ابي اروح مصر شنو اييب معاي؟؟؟؟؟

[lazaward]

السلاام عليكم

بناات انا ودي اتاجر بشي بسيط
ابي اروح مصر اخر شهر 12 بس شنو اييب معاي من مصر
ويمشي هني عندنا بالكويت؟؟؟
الله يفتحها بويها اللي تساعدني لاني صج محتاجه اسوي شي بحياتي لانه انا ما اشتغل​

 

[حجيه هيونه]

امممم والله مادري شوفي البنات الي يجيبون بضاعه من مصر يمكن يفيدونج

انا الى اشوفه بدلات الرقص والكريمات الى مو موجوده هني يعني هالسوالف

 

[كتكوته ورديه]

هلا والله جيبي بدلات رقص شرقي وجناط تقليد ماركه واحذية تقليد الماركه وطاحين علي شنط وحذاء وملفع تقليد يهبل انصج تجبينه بضاعه

 

[غصن الغلا]

اااا

 

[lazaward]

شاكرة مروركم

 

[ازعجهم هدوئي]

شوفي حبيبتي جيبي من مصر كريمات وادوية فيتامينات الي تكون مو موجوده بالكويت وادوية تخسيس واممممممممم بعد عندي مرت خالي تجيب من مصر قدورة باحجام مختلفة واطقم سفرة روووعة وبعضهم تهديهم هدايا وبعضهم تبيعهم عندهم رخيصة برخص التراب واتمنى لك التوفيق

 

[floransa]

ذاك اليوم وحده يارتنه يابت بضاعه من مصر والله بضاعتها حلوة و الكل استانس عليها حمر اماندا تهبل ييبي منها مو خساره البنات خلصوها ما شاء الله و صبغ اظافر اماندا بعد و غير سوالف الكريمات و الفيتامينات و هالسوالف ومثل ما قالو البنات بدل رقص و اخذي فكرة من المول البنات شقاعد يبيعون من مصر و ان شاء الله موفقه