اغفرلي يارب
New member
اذا ولدج السنه الياية ابتدائي
حرصي على اساسيات بسيطة يكون متعلمها
مثل مسكة القلم الصحيحه
يعرف يكتب اسمه على الخط بشكل مرتب.
الأرقام لي 20 بها العمر يقدر يعرفهم و يميزهم
الأرقام لي 10 كتابة و قراءة
سويله تمارين يوميه خليها مثل لعبه او شي ممتع مو دراسه ثقيله طينه...
ها التمارين تساعده يقوي مسكة ايده للقلم
مثلا خط منقط لازم يمشي على مسار معين من أوله اليمين الي اقصى اليسار
خط ثاني متعرج هم يمشي عليه على مسار محدد
أشكال هندسيه منقطه مربع دائره مثلث أسهم
كلها يكون مطلوب منه يمشي عليها (على النقط) بمسار محدد له مو بالعكس..
يعني مثلا الدائرة تحددين له تبدأ من ها النقطه و تمشي بعكس اتجاه عقارب الساعه.
كل ها التمارين الي قلت لج عنهم مدرسه ولدي موزعينها علينا على اساس نساعدهم خلال الصيف ان نهيأ الولد للجو الدراسي و نقوى عضلات مسكته للقلم.
خاصه بعد ان منهج اللغه العربيه السنه اليايه مطور فقالولنا ساعدونا و هيأوا عيالكم حقه....
و حاطين تمارين عقب تمارين تقويه العضلات و مسكة القلم حق المنهج الجديد.
غير جذيه
حاولي تشوقينه بالتلوينات و تشجعينه ان يلون بطريقه مرتبه داخل الصوره ما يطلع بره.
كل يوم أو كل يوم و ترك يقعد على المكتب و يلون يتعود جذيه على التركيز و القعده الدراسيه و تقوى عضلات ايده حق المدرسه و يتعلم أكثر على مسكة القلم.
الأهم كل ها الاشياء تكون بجو ممتع انتي أول وحده مستمتعه فيه
اذا تحسين انج بتقعدين على اعصااابج نصيحه من مجرب لا تقعدين
لأنه ماراح ياخذ ساعتها الا كره الدراسه.
و في كتاب رووووعه يونس خذيته من تروفاليو الفرع الجديد الي ورى الأفنيوز....
عن طريقة التعليم باللعب مع اليهال كل عمر بالي يناسبه..
اسمه(تسمية الأطفاتل الصغار و توعيتهم)
لونه أصفر عليه رسومات يهال يلعبون
الناشر مؤسسة محمد بن راشد آل مكتوم
أقص عليج اذا قلت لج طبقت الي فيه الا مره وحده بس استاااانسوا اليهال فيها وايد
و فاجأوني بانجازات ماكنت أظن يقدرون عليها بصراحه انا شفت اللعبه و قلت من صجهم عيالي بيقدرون يسوون جذيه...بس يا الله أجرب!
و تفاجأت و الله بالنتيجه
و أتمنى ألقى من نفسي مقاقه أعيد التطبيق مره ثانيه..
لكن اذا جربتيه و ساعدج ادعيلي أقدر أطبق أنا بعد ان شالله
بعد في دورات تأسيسيه حق الابتدائي عربي و انجليزي و رياضيات...بالنادي العلمي الي بجنوب السره.
حيااااتيييييييي رنين مشكوووره والله شجعتيني حيل الله يخلي لج اعيالج ويسخر لهم يارب مشكووووره
