ابي استشارتكم يابنات جزاكم الله خيرر

[مياسه الحساسه]

حبيبتي ..الحل الطلاااق
تدرين ليه ...لان ابو طبيع ما يترك طبعه
وانتي على البر لا حمل ولا شي
انصحك فكري كثيررررررررر ...
انتي راضيه بعيشة القهر والمهانه
انتبهي لا تحملي هالفتره
والله يعينك

 

[ربي يسر امري]

ياعمري صعب نشوف لك حل بدون لا نسمع الطرف الثاني شيقول

لكن بعيدا عن عاطفتنا وياك انا اقول ان الرجاال ما ينفر من بيته الا لاسباب

ومو شرط الاسباب تكون مقصوده منك لكن ربما عن جهل منك او قله خبره

الاسباب كثيره يمكن مالقا طموحه وياك كزوجه وماتحققت احلامه الورديه وياك

وهم مككن يكون الرجال لعوب من قبل لا تعرفينه فمو قادر يتخلى عن عاداته الماضيه وياك

انصحك اجتهدي في تعوضه للنقص الي يبحث عنه خارج بيتك

دلليه سويله وفعليله ولبسيله وفي لحضاتكم الحميمه كوني مثقفه وياه بشطارتك وحركاتك

طبعا لما افقولك دلليه مو شرط اقصد انك مقصره وياه لكن ع الاقل لا تخلين له حجه يروح الغيرك

وبالمقابل انا متاكده انك بتلاقين زوج مختلف عن زوجك الي الان توصفينه لنا


اهم شي الصبر وطوله البال والحكمه في التصرف

 

[أنثى..]

يمكن الكلام اللي بقوله بيضايقج بس صدقيني باعتبرج اختي وبنصحج..الريال ما يطلع ويدور بره الا لما يكون فاقد شي داخل , ماراح ودور بنات وعلاقات الا انه مو مرتاح معاج , يمكن اهتمامج بشكلج او لبسج او مو شايف اغراء او خلل بالعلاقة الجنسية وفي اسباب ثانيه مهمه يمكن يدور الاسلوب في رياييل ما يعشقون بالشكل يغريهم اسلوب البنت وطريقتها بالكلام وتكون واثقه وجريئه وتدلعه بالكلام .. شوفي الخلل اكيد موجود باحد الأشياء اللي ذكرتها وحاولي تصلحين الخلل وأي استفسار تقدرين تسئليني بالخاص واعتبريني اختج

 

[ملگه]

الله يعينج حبيبتي مادري شنو اقول

 

[!الجادل الصعب!]

هالسوالف يبيلها وقفه جاده
رايحه تكلمين ابوه يعني بيصدق فيه ! كلمي اهلج ينفضونه
يا يتسنع والا مايشوف شر
ارخصتي نفسج حيل .. كل ماسكتي يدلعج .. فلوس ومطعم ! ليش متزوجته
عشان جوعانه والا عريانه ..!

 

[قمة^الانوووثة]

الطلاق مو حل يعني لو تطلقت راح تتزوج ملاك؟؟؟

خلنكون واقعيين منو ماعنده خرابيط هالايام حتى لو ما كلم بالتلفون بيطالع البنات و بيسولف مع ربعه عن البنات

الطلاق يا امي يكون حل في امور معينة:
اهانة الزوجة و اهلها و عدم احترامهم
شافت بعينها نايم مع وحدة
ماعنده قدرة على ممارسة الجنس عجز جنسي تام اوضعيف
يضربها و يسكر و مايصلي
يحرمها من حقوقها و يقصر بحقها الشرعي
او رجل يمارس اللواط و العياذ بالله او عنده شذوذ جنسي مثلا مع اطفال

اما يكلم بنات و يعصب لا يا بابا هالامور تصير بكل العوايل
بس مثل ماقلت الموضوع محتاج وسع صدر و طولة بال و تخطيط واضح و قوي حق المستقبل
مابي ابالغ نفس بعض البنات و اتكلم كأن ماتجوز المشاكل و حياتهم زي الفل

انتي حاولي اول شي و اهم شي لا تجيبين عيال عن طريق حبوب مانع اذا هالشي يرضاه زوجج
ثاني شي يمكن انتي مو البنت اللي يحلم فيها حاولي تقعدين بينج و بين نفسج شوفي شنو الشي اللي مخليج بنت عادية
لبسج؟ كلامج؟ حياتج معاه روتين؟؟؟

انتي اعلم بحياتج لكن لحد يخرب بيتج و ينصحج بالطلاق
الطلاق مو نصحيةالطلاق لحل اذا كانت الحياة مستحيلة

شوفي حبيبتي بعض البنات رجلهم بالماي لباردة و تقعد تقول تطلقي و هذا ضع لا يطاق!!!
بالرغم مثلا انتي امراة صبورة و تتحملين هالوضع
و بعض البنات تقول تحملي و اصبري بالرغم انتي ما تطيقين الصبر من هالنوع

كلنا نختلف بمواطن الصبر عندنا ممكن انتي تصبرين على شي ما يصبر عليه غيرج

بعض البنات الله يهداهم على اي شي تطلقي و تهاوشي
لالالالالا
زوجج مو محتاج تواجهينه و لا محتاج تربينه محتاج يجذبينه صوبج
انتي تغيري انتي تغيري انتي تغيري
شوفي شنو يحب وسويه و لاتنسين الله بالذكر و القران يا قلبي
والله يهديه لج

منو عارف باجر يصير خاتم بصبعج و ينسيج اللي كان و يخليج ملكة !!!
كل شي جايز و هذا اللي اتمناه لج

 

[صمت المرافئ]

ما عندي لج غير هالنصيحة ...
مادام الوضع مو مستقر ...
حرصي على نفسج لا تحملين
اخذي مانع حمل بدون لا يدري أحد حتى أمج
وشوفي شيصير مع الأيام ...
تعدل الريال وتحسنت علاقتح معاه
وترك الخرابيط ... وحسيتي إن لج مستقبل معاه
تتركين المانع وتمشي الأمور
أما إذا زادت الأمور سوء
تكونين على البر ...
خالية الحضن والبطن ...
وتطلعين من هالزواج بلا مخاسير
الله يوفقج ويهدي زوجج
​