ابي ارد بكلمه وحده تسكت اخت خطيبي

[قصَيميه دلوعهـ!]

السلام عليكم
مالي بالمقدمات..
ما اعتبر موضوعي مشكله لا
بس احيانا المزح يكرهك بالشخص .. ماله داعي نمزح عشان نضحك ناس على حساب ناس ثانيه
انا مخطوبه الحمدلله بس اخت خطيبي الكبيره مزحها ثقيل نوعا ما..
اول ما انخطبت جتني وصارت تمزح معاي وتخيلو بنفس يوم الناس تبارك وهي تقول خلاص صرتي ام فلان
والاسم هذا اسم ابو خطيبي - والاسم قديم وتعرفون الاسماء القديمه احيانا سواء بالنطق او بالمعنى
تكون شوي مضحكه وكانها معياره للشخص حتى ابوهم الله يرحمه رفض اي احد يسمي عليه -
المهم اصلا خطيبي مختار اسم غير ابوه اسم حلو ويقول ماراح اسمي على ابوي
ها الانسانه قالتلي ام فلان وضحكت وقتها وعلقنا ع اساس انها مزحه...
صار فيه اجتمع ثاني قامت تناديني با ام فلان انا الى هنا خلاص stop :eh_s(14):!
سويت حالي ما اهتميت بس هي زودتها طلبت من اخوها خطيبي يغير اسمه الى ابو فلان من باب الدعابه .. وخواته وحتى الصغار صارو يقولون لي ام فلان
وتعرفون لما يعلق الاسم على الشخص ينسون الاسم الاصلي ويختارون المعياره
يعني ان شاء الله لما يرزقني الله بطفل ولو سميناه محمد عبدالرحمن ... الخ
راح يعلقون عليه بالاسم الثاني وينسون الاسم الاصلي

انا اقدر ارد واسويها مشكله ومشكله كبيره بعد...

بس انا اتمنى اقدر ارد عليها بكلمه تسكتها وتكون الكلمه قويه وبنفس الوقت تفهم ان هالشي مو عاجبني

لقلوبكم :eh_s(17):

 

[Tom ♥ Jerry]

.


ويييه ليش معورة قلبج !!
طنشيها و سولفي و ظحكي عادي و لا كأنها موجوده

 

[Dancing^Queen]

السلام عليكم اختي
الله يوفقج مع زوجج ويجمع بينكم بخير
وان شاءالله تكون علاقتج مع اهله ممتازه


نبيي الحين حق مشكلتح المطروحه اخت خطيبج وتسميتها لج باسم ام فلان (اسم ابوها)
بسالج وجاوبيني بصراحه في احد بحياتج اغلا من ابوج وامج الله يخليهم لج ويطول باعمارهم ؟
ترضين احد يتطنز علي اسم ابوج او يتضايق منه لو كان الوضع معكوس؟ يعني لو هذا اسم ابوووج مو اسم ابو خطيبج
ويتي انتي وناديتي مرت اخوج بام فلان اللي اهو ابوج اللي اهو اغلا ريال بالدنيا وتفخرين انج شايله اسمه
ويت اهي وقالتلج ستوب بليز ماسمحلج تستهزين فيني اوتناديني بام فلان ؟
حتا لو اخوج كان قايل ماراح اسمي علي ابوي لان اسمه ثقيل وقديم ومايصلح (وبعض الاسامي صج ماتصلح تتسما بهالوقت اايدج انا وحده انعرض علي اسمي علي عيله ريلي ورفضت مع احترامي الشديد لهم ولاسم عيلتهم فاعرف موقفج بالضبط)

ترضين ان مرت اخوج توقفلج وتعصب او تسويها مشكله؟
ترا مافي اعزم ن الابو وكلنا نفتخر ان شايلين اساميهم لو شنو كانت ولو انا مستحيل ارضااااها احد يقول كلمه عن اسم ابوي لو كان شنووووووووو!
واللي يعلق عليه اعتبره يسبني ويهين اهلي كلهم

فنصيحه
كبري راسج عن هالامور ونظري لها نظره ايجابيه قولي من معزتي وغلاتي عندهم سموني باسم ام ابوهم!

 

[لمى الهاجري]

انتي ردي عليها وقولي لها انتي ام فلان اسم ابوها

 

[BlueDazy]

مافي انسان يرضى على ابوه...صفي نيتج...بالتوفيق

 

[متيمة بالشعر]

آولاً : حبيبتي هي آكيد تتغشمر بس مثل ما قلتي غشمرتهآ ثقيلة شوي !
و بعدين مثل ما قآلت اختي BlueDazy [ ما آحد يرضى على ابوه ] , يعني حتى لو كبرتي السـآلفة آو بينتي انج
زعلتي رآح تنقلب السـآلفة عليج حتى من ناحية خطيبج و بيقول لج [ ليش يعني اسم ابوي مو عاجبج لهدرجة !! ] ويمكن
يعآند !

...

آنتي إذا تكلمت اخته سوي نفسج عادي لا تردين خلج عآآآآدي , بس بينج وبين خطيبج تكلمي بجدية انج
تبين الآسم الثآني ,

و آنا استغرب من اللي يقول لازم يسمون العيال على اسامي الآبهآت دليل الغلا ! هو صج دليل الغلآ
بس مو دايما الغلآ بالاسم !!


...
والله يوفقج حبيبتي , ويتمم عليج ​

 

[قصَيميه دلوعهـ!]

بنات بس هي اصلا مو عاجبها اسم ابوها
ولو تحب ابوها صحيح ليش ماسمت احد من عيالها عليه ..؟؟ وزوجها بس سمى اول ولد والباقي هي مختاره الاسماء
هي تناديني بالاسم هذا عشان تضحك وتسلي الناس يعني تناديني باام فلان وكانها تعيرني وتضحك
انا لو قالتلي وهي جاده ماتضحك الناس عشان تبين انها خفيفة دم كان قلت عادي
بس هي غرضها تضحك الناس الي جالسين بمجلسها
جت ام فلان وراحت ام فلان
وتكررها علي ماعندها غير هالسالفه هذي
خلاص ضحكنا اول مره

ترضين احد يتطنز علي اسم ابوج او يتضايق منه لو كان الوضع معكوس؟ يعني لو هذا اسم ابوووج مو اسم ابو خطيبج
ويتي انتي وناديتي مرت اخوج بام فلان اللي اهو ابوج اللي اهو اغلا ريال بالدنيا وتفخرين انج شايله اسمه

شوفي ياعيوني لو الوضع معكوس
والله ثم والله ما اجلس اقول لمرت اخوي ام فلان عشان اضحك الناس الي بالمجلس
وابين اني خفيفة دم واتشمت با اسم ابوي عند الي يسوى ومايسوى

 

[black rose BH]

ماحس انها مشكلة او شي يضايق من صج !

ضحكي ومشي الامور

وان زادت قولي الي الله كاتبه بصير يمكن اييب بنات !

ليش تعورين راسج ع موضوع تافه مشي ومشي يايج الي اخس منه بالمستقبل

 

[جلكسي بالمكسرات]

حبيبتي سالفة أسوي مشكله كبيرة هاذي انسيهاااا
بتكونين في نظرهم تافهه وسطحيه
بس أنا لو مكانك بكل بسااااااااااااااااااطه اذا قالت بقول الله يخليك فلانه والله ما احب تناديني بهالأسم ناديني بأسمي
وقولي حق كل خواتها وكل الي ينادونك بأسم ام فلان قولي لهم بأسلوب حلوو " والله ما أحب بليز نادوني بأسمي

 

[روانتي 12]

السلام عليكم . .
عادي ياحبيبتي شعليج فيها ! خليها تقول الي تقوله ماعليج منها ! . .
وسعي صدرج بس . .

 

[غلاي رورو]

مسسوووووووويه ساااالفه من ولا شي معليش يعني قهرررتيني اسسسمعي وطنشي ومصيرك بتسوي اللي تبيه


لاتتتتتتتتعلييق

 

[أعشقه]

يؤه
طنشيها وهي تتريق ع اسم ابوها مااحترمت ابوها تبين تحط لك انتي اهتمام او تحترمك
اذا هذا طبعها ولا كانك تسمعين لهاا عطيها باطح
ولو قالت لك ام فلان خلي الوضع فري وحتى لو الكل يضحك لا تضحكين
قولي لها مو مشكله حتى لو اسمي عليه يكفي نسمي ع ابو فلاان حشريها بالرد القوي وباحترام عشان تعرف مقدارها كيف اذا هي سخيفه خليك ارقى منها بالتعامل والكلام الطيب
مو عارفه شلون اوضح لك فكرتي .. بس ابد لا تبينين لها انك متضايقه تاخذها عليك نقطة ضعف
ويكفي ان زوجك مايبي يسمي خليها تنادي بالي تبي اهم شي انتي وزوجك وش متفقين عليه
يعني لا تدققين وتسوين لنفسك هوشه وانتي توك ماتزوجتي

 

[ryoonah]

طنشييييييها

 

[غلآ نوآف]

مثل ماقالت اعشقه
يعني هي دام تتريق ع اسم ابوها
ما احترمته وهو ابوها ورجال ميت رحمه الله
تريدينها تحترمج انتي ؟!

ومافيها شي اختي
لاتكبرين الموضوع ولا تبيني انج متضايقة
احسها راح تزيدج مغثة

لان بكل الاحوال
مو حلوة بحقج

اذا كبرتي الموضوع زعل منج خطيبج
واذا عصبتي ورديتي ع اخته زادت العيار وضحكت عليج زيادة ومسكتها عليج طول العمر

لاتبدين بالمشاكل قبل لاتدخلين الدار
خلي مدخلج مدخل خير
وخلي الناس ان حاولوا يدورون فيج عيب
مايلقون غير البياض النقيء

وكبري عقلج

 

[أشبـاهـ المطـر]

فعلاً دلــوعــه
يبا هذا ابوها حتى لو اسمه
شمشون بالنسبه لها الاسم العزيز
وانتي لالحين مادخلتي عليهم
ولا جا ولي العهد سموه باللي تبون
بعدين الاخت كبيره بمثابة الام وكلمتها مسموعه
ماتدرين يمكن هي قصدها تختبرج
حبيبتي ترا مو من صالحج تسوين مشكله
لانج بتصغرين بعينهم والاهم بعين خطيبج
بنظرهم بتكونين انسانه ضعيفه ومهزوزه الكلام
يأثر عليج لا تطلين التفكير بهالموضوع لانه فعلا
تافهه ارقي بتفكيرج وفكري بمستقبلج وبحياتج الزوجيه
والله يبارك لكما ويجمع بينكما على خير ...​

 

[عزة وكبرياء]

قوليلهاتو الناس على ام فلان وبعدين ليش تضحكين ؟في احد يضحك على اسم ابوه ويستهزء فيه ؟وطالعيها باستغراب راح تخجل وتستحي وتنتبه لتصرفاتها وتنطم وتسكت بس قوليها بهدوء وبراحة مو بعصبية ​

 

[عيون مبارك]

ترى السالفه تافهه لا تضحكينهم عليج

 

[سندس 90]

ممممم انا حاسه فيج
أتضايق بشغلات عند الناس يشوفونها تافه وماعندي سالفه فيها بس أهي تجرحني وتغثني أنا
شوفي سالفة إنج بتهاوشين وتكبرين الموضوع مايسوى عليج
وأنا داااايماً أقوول دام زوجج زين معاج هذي أكبر نعمه وماعليج من أهله إلا أمه وأبوه صج عزيهم أما خواته وأخوانه وحريم أخوانه هذول مجرد مجامله
وهذي طنشيها وصدقيني لي الله رزقج بولد إن شالله وسميتيه بإسم حللو بينسون وإذا ردو ينادونه بإسم جده قولي بسم الله عليه " هههههه أدري قويه بس حزتها عشان تسكتينهم "
ونصيحه هالدنيا يبيلها تطنيييييش لانج بتشوفين أشكال وألوان من هالناس فطنشي عشان تعيشين
مووفقه*

 

[mis soso]

الله يييعيينك

 

[انونا]

مع اعشقه 100%