GiяL]

ههههههه عاد فكرت بالنمل والله الاجانب يربونهم بس خفت لان قريت ياهل دش براسه نمل عن طريق الاذن و كلو مخه و مات
و راح يطيحون طنازة فيني يايبه ربعج تربينهم هههههه شيفكني من لسانهم

اي الجنجلا انعم فرو من بين حيوانات العالم و حتن التراب اللي ينظف فيه خاااص غير الهامستر ووصخه ماله ريحه انظف قارض

 

[سكارف.فوشي]

لالا عيل لا يحوشج نمل
الله شوقتيني عيل مالج الا الشانشيلا يهبل
تعالي مافكرتي بالبطيطات الصغار

 

[Kawaii GiяL]

هههههههههههههههههه بطه شسوي فيها وين احطها ^_^ ما احب غير البطه السوده اللي تطلع بلوني و توني
دافي داك ^_^

لا لا شكلي بتم عالوبر و بس لان الجنجلا صعب و مو متوفر

بس اللي تقلى تفيدني

 

[Joo.Joo]

انااااااااا ارشح القطوه بما اني الحين صرت من انصااااااارهم لووووووووووووووول

 

[3w!Shni]

هذا وشو؟؟؟

هامستر بعد؟؟

وحجمه نفس الهامستر الثاني ولا اكبر؟؟

انا افتر مخي مافهمت لوول ..

بس عليه شعر .. جنه شعر دكتورتنا العيوز بالكلية :/

ما شاء الله

<- تطالع كثافة قذلتها بالمنظرة

 

[Kawaii GiяL]

ولين جوجو اشتريتي قطوة و ابتلشنا ههههههههه

الثنائي المرح حبيبتي هذا قارض ^_^ مثل الهامستر بس اكبر شوي