ابي اراجع دكتوره لـ تأخر الانجاب متى اراجعها ؟ اي يوم من الدوره ؟

[نوووونـــي]

السلام عليكم ورحمة الله وبركاته

خواتي بليز انا عندي بنوووته عمرها 3 سنوات حملت فيها على طول عقب عرسي

وابي احمل مره ثانيه بس الحمل وااايد تأخررررر

وابي اراجع دكتوره تشووف شنو علتي مع اني قبل راجعت الحكومه ووسوينا تحاليل انا وريلي وقالولنا مافيكم شي

وعقبها بجم شهر حملت واجهضت



والحيييين ابي اعرررف تكفووون بنات

متى اراجع بأي يوم للدوره ؟!! والا عادي مو شرط يوم محدد

زين وبليززز شنو اترشحوولي دكتوره زينه وشاطره واهم شي بالها طويل ونفسيتها حلوه

ترااا حدي غشيمه ومااااااعررررف !!

 

[the^mother]

الله يرزقج ان شاءالله قبل لاتروح للدكتورة

على حد علمي راح تعطيج تحليل يوم 21 من الدورة للمبايض

واذا كانت دورتج منتظمه تروحين لها يوم 12 من الدورة عشان تسوي لج شونار داخلي تشوف تبويضج

بس انتي روحي لها قبل الدورة وشوفي شنو تقولج وانصحج في ماجده اليتامى او مساعداتها معروفات حتى يجونها من برى يعالجون عندها

بس قبل كل هذا صدقيني نصيحه اذا تبين الحمال باذن الله من غير علاج ولا شي

اقرى كل يوم سورة البقرة صديقيني ربي راح ييسر امورج

وعسا الله يرزقج بالذرية الصالحة

 

[نوووونـــي]

مشكوووووووره ياااقلبي ويزاج الله الف خيرررررر

 

[فوفو22]

اتوقع للفحوصات ثاني وخامس يوم بالنسبة لهم لفحص الهرمونات

ولكن عندي راي

اتصلي بالسكرتيره مالت لدكتوره وهي تحدد لك موعد يناسب ظروفك

 

[mrs.q8]

روحي لها قبل الدورة عشان تعطيج مجموعة تحاليل للهرمون وقوة المبايض ومادري شنو بعد وتحليل الهرمون لازم خامس يوم الدورة فعشان جذي روحي لها قبل الدورة بجم يوم ويعل هذي اخر دورة لج وبعدها تبشرينا..

 

[.>حــــــــ(و)ـــراء<.]

روحي ثاني اليوم الدوووووووووره

الدكتوره دايمن تقولي هذا احسن يوووووووم عشاااان تسوي السونار و الفحوصات

 

[m e m e]

نفس ماقالت كوكو من ثاني يوم الدوره و بعدين عاد الدكتور اتابع وياج

 

[نوووونـــي]

مشكوورين فدييييييتكم ماتقصرووووووووون

 

[^^ام ميمي^^]

ثاني يوم من الدورة اتراجعين عند الدكتورة علشان تسويلج سونار داخلي واتشوف الرحم والمبايض وان مافي تكيسات او اي مشاكل وراح تطلب منج تحاليل خامس يوم الدورة ويوم 21 من الدورة و اذا تبي تبدي معاج بعلاج تبديه من ثاني يوم من الدورة يعني افضل وقت ثاني يوم الدورة

وربي يرزقج يارب

 

[ام يوسف القمر]

ثاني يوم دورة والدكتورة والله عندج وايد وانتي اختاري بس انا ماقمت احب حريم عندي الريايل احسن روحي عند منصور العرف وايد زين بس دام حملج طبيعي انسي الموضوع وراح تحملين من رب العالمين يكن انتي تفكرين واذا تفكرين في هرمون يمنع الحمل لاتفكرين هالشهر ولهي نفسج ان شالله تحملين من رب العالمين هالشهر

 

[lolaaaa]

الله يرزقك الاطفال من عنده

 

[نوووونـــي]

والنعم بالله

ربي لاتذرني فردا وانت خير الوارثين

ويزااااااااااااااكم الله الف خيرررررررررر

 

[كويتيه مذهله 87]

حبييبتي اذا انزلت عليج الدوره ان شالله ما تنزل
تدقين علي الدكتوره تاخذين موعد ( ما انصحج بالحكومه روحي خاص)

وتيييلها ثاني يوم الدوره فيه تحاليل تسوينهم ثاني يوم الدوره وتقولجتعالي 10 او 12 يوم الدوره تاخذلج سونار تشوف مبايضج

وتيييلها 21 يوم من الدوره همن فيه تحاليل

وتاخذلج مسحه من تحت اذا فيج التهابات مهبليه او لأ

هذا العلاج واذا لا سمح الله فيج شي يعني مبايضج محتاااجين شي او التهااابات تييينها الدوره الثانيه وهمن تروحيلها ثاني يوم الدوره وتبدي معاج علاج يا كلوميد او ابر

بس انصحج بالابر احسن

وارشح الدكتوره فوزيه القطان عيني عليها بارده انا صارلي متزوجه اليحن بكمل 3 سنين ماخليت دكتوره ومارحتلها

هي الوحيده الي عرفتلي وحملت الحمدالله

وهذي رقمهاااا 25652855
25665385
25665408

واي سؤال انا حاظره حبيبتي


والله يرزقج ويرزق كل محرومه يااارب

 

[ليونه المزيونه]

اي انا مع البنات .. من ثاني يوم الدوره الوحده تسوي تحاليل .. انا الدكتوره طلبت مني اسوي تحاليل من ثاني يوم الدوره بس ماقدرت اسويها .. ف شرايكم بنات اروح لها من 12 يوم الدوره ولا انطر الشهر الياي لان بصراحه ماودي اطوف شهر واضيع وقت .. انتو شرايكم ؟سوري حبوبه واعذريني اذا خذيت موضوعج بسؤالي ..

 

[Dloool_q8]

اانا لمن سويت تحاليلي بثاني يوم دوره بس بسوي مره ثانيه لان بروح خاص والتحاليل قديمه

والله يرزقج ويرزقنا الذريه الصالحه

 

[نوووونـــي]

يزاااااااااااكم الله الف خيررررررررررر

ماتقصرووووووووون

وعساكم ذخررررررررر

كلكم كلكم

انا بنطر هالشهر اذا يت الدوره بروحلهاااا